San Lucas 24:4 - TÄ̧DO Ä̧CUÄ̧ I̧HUȨNȨ

⁴ Jahuätö ttamöcuädömä jerupinätödo. Ja̧'hua̧nö̧ ttö̧ja̧cuo̧mȩnä̧, u̧mä̧tö̧ ta̧ju̧, ttö̧'ca̧tä̧huä̧ta̧ juiyo tȩä̧ta̧ 'ca̧tä̧huä̧tö̧, ttippeyänä kä̧mä̧di̧nä̧tö̧do.

Nuevo Testamento Uwotjüja

⁴ Ja̧'wa̧nü̧ ji̧yä̧u̧ ¡to̧o̧! to̧ttä̧ra̧'a̧nä̧, ttipeyänä̧ u̧mä̧tü̧ ta̧ju̧ kka̧kuä̧mi̧nä̧tü̧, ttü̧'ka̧tä̧wä̧ti̧yu̧ kkȩdȩpä̧u̧.

San Lucas 24:4 Iomraidhean Croise

San Marcos 16:5

Idoränä do'ächi'ö, ya̧tȩ mö̧ä̧ya̧rö̧, ö̧'ca̧tä̧huä̧ta̧ o̧to̧ä̧ta̧ tȩä̧ta̧ 'ca̧tä̧u̧ru̧, ttu̧huo̧jua̧'a̧cu̧nä̧ ö̧'a̧'a̧ topinätödo. Ja̧u̧ru̧ topö, ye'inätödo.

San Lucas 2:9

Ju̧huȩnȩ ttö̧'ȩjo̧mȩ ya̧tȩ ángel Tu̧ru̧hua̧ huȩ'ä̧hua̧ i̧jȩcuä̧chi̧nö̧do. Tȩa̧u̧ Tu̧ru̧hua̧ttö̧ kä̧dȩi̧nä̧u̧do ttö̧ja̧cuo̧mȩ. Ja̧'hua̧nö̧ päi'omenä, rö̧ȩnä̧ ye'inätödo.

San Lucas 24:5

Jahuätö nä̧tö̧ ye'ecu, rȩjȩcu̧ to̧pä̧ri̧nä̧tö̧do. Jahuätö u̧mä̧tö̧ pä'inätödo: —Ucutu ¿dä̧bö̧ cu̧sä̧rä̧tu̧cuä̧ttö̧ hua'are pȩjo̧mȩmä̧ ya̧tȩ a̧dȩcua̧rö̧mä̧?

Hechos 1:10

Jesús hue'ähuotö to̧pä̧rö̧ ka̧cui̧nä̧tö̧do mo̧ro̧jä̧ra̧'a̧ cäecuächa'a. Ja̧'hua̧ ja̧'a̧ u̧mä̧tö̧ ta̧ju̧, ttö̧'ca̧tä̧huä̧ti̧yu̧ teö 'ca̧tä̧huä̧tö̧, jahuätö ttippeyänä ka̧cuä̧mi̧nä̧tö̧do.

Hechos 12:7

Ja̧'hua̧ ja̧'a̧ ya̧tȩ ángel, Tu̧ru̧hua̧ huȩ'ä̧hua̧, i̧jȩcui̧nö̧do. Pedro ö̧'o̧mȩ tȩa̧u̧nä̧ kä̧dȩ'i̧na̧'a̧do. Angel Pedro i'esubänä mȩ'ö̧, ja̧u̧ru̧ ttö̧'i̧nö̧do. Pä'inödo: —Jurunä porächi'i. Ja̧'hua̧ ja̧'a̧ cuoräusa Pedro u̧mö̧ttö̧ ejächi'ina'ado.

1 Timoteo 3:16

Iso päi'önä ujutu huo̧juä̧tö̧jä̧ Dios i̧huȩnȩ, pä'äji ttieruhuinö huȩnȩ, iso päi'önä adihuä huȩnȩ ja̧'a̧. Dios pi̧jä̧ra̧'a̧ ichinödo ujutu jö̧ ta'anö hua̧. Espíritu Santo i̧jȩcui̧nä̧cu̧do adihuä i̧sa̧ ja̧'a̧ttö̧. Angeles topinätödo ja̧u̧ru̧. O'ca toi'önä pa̧ja̧cuä̧chö̧nä̧ ä̧ju̧cui̧nä̧tö̧do ja̧u̧ru̧. Pi̧jä̧ pa̧ja̧cu̧nä̧ esetinätödo ja̧u̧ru̧. Mo̧ro̧jä̧ra̧'a̧ cä'ecuächinödo.