San Lucas 24:39 - TÄ̧DO Ä̧CUÄ̧ I̧HUȨNȨ

³⁹ Chu̧mö̧pi̧yä̧'i̧nä̧, chö̧jä̧pi̧yä̧'i̧nä̧ topätucui. Ttötäsä. Mȩ'ä̧tu̧cui̧ttö̧. Topätucuittö. Koro jua̧'a̧ espíritu idepä'inä, ihue'quiyu'inä ttörö tocu'ätucu ta'anö, jui̧'a̧.

Nuevo Testamento Uwotjüja

³⁹ Topätukuittü, chu̧mü̧pi̧yä̧'i̧nä̧, chü̧jä̧pi̧yä̧'i̧nä̧, ttütä ja̧'a̧. Mȩ'ü̧ topätukuittü, epíritumä̧ idepä'i̧nä̧, iwe'kiyu'i̧nä̧, ttü jü̧'a̧nü̧mä̧ jui̧'a̧.

San Lucas 24:39 Iomraidhean Croise

San Lucas 23:46

Ja̧'hua̧ ja̧'a̧ttö̧ Jesús huopinödo: —Chä'o, ttö cha̧'cua̧rö̧ iyösä ucuru. Ja̧'hua̧nö̧ pä'ö 'corupä'i'inödo.

San Lucas 24:38

Ja̧'hua̧ ja̧'a̧ttö̧ Jesús päinä̧u̧do: —¿Dä̧bö̧ yecuhuecuätucuättö? Cuami iso'quitucunä ¿dä̧bö̧ cuesetätucuoca'ajä̧ttö̧ adiunämä?

San Lucas 24:40

Ja̧'hua̧nö̧ pä'ö, i̧jȩpi̧nö̧do u̧mö̧pi̧yä̧'i̧nä̧, ö̧jä̧pi̧yä̧'i̧nä̧ jahuätörö.

San Juan 20:20

Ja̧'hua̧nö̧ pä'opo'ö, u̧mö̧'i̧nä̧, i'esubä'inä i̧jȩpi̧nö̧do jahuätörö. Jahuätö Ttu̧ru̧hua̧rö̧ topö esehuinätödo.

San Juan 20:25

Jesús i̧jȩcuä̧ji̧ o'ca'a, korotö u̧huo̧juȩtä̧u̧ pä'inätödo Tomásrö: —Ujutumä Tu̧ru̧hua̧rö̧ topäjätöjä. Ja̧'hua̧nö̧ pättomenä, chutä Tomás pä'inödo: —Ttömä u̧mö̧nä̧ i̧sa̧ri̧ pȩtto̧pi̧no̧mȩ tochö juiyöttömä, chudo'che i̧sa̧ri̧ doächinome rädädö juiyöttömä, i'esubänä'inä dacuodänä tattinome chu̧mö̧ rädädö juiyöttömä, yoröiso esetocösä.

San Juan 20:27

Ja̧u̧nu̧ o'ca'a Tomásrö pä'inödo: —Cudo'che pȩnȩ rä'ädi. Chu̧mö̧ topi. Ucutä cu̧mö̧ cä'epö chi'esubänä rä'ädi. Juhua'a yabonö cu'arodä'. Adiunätä eseti.

Hechos 1:3

Ja̧'hua̧ta̧nö̧ 'corupä'i'äji'ca̧, jahuätörö i̧jȩcui̧nö̧do a̧dȩcua̧ pä'ö ttu̧huo̧juä̧cua̧'a̧nö̧. Ttö̧ja̧ ta̧ju̧ mo̧ro̧ 'cuäoi'önä ki̧nö̧do. Diosmä Ttu̧ru̧hua̧ päi'önä kö̧ pä'ö ji'ähuinödo.

1 Tesalonicenses 5:23

Dios, tami iso'quinä eseunu kä̧cuä̧huä̧ iyömä, adiunätä jȩcu̧'ä̧tu̧cua̧ pä'ö ppädäcua'a̧nö̧ ucuturu. Ja̧'hua̧ta̧nö̧ Tu̧ru̧hua̧ Jesucristo ichome jubö päi'önä, surojö juiyönä tta̧huä̧rä̧cua̧'a̧nö̧ cua̧'cua̧rö̧'i̧nä̧, cua̧'cua̧ru̧hua̧rö̧'i̧nä̧, jättäpäyotörö'inä.

Hebreos 12:9

Ja̧'hua̧ta̧nö̧ ji̧nä̧ ta̧'u̧cuä̧i̧, pi̧jä̧ttö̧ tä̧'o̧tö̧ ujuturu ro̧'ȩpi̧nä̧tö̧do. Ja̧'hua̧nö̧ ro̧ttȩpa̧'a̧, jahuätörö ucuotinätöjä. Ja̧'hua̧ ja̧'a̧ttö̧ Tä'o mo̧ro̧jä̧nä̧ kö̧rö̧ ji̧nä̧ isocu repetö'a̧nö̧ ja̧'a̧, kä̧cuä̧huä̧ i'co tu̧ju̧nä̧ra̧ pä'ö.

1 Juan 1:1

Ucuturu huȩyu̧tu̧ hue'ätöjä kä̧cuä̧huä̧ i'co huȩnȩ. Ja̧u̧mä̧ pi̧jä̧ aditäcua'a ä'canä ki̧nö̧do. Ja̧u̧ru̧ ä̧ju̧cui̧nä̧tö̧jä̧ ujutumä. Tö'ärenä'inä topinätöjä. Mȩ'ö̧'i̧nä̧ mȩ'i̧nä̧tö̧jä̧ tu̧mö̧nä̧. Ja̧u̧ huȩnȩ ji̧nö̧ttö̧tä̧ ji̧nä̧ kä̧cuä̧huä̧ iyö.