San Lucas 23:27 - TÄ̧DO Ä̧CUÄ̧ I̧HUȨNȨ

²⁷ Recuätö ttö̧ja̧'i̧nä̧, recuätö nä̧tö̧'i̧nä̧ ja̧u̧ru̧ tta̧'cua̧ tta̧'ȩcu̧ amöcuädätömä, o'ca'anä ajuäunu, huopönö 'chi̧nä̧tö̧do.

Nuevo Testamento Uwotjüja

²⁷ Ja̧'wa̧nü̧ ja̧'a̧ ttü̧ja̧ rekuätü, nä̧tü̧'i̧nä̧, o'ka'anä̧ 'chä̧nü̧ rü̧ȩnä̧ ajuäkuäu wopinä̧tü̧.

San Lucas 23:27 Iomraidhean Croise

San Mateo 11:17

“Mä̧ra̧na̧ ppöta'anä, ucutumä järehuocotö päjätöjä. Ta̧'cua̧ tta̧'ȩcu̧nu̧ ra̧ta̧'a̧nä̧, ucutumä ajuähuocotö päjätöjä”, pä'ö huopätödo.

San Mateo 27:55

Ja̧'hua̧nö̧ 'cuäopomenä, recuätö nä̧tö̧ otonänö to̧pä̧rö̧ ka̧cui̧nä̧tö̧do. Jahuätömä Galilea rȩjȩnä̧ kä̧nö̧, Jesúsru ppä'ädö cue'ächinätödo.

San Marcos 15:40

Ja̧'hua̧ta̧nö̧ korotö nä̧tö̧'i̧nä̧ otonänö to̧pä̧rö̧ ka̧cui̧nä̧tö̧do. Jahuätö ttö̧'quȩtȩnä̧ ka̧cui̧nä̧tö̧do María Magdalena'inä, María, mö̧ä̧ya̧ Jacobonö, Josénö tta̧ju̧'i̧nä̧, Salomé'inä.

San Lucas 23:28

Ja̧'hua̧nö̧ ja̧'a̧nä̧ Jesús jahuätörö topö pä'inödo: —Nä̧tö̧ Jerusalén ötahuiyä ruhuä, ttörö amöcuädö cuajuähuätucuä'. Ucutu cuamönätucu'inä, cui̧tti̧mö̧rö̧'i̧nä̧, amöcuädötä ajuähuätucui.

San Lucas 23:55

Jahuätö nä̧tö̧, Galilea rȩjȩra̧'a̧ttö̧ Jesúscu ichinätömä, idorä topö 'chi̧nä̧tö̧do, Jesúsru ötäjome topö.

San Lucas 8:2

Ja̧'hua̧ta̧nö̧ yotöte nä̧tö̧ espíritus suropätö'inä, märicheittö'inä, aditö icuinä̧u̧mä̧ ja̧u̧cu̧ cue'ächinätödo. Jahuätöcu 'chi̧nä̧ju̧do María pä'ö micuinäju, koro ki̧mi̧ Magdalena micuinäju, espíritus suropätö ko̧ro̧mö̧ttö̧nö̧ ta̧ju̧nu̧ru̧ aditö icuinäcua.

San Lucas 8:52

O'ca toi'önä ajuähuinätö jahuäju möäyajuru. Ja̧'hua̧nö̧ ja̧'a̧ Jesús pä'inödo jahuätörö: —Cuajuähuätucuä'. Jahuäju möäyajumä 'corupä'i'ocoju. Ä'ötä ä'äju.

San Juan 16:20

Iso päi'önä pä'ösä ucuturu, ucutumä ajuäunu cua̧'cua̧ tta̧cu̧huȩcuä̧cuo̧tö̧jä̧. Ja̧'hua̧nö̧ ja̧'a̧nä̧ pi̧jä̧ ttö̧ja̧ ja̧u̧nu̧ ttesehuäcuotö. Ja̧'hua̧nö̧ ja̧'a̧nä̧ ucutu cua̧'cua̧ tta̧cu̧huȩcuä̧tu̧cu̧ pärocuätä pärohuächö cuesehuäcuotöjä.