San Lucas 23:25 - TÄ̧DO Ä̧CUÄ̧ I̧HUȨNȨ

²⁵ Ja̧'hua̧nö̧ amöcuädö, chutä, pättäcurutä, ötahuiyänä'inä rohuähuinörö, ttö̧ja̧ i̧sa̧rö̧'i̧nä̧ cuä'ö icuinörö, rä'epö icuinödo. Jesúsru jitörötä pä̧huä̧ rö̧jo̧mȩnä̧ jȩtta̧rö̧ pä'ö iyinäcudo jahuätörö.

Nuevo Testamento Uwotjüja

²⁵ Ja̧'wa̧nü̧ ja̧'a̧ttü̧, ru̧wa̧rü̧ ttüjü'kü juiyünä̧ jȩa̧'a̧ ja̧'wa̧ta̧nü̧ kuä'ü ikuini̧yä̧u̧ kärenä̧ ttütinä̧ku̧ru̧mä̧ rä'epü iku, pä̧ro̧kua̧ Jesú-rutä iyü ikuinü̧, ttüjü'komȩnä̧ jȩtta̧rü̧ pä'ü.

San Lucas 23:25 Iomraidhean Croise

San Mateo 27:26

Ja̧'hua̧ ja̧'a̧ttö̧ ru̧hua̧ Pilato Barrabásrö rä'epö icuinödo. Ja̧'hua̧ta̧nö̧ Jesúsru cuäcuätta pä'ö hue'inödo. Ja̧u̧nu̧ o'ca'a hue'inödo Jesúsru dau isodänä pȩ'o̧pö̧ ttu̧ju̧na̧rö̧ pä'ö.

San Marcos 15:15

Ja̧'hua̧ ja̧'a̧ttö̧ Pilato, ttö̧ja̧ ttesehuarö pä'ö, rä'epö icuinödo Barrabásrö. Ja̧'hua̧ta̧nö̧ Jesúsru cuäcuätta pä'ö hue'inödo. Ja̧u̧nu̧ o'ca'a hue'inödo Jesúsru dau isodänä pȩ'o̧pö̧ ttu̧ju̧na̧rö̧ pä'ö.

San Lucas 23:2

Juhua'attö yapareu huȩnȩtä̧ ji'ähuinätödo ja̧u̧ru̧. Pä'inätödo: —Pidemä ujutu tahuaruhuä suronä jȩtta̧ pä'ö jiähua'a po̧cui̧pi̧nä̧tö̧jä̧. Ja̧u̧mä̧ romanos ttö̧ja̧ ttu̧ru̧hua̧rö̧ pärätä timitö juiyö'a̧nö̧ ja̧'a̧ pä'ödo. Ja̧'hua̧ta̧nö̧ “Ttötäsä Cristo” pä'ödo. Ja̧'hua̧nö̧ päomenä, “Ttötäsä ru̧hua̧mä̧,” pä'ödo, —pä'inätödo.

San Lucas 23:24

Jahuätö huopö jättepömä jȩa̧ pä'ö amöcuädinödo Pilato.

San Lucas 23:26

Jesúsru ttȩpo̧mȩnä̧ dau isodänä pȩ'o̧pö̧ ttu̧ju̧na̧rö̧ pä'ö, ya̧tȩ Cirene ttö̧ja̧ i̧sa̧rö̧, Simón pä'ö mi̧cua̧rö̧, ötahuiyä abottö ichörö, 'chu'ädinätödo. Ja̧u̧ru̧ Jesús o'ca'anä ichö, Jesúsru pȩ'o̧pö̧ ttu̧ju̧nä̧cuodä ȩpa̧ pä'ö hue'inätödo.

San Lucas 23:5

Ja̧'hua̧nö̧ päomenä, jahuätö ji̧nä̧ isocu huopönänö pä'inätödo: —Chutä u̧huo̧juȩto̧mȩnä̧, o'ca toi'önä ttö̧ja̧ Judea rȩjȩnä̧ ka̧cuä̧tö̧rö̧ yapareu ji'äu. Äcuomenä Galilea rȩjȩnä̧ ji'ähuinödo. Jitä potä päi'önä juoächa'a.

San Juan 18:40

Ja̧'hua̧nö̧ päomenä, o'ca toi'önä ji̧nä̧ yo̧mȩtȩnä̧ huopinätödo: —¡Ja̧u̧ru̧ pä'ocotöjä! ¡Barrabásrötä rä'epö icui! Ja̧u̧ Barrabás nä̧u̧cuä̧rö̧ i̧sa̧ pi̧nö̧do.

San Juan 19:16

Ja̧'hua̧nö̧ pättomenä, Pilato Jesúsru iyinödo jahuätörö, dau isodänä pȩ'o̧pö̧ ttu̧ju̧na̧rö̧ pä'ö. Jahuätömä ȩpi̧nä̧tö̧do Jesúsru.

Hechos 3:14

Dios hueinö ta'anö jȩpi̧nö̧rö̧, adihuä i̧sa̧rö̧, kö'cocotö pi̧nä̧tö̧jä̧. Pilatorö jä'epinätöjä ya̧tȩ ttö̧ja̧rö̧ cuä'ö icuinörö rä'epö icua pä'ö.