San Lucas 22:42 - TÄ̧DO Ä̧CUÄ̧ I̧HUȨNȨ

⁴² Ucuocuinödo: —Chä'o, ucuru pä̧huä̧ rö̧jö̧ttö̧mä̧, pi̧yȩmä̧ ttö ubara ttudä̧cuȩmä̧, ubara ttudu juiya pä'ittö. Ja̧'hua̧nö̧ ja̧'a̧nä̧ ucuru pä̧huä̧ rö̧jö̧tä̧ jȩpi̧, ttörö pä̧huä̧ rö̧jö̧mä̧cö̧.

Nuevo Testamento Uwotjüja

⁴² Pä'inü̧: «Chä'o Dio, ukuru pä̧wä̧rü̧jü̧ttü̧mä̧, poya reoya chau juiyünä̧ ppä'ädittü; ja̧'wa̧nü̧ ja̧'a̧nä̧ ttürü pä̧wä̧rü̧jo̧mȩnä̧mä̧kü̧, ukurutä pä̧wä̧rü̧jo̧mȩnä̧.»

San Lucas 22:42 Iomraidhean Croise

San Mateo 11:25

Ja̧u̧nu̧ pä̧nä̧ Jesús ucuocuinödo: —Chä'o, mo̧ro̧jä̧'i̧nä̧, pi̧jä̧'i̧nä̧ Tu̧ru̧hua̧, ucuru eseusä. Ucumä pi̧yȩmä̧ adihuä juäimä, dajahuächäji'ca̧mä̧ huo̧juȩto̧cö̧ pi̧nö̧jä̧ rö̧ȩnä̧ huo̧juä̧tö̧rö̧'i̧nä̧, rö̧ȩnä̧ ucuocuätörö'inä. Ppo̧'ä̧tö̧ ttö̧'a̧nö̧ huotörö iyö huo̧juȩti̧nö̧jä̧.

San Mateo 11:26

Iso päi'önä Chä'o, ja̧'hua̧nö̧ pä̧huä̧ rö̧ji̧nä̧cu̧jä̧ ucutä.

San Mateo 20:22

Ja̧'hua̧ ja̧'a̧ Jesús ädätinödo: —Jäcuhue'ätucumä yoröiso jerupätöjä. Ttö ubara ttudu ta'anö, ¿ubara ttucuhuäcuotöjä tä̧ji̧ ucutumä? Ja̧'hua̧nö̧ päomenä, ädätinätödo: —A̧, jȩtä̧cuo̧tö̧jä̧.

San Mateo 26:39

Ja̧u̧nu̧ o'ca'a Jesús yabonänö 'chä̧nö̧, ö'ä rȩjȩcu̧ ja̧rȩyu̧nu̧ pä'i'ö Diosrö ucuocuinödo. Pä'inödo: —Ttö Chä'o, ucuru pä̧huä̧ rö̧jö̧ttö̧mä̧ pi̧yȩmä̧ ttö ubara ttudä̧cuȩmä̧ ubara ttudu juiya pä'ittö. Ja̧'hua̧ta̧nö̧ ja̧'a̧nä̧ ucuru pä̧huä̧ rö̧jö̧tä̧ jȩpi̧, ttörö pä̧huä̧ rö̧jö̧mä̧cö̧.

San Mateo 26:42

Todärenä päi'önä ucuocu 'chi̧nö̧do. Pä'inödo: —Ttö Chä'o, ttö ubara ttudä̧cuȩmä̧ ubara ttudu juiya pä̧huä̧ juiyöttömä, ucurutä pä̧huä̧ rö̧jo̧mȩnä̧ jȩpi̧.

San Mateo 26:44

Pä'äji ta'anö jahuätörö jaropi'ö, Diosrö ucuocu 'chi̧nö̧do huäbodäcuänä päi'önä. Pä'äji ucuocuäji ta'anö ucuocuinödo.

San Mateo 6:10

Ucu o'ca toi'önä ttu̧ru̧hua̧ pä'ö cu̧ja̧ja̧. Pi̧jä̧nä̧ ucurutä pä̧huä̧ rö̧jö̧mä̧ jȩtta̧ja̧, mo̧ro̧jä̧nä̧ jȩttö̧'a̧nö̧.

San Marcos 14:36

Ja̧'hua̧ta̧nö̧ Diosrö ucuocuinödo: —Ttö Chä'o, ucumä o'ca juiyönä jȩpö̧jä̧. Ucuru pä̧huä̧ rö̧jö̧ttö̧mä̧, pi̧yȩmä̧ ttö ubara ttudä̧cuȩmä̧, ubara ttudu juiya pä'ittö. Ja̧'hua̧ta̧nö̧ ja̧'a̧nä̧ ucuru pä̧huä̧ rö̧jö̧tä̧ jȩpi̧, ttörö pä̧huä̧ rö̧jö̧mä̧cö̧.

San Lucas 23:34

Jesúsru daunä pȩ'o̧pö̧ ttu̧ju̧no̧mȩnä̧, Jesús pä'inödo: —Chä'o, pitö jerupö jȩtta̧'a̧ unichi'i. Su̧ro̧da̧u̧mä̧ Jesús ö̧'ca̧tä̧huä̧ta̧ ttȩma̧ pä'ö, dittö jueö päaja pä'ö pä'ä'chäcuähuinätödo.

San Juan 18:11

Ja̧'hua̧nö̧ jȩo̧mȩnä̧, Jesús Pedrorö pä'inödo: —Cucurodä hua'adö ku̧ni̧. Chä'orö pä̧huä̧ rö̧jö̧ttö̧mä̧ pi̧yȩ surojö 'cuädopa pä'ö, ¿ja̧u̧ru̧tä̧ amöcuädö 'cuädopö juiyäcua'a tä̧ji̧?

San Juan 4:34

Jesús jahuätörö pä'inödo: —Ttörö hue'inörö pä̧huä̧ rö̧jö̧tä̧ jȩcho̧mȩnä̧, ja̧u̧tä̧ ttö chu̧cuȩmä̧. Chutä aditähuä'inä cädädomenä, ja̧u̧tä̧ ttö chu̧cuȩmä̧.

San Juan 5:30

Juhua'a yabonö pä'inödo Jesús: —Ttötä chamönä chamöcuädomenä, yoröiso jȩpo̧cö̧sä̧. Ttörö hueö'a̧nö̧ pä'ösä. Ja̧'hua̧ta̧nö̧ adiunätä pä'ösä. Ttörötä pä̧huä̧ rö̧jö̧tä̧ jȩcha̧ pä'ocösä. Chä'o, ttörö hue'inörö pä̧huä̧ rö̧jö̧tä̧ jȩcha̧ pä'ösä.

San Juan 6:38

Ttötä chamönä pä̧huä̧ rö̧jö̧tä̧ jȩcha̧ pä'ö ichocö pi̧nö̧sä̧ mo̧ro̧jä̧ra̧'a̧ttö̧. Ttörö hue'inörö pä̧huä̧ rö̧jö̧tä̧ jȩcha̧ pä'ö ichinösä.

Hechos 21:14

Ja̧'hua̧nö̧ ja̧'a̧ ujuturu öaroda'attö, ji'äu cä'ädinätöjä. Pä'inätöjä: —Ja̧'hua̧nö̧ jö̧ttö̧mä̧, Tu̧ru̧hua̧rö̧ pä̧huä̧ rö̧jo̧mȩnä̧ 'cuä̧o̧pä̧cua̧jä̧.