San Lucas 22:36 - TÄ̧DO Ä̧CUÄ̧ I̧HUȨNȨ

³⁶ Ja̧'hua̧ ja̧'a̧ chutä pä'inödo: —Jitä pärocua'acu, ya̧tȩ usacuyu'inä, pärätä'inä ku̧nä̧rö̧mä̧, ȩpä̧cua̧. Ja̧'hua̧ta̧nö̧ ya̧tȩ ucurodä jui̧'a̧mä̧, ö̧ä̧rȩta̧ iyö icu, ȩmä̧cua̧ ucurodä.

Nuevo Testamento Uwotjüja

³⁶ Ja̧'wa̧nü̧ ja̧'a̧ jitämä̧: —Pärätä kku̧nä̧rü̧mä̧, u̧kuȩ kku̧nä̧rü̧mä̧ i'kächi; ja̧'wa̧ta̧nü̧ ukurodä jui̧'a̧mä̧ ü̧'ka̧tä̧wä̧ta̧ iyü iku, mikuänä̧ yodäte ȩmi̧.

San Lucas 22:36 Iomraidhean Croise

San Mateo 10:10

Cusacuyu'inä cuȩpä̧tu̧cuä̧'. Cua̧mö̧ca̧ i̧sä̧ta̧mä̧ ji̧ta̧cu̧nä̧tä̧ ȩpä̧tu̧cui. Cu̧jä̧pö̧ isäya'inä, cuitta'ca'inä cuȩpä̧tu̧cuä̧'. Iso päi'önä ya̧tȩ adicuä i̧sa̧rö̧ u̧cuȩ ttiyö'a̧nö̧ ja̧'a̧.

San Lucas 22:35

Ja̧'hua̧ ja̧'a̧ Jesús jahuätörö jä'epinödo: —Ucuturu cusacuyu'inä, pärätä'inä, cu̧jä̧pö̧ isäya'inä juiyönä cui̧'chä̧tu̧cua̧ pä'ö huedina'a, ¿koro juäi jui'inätöjä, tä̧ji̧? Jahuätö ädätö pä'inätödo: —Koro juäi jui'ömä ka̧cuo̧co̧tö̧ pi̧nä̧tö̧jä̧.

San Lucas 22:37

Ucuturu pä'ösä, Huȩyu̧cuä̧ Huȩnȩ ttörö päö'a̧nö̧ 'cuäopäcua'a. Ja̧u̧ huȩnȩ päa'a: “Ttö̧ja̧ pä'inätö, ¿ja̧u̧'i̧nä̧ suronä jȩpi̧nö̧ tä̧ji̧?” Iso päi'önä o'ca juiyönä ttörö Huȩyu̧cuä̧ Huȩnȩ päö'a̧nö̧ 'cuäopäcua'a.

San Lucas 22:38

Ja̧u̧nu̧ o'ca'a pä'inätödo: —Tu̧ru̧hua̧, pȩnȩtä̧ ka̧'a̧ todäre curodiyä. Ja̧'hua̧nö̧ pättomenä, ädätinödo: —Ye, ja̧u̧ttu̧mä̧ täcö.

San Juan 15:20

Ucuturu pa̧'a̧nö̧ jidähuinömä amöcuädätucui: “Ya̧tȩ adicuä i̧sa̧mä̧ u̧ru̧hua̧ttö̧'i̧nä̧ abonänö juruhuocödo.” Ttörö suronä jȩtti̧nö̧ ta'anö, ucuturu'inä suronä jȩttä̧cuo̧tö̧. Ja̧'hua̧ta̧nö̧ korotö ttö chu̧huo̧juȩti̧nö̧ ttesetinö ta'anö, ucutu cu̧huo̧juȩtä̧tu̧cu̧'i̧nä̧ ttesetäcuotö.

San Juan 16:33

Ucuturu ji'äusä pi̧yȩ, ttörö esetö cuesehuätucua pä'ö. Pi̧jä̧nä̧ kä̧nö̧ ubara ttucuhuäcuotöjä. Ja̧'hua̧nö̧ ja̧'a̧nä̧ cujuruhuätucuaja. Ttömä pi̧jä̧ttö̧'i̧nä̧ abonänö ju̧ru̧hua̧sä̧, —pä'inödo Jesús.

1 Tesalonicenses 3:4

Ja̧'hua̧nö̧ ja̧'a̧nä̧ ujutumä ucutucu kä̧nö̧, ubara ttutäcuotöjä pä'ö ji'ähuinätöjä. Ucutu huo̧juä̧tö̧jä̧, ujutu jitähuinö ta'anö, 'cuäopina'a.

1 Pedro 4:1

Ja̧'hua̧nö̧ ja̧'a̧ttö̧ Cristo chutä amönä jä̧ttä̧pä̧ya̧ ubara ttuhuinö ta'anö, ucutu'inä ubara ttucuhuätucuäcua'a̧nö̧. Ya̧tȩ, chutä amönä jä̧ttä̧pä̧ya̧ ubara ttu'u, suronä jȩä̧cuä̧huä̧ jaropi'ö, hua'ö icuome jubö päi'önä Diosrö pä̧huä̧ rö̧jo̧mȩnä̧ adiunä ö̧ja̧ pä'ö, chutä amöcuädö jȩö̧ juiya pä'ö.