San Lucas 22:29 - TÄ̧DO Ä̧CUÄ̧ I̧HUȨNȨ

^29-30 Ja̧'hua̧nö̧ ja̧'a̧ttö̧ huecuhuätucuä̧cuȩmä̧ chi̧yä̧cuä̧u̧jä̧ ucuturu, ttö Chä'o ttörö iyinö ta'anö, ucutu'inä ttö huedomettö chöäre mesa isodänä cuä̧nö̧'i̧nä̧, au'inä cu̧ja̧cuä̧tu̧cuä̧cua̧'a̧nö̧. Ja̧'hua̧ta̧nö̧ Israel ttö̧ja̧ ttö̧jä̧pö̧ttö̧nö̧ ta̧ju̧nu̧ ruhuä ttahuaruhuärö ruhuotö päi'önä päcuhuätucua pä'ö cuhuäretucu adihuä juäi cui̧dȩä̧cä̧tu̧cu̧nä̧ pä̧nö̧ chi̧yä̧cuä̧u̧jä̧.

Nuevo Testamento Uwotjüja

²⁹ Ja̧'wa̧nü̧ ja̧'a̧ttü̧, ukuturumä̧ we'ü chu̧ju̧nä̧u̧jä̧ jareünä̧ ruwo weäwä wȩnȩ, ttürü chä'o weinüta'anü̧.

San Lucas 22:29 Iomraidhean Croise

San Mateo 24:47

Iso päi'önä pä'ösä ucuturu, ja̧'hua̧nö̧ jȩpö̧rö̧ ru̧hua̧mä̧ huȩä̧cua̧ ippeyä ru̧hua̧ päi'önä o'ca juiyönä u̧ju̧nä̧rö̧ tta̧huä̧ra̧ pä'ö.

San Mateo 25:21

Ja̧u̧ ru̧hua̧ pä'inödo: “Ye, adihua'a. Ucu adiu jȩpö̧jä̧, chu̧mö̧huä̧ya̧. Ji̧'qui̧cha̧nö̧tä̧ chiyina'a'inä adiu jȩcu̧'i̧na̧'a̧ttö̧, rö̧ȩnä̧nö̧ chi̧yä̧cua̧jä̧. Do'ächi'ö esehui ttöcu.”

San Mateo 25:34

Ja̧u̧nu̧ o'ca'a Ru̧hua̧ u̧huo̧jua̧'a̧nä̧ pȩjä̧tö̧rö̧ pä̧cua̧: “Ichätucui ttöcu. Chä'o Dios ucuturu ppädinä̧u̧jä̧. Do'ächätucui Dios ö̧jo̧mȩcu̧. Pi̧jä̧ aditinö o'ca'a, jo̧mȩ päi'önä cä'ädö aditö ucuturu iya pä'ö.

San Mateo 28:18

Ja̧'hua̧ ja̧'a̧ Jesús jahuätörö ichi'ö pä'inödo: —Mo̧ro̧jä̧nä̧'i̧nä̧, pi̧jä̧nä̧'i̧nä̧ o'ca juiyönä chujuruhua pä'ö iyinäcusä Diosmä.

San Mateo 5:10

“Korotörö, Diosrö tteseta'attö, korotö ya̧'ä̧huȩ'ö̧ jȩttä̧'cho̧mȩnä̧, adiunätä ka̧cuä̧tö̧mä̧, eseunu ttö̧ja̧cuä̧cuo̧tö̧, Dios Ttu̧ru̧hua̧ päi'önä ö̧ja̧'a̧ttö̧.

San Mateo 5:3

—Dios adiunätä ppädatö pä'ätömä, eseunu ttö̧ja̧cuä̧cuo̧tö̧, Dios Ttu̧ru̧hua̧ päi'önä ö̧ja̧'a̧ttö̧.

San Lucas 12:32

“Yecuhuecuätucuä' chu̧huo̧juȩtä̧u̧. Ucutumä a̧'u̧cu̧nä̧tä̧jä̧. Ja̧'hua̧nö̧ ja̧'a̧nä̧ Cuä'o chutäcu ruhuotö päcuhui'ätucua pä'ö pä̧huä̧ rö̧jä̧cu̧.

San Lucas 19:17

U̧ru̧hua̧ ädätinäcudo: “Juiyo adihua'a, chu̧mö̧huä̧ya̧ adihuä i̧sa̧. Täcö a̧'u̧cu̧nä̧tä̧'i̧nä̧ adihuä i̧sa̧ päjijäto. Ja̧'hua̧nö̧ ja̧'a̧ttö̧ to̧mö̧rȩ jähuä ötahuiyä ru̧hua̧ päi'önä huȩdä̧cua̧jä̧.”

1 Corintios 9:25

Ja̧'hua̧ta̧nö̧ o'ca toi'önä joäcuähuänä ttöärehua pä'ätömä, o'ca juiyönä do'opö icuätö tottei'ö juiya pä'ö. Jahuätö ja̧'hua̧nö̧ jȩpä̧tö̧, ppöttähuä isojättö adicuä ttȩma̧ pä'ö. Ja̧u̧mä̧ yoröiso recuo ko̧cö̧. Ujutumä koro ppöttähuä, yoröiso beipächocohuättö tȩma̧ pä'ö rohuähuätöjä.

2 Corintios 1:7

Iso päi'önä adiu esehuätöjä ucuturu. Ujutu huo̧juä̧tö̧jä̧ ja̧'hua̧nö̧ ubara ttucuhuätucuomenä, ja̧'hua̧ta̧nö̧ Dios ucuturu ppä'ädö pä'ö.

2 Timoteo 2:12

Chutäcu ubara ttututtumä, chutäcu huetäcuotöjä. Churu tä̧ppö̧tä̧rö̧ttö̧mä̧, chutä ujuturu ä̧ppö̧tä̧rä̧cua̧.

Santiago 2:5

Chö̧jä̧hua̧tö̧, ä̧ju̧cuä̧tu̧cui̧. Dios ȩmi̧nö̧ pi̧jä̧ttö̧ usurä isotörö'inä, adiu amöcuädö ttesetarö pä'ö, Dios ppädäcuähuä ttȩma̧ pä'ö. Ja̧u̧ ppädäcuähuä iya pä'inö churutä, Diosrötä repe'ätörö.

1 Pedro 5:4

Ja̧'hua̧nö̧ jȩpö̧ kä̧nö̧, adihuä Tta̧huä̧rä̧cuä̧huä̧ I̧sa̧ ichomenä, adiu jȩcu̧'ä̧tu̧cua̧'a̧ttö̧ adihuä juäi ojiyä hua'ö icu jö̧'a̧nö̧mä̧ jo'ö icuocödo cuȩmä̧tu̧cuä̧cuȩmä̧.

Apocalipsis 21:14

Ja̧u̧ ötahuiyä i̧so̧ca̧nä̧ ido'qui ttö̧jä̧pö̧ttö̧nö̧ to'quire ji̧na̧'a̧. Koro'quinä'inä, koro'quinä'inä chutä Cordero umöhuäyotö, Jesús hue'ähuotö tti̧mi̧mä̧ huȩyu̧cua̧'a̧ ji̧na̧'a̧.