San Lucas 21:37 - TÄ̧DO Ä̧CUÄ̧ I̧HUȨNȨ

³⁷ Jesús mo̧ro̧ji̧nö̧ a̧'u̧cuä̧ huo̧juȩti̧nö̧do Diosrö ucuocuäcuähuodenä. Yodomä Olivos inähuä pä'ö micuome 'chi̧nö̧do.

Nuevo Testamento Uwotjüja

³⁷ Ja̧'wa̧ta̧nü̧ Jesú-mä̧, mo̧ro̧mä̧ Dio-rü ukuokuäkuäwodettü wo̧juȩti̧nü̧, ja̧'wa̧ta̧nü̧ yodomä̧ Olivos mü̧ä̧'ka pättä'kanä̧ kkä̧'chi̧nü̧.

San Lucas 21:37 Iomraidhean Croise

San Mateo 21:1

Jerusalén ötahuiyära̧'a̧ tö'cönänö tti̧'chi̧'o̧mȩnä̧, Betfagé ötahuiyära̧'a̧ 'chä̧hui̧'i̧nä̧tö̧do. Betfagé ötahuiyämä Olivos inähuä kada'ca ji̧no̧mȩ. Juhua'attö Jesús u̧huo̧juȩtä̧u̧ru̧ ta̧ju̧ru̧ hue'inödo:

San Mateo 21:17

Ja̧u̧nu̧ o'ca'a jahuätörö jaropi'ö, ötahuiyättö rä'opö Betania ötahuiyära̧'a̧ 'chi̧nö̧do yodo 'cuäopa pä'ö.

San Mateo 26:30

Ya'ute ra̧huä̧huä̧ ra̧ttä̧ji̧ o'ca'a rä'opächö, Olivos inähuära̧'a̧ 'chi̧nä̧tö̧do.

San Mateo 26:55

Ja̧u̧nu̧ o'ca'a Jesús ttö̧ja̧rö̧ pä'inödo: —Ucutumä ya̧tȩ nä̧u̧cuä̧rä̧cuä̧huä̧ i̧sa̧rö̧ ȩmö̧ ttichö'a̧nö̧ curodiyä'inä, dauhuiyä'inä 'chu̧huä̧rä̧nö̧ ichäjätöjä. 'Cuäopönä mo̧ro̧ji̧nö̧ a̧'u̧cuä̧ ucutu cu̧'quȩtȩtu̧cu̧nä̧ Diosrö ucuocuäcuähuodenä pä̧nö̧ huo̧juȩti̧nö̧sä̧. Ja̧'hua̧nö̧ chu̧huo̧juȩto̧mȩnä̧, 'chu'ädocotö pi̧nä̧tö̧jä̧.

San Marcos 11:12

Ja̧u̧nu̧ o'comenä mo̧ro̧ päi'omenä, Betania ötahuiyättö rättopomenä, Jesús ucua ppäi rö̧ji̧nä̧cu̧do.

San Marcos 11:19

Ja̧'hua̧nö̧ ja̧'a̧nä̧ yodo päi'a'a, Jesús ötahuiyättö rä'opächö 'chi̧nö̧do.

San Marcos 14:49

'Cuäopönä mo̧ro̧ji̧nö̧ a̧'u̧cuä̧ ucutu cu̧'quȩtȩtu̧cu̧nä̧ Diosrö ucuocuäcuähuodenä huo̧juȩti̧nö̧sä̧. Ja̧'hua̧nö̧ chu̧huo̧juȩto̧mȩnä̧, ttörö 'chu'ädocotö pi̧nä̧tö̧jä̧. Ucutu ja̧u̧nu̧mä̧ 'chu'ädocotö pi̧nä̧tö̧jä̧, Huȩyu̧cuä̧ Huȩnȩ päö'a̧nö̧ 'cuäopa'a pä'ö.

San Lucas 19:29

Betfagé ötahuiyä'inä, Betania ötahuiyä'inä tö'cönä, Olivos inähuä kada'ca ji̧no̧mȩ 'chä̧hui̧'i̧nä̧tö̧do. Juhua'attö Jesús u̧huo̧juȩtä̧u̧ru̧ ta̧ju̧ru̧ hue'inödo.

San Lucas 19:37

Olivos inähuä jui̧ä̧chä̧ro̧mȩ ötö'cöhuächi'a'a, o'ca toi'önä ja̧u̧ru̧ esetätö, chucu cue'ächätö, Diosrö adiu ucuotönö eseunu huopinätödo koro juäi, ttö̧ja̧ ttieru juäi tottina'attö.

San Lucas 19:47

Mo̧ro̧ji̧nö̧ a̧'u̧cuä̧ Jesús Diosrö ucuocuäcuähuodettö huo̧juȩti̧nö̧do. Ja̧'hua̧nö̧ ja̧'a̧nä̧ sacerdotes ruhuotö'inä, hueähuä huȩnȩ huo̧juȩtä̧tö̧'i̧nä̧, ötahuiyä ruhuotö'inä Jesúsru cuä'ö tticua pä'ö usinätödo.

San Lucas 22:39

Ja̧'hua̧ ja̧'a̧ Jesús rä'opächö 'chi̧nö̧do Olivos inähuära̧'a̧ i̧'chä̧'i̧jö̧ ta'anö. U̧huo̧juȩtä̧u̧ o'ca'anä 'chi̧nä̧tö̧do.

San Juan 12:1

Ko̧ro̧mö̧ttö̧nö̧ ya'ute mo̧ro̧ pascua fiesta jȩttä̧cua̧'a̧ ä'canä, Jesús Betania ötahuiyära̧'a̧ 'chi̧nö̧do. Lázaro 'corupäi'omettö ttoädinäcu, ju̧huȩnȩ ötahuiyänä ki̧nö̧do.

San Juan 18:2

Judas, Jesúsru suronä jȩpä̧tö̧rö̧ i̧yä̧cua̧mä̧, ju̧huȩnȩ huo̧jui̧nö̧do, Jesúscu, u̧huo̧juȩtä̧u̧cu̧ ju̧huȩnȩ ttö̧ca̧ca̧cuä̧ri̧na̧'a̧ttö̧ ttucuocua pä'ö.

Hechos 1:12

Ja̧'hua̧ ja̧'a̧ Jesús hue'ähuotö juhuorö Olivos möä'cattö pä'äji ta'anö ichö, Jerusalén ötahuiyära̧'a̧ ppa̧'ä̧chä̧chi̧nä̧tö̧do. Jerusalén ötahuiyättömä ttö̧ja̧ 'cuättächi'ö mo̧ro̧'i̧nä̧ 'chä̧cuä̧huä̧nä̧ tö'cönänö ki̧na̧'a̧do Olivos möä'camä.