San Lucas 21:28 - TÄ̧DO Ä̧CUÄ̧ I̧HUȨNȨ

²⁸ Pi̧yȩ juäi pä'ötä 'cuäopäcua'a tocu'ätucuomenä, ka̧ra̧'i̧nä̧, ka̧ra̧'i̧nä̧ ppä'ädö cupiyä cä'epätucui. Täcö adiunä cu̧ja̧cuä̧tu̧cua̧ pä'ö tö'cöhuächa'a.

Nuevo Testamento Uwotjüja

²⁸ Ja̧'wa̧nü̧ pi̧yȩ kka̧kuä̧ma̧'a̧ topümä̧, esewächi'ü ku kä'epätukui, isopäi'ünä̧ täkü ukuturu ȩmü̧ ichümä̧ tü'küpächü.

San Lucas 21:28 Iomraidhean Croise

San Lucas 13:11

Ja̧'hua̧nö̧ ja̧'a̧ ju̧huȩnȩtä̧ ki̧nä̧ju̧do yajute dieciocho a̧'ȩ jo̧mȩnä̧ na̧'ä̧chi̧nä̧ju̧. Espíritu su̧ro̧pa̧ 'tu̧hua̧yu̧nu̧ kö̧jö̧nä̧ jȩi̧nä̧cua̧ pi̧nä̧ju̧do. Ja̧'hua̧nö̧ ja̧'a̧ttö̧ jahuäju yoröisotä jueönä päji'ö juiyönä ji̧nä̧cua̧do.

San Lucas 18:7

Diosmä ȩmi̧nä̧u̧ru̧, yodo'inä, mo̧ro̧'i̧nä̧ jä'epätörö, ¿ppä'ädocö paji tä̧ji̧? ¿Ppäda pä'ömä recuo tta̧'ä̧ra̧ji̧ tä̧ji̧?

San Lucas 21:29

Ja̧'hua̧ta̧nö̧ koro juäi jä̧'i̧nö̧'a̧nö̧ jö̧ huȩnȩ ji'ähuinödo jahuätörö: —Pä̧jä̧rȩttö̧'i̧nä̧, koro juäi dauttu'inä topö, amöcuädätucui.

Romanos 8:19

O'ca juiyönä pi̧jä̧nä̧ ka̧cua̧'a̧ pä'ö Dios jȩi̧nö̧mä̧, rö̧ȩnä̧ amöcuädö tta̧huä̧ra̧'a̧ Dios i̧tti̧mö̧rö̧ i̧jȩpä̧cuȩ mo̧ro̧.

Romanos 8:23

Ji̧yȩä̧cuȩtä̧mä̧cö̧. Ujutu, Espíritu Santorö, Dios iyäcua'attö äcuomenä iyinäcuru, tu̧ju̧nä̧ra̧'a̧nä̧'i̧nä̧ ubara ttu'ätöjä. Ubara ttu'u kä̧nö̧, tta̧'ä̧rä̧tö̧jä̧ Dios pärotö icuatö pä'ö i̧tti̧mö̧ päi'önä.

Efesios 1:14

Espíritu Santorö iyinödo ujuturu, iso päi'önä yodoji iyä̧cuȩ'i̧nä̧, i̧yä̧cua̧ ujuturu tu̧huo̧jua̧ pä'ö. Ja̧u̧ iya pä'inö Dios, chutä i̧tti̧mö̧rö̧ surojöttö ejädö icu cädö o'ca'a. Ja̧'hua̧ta̧nö̧ Dios adihuä i̧sa̧ ja̧'a̧ttö̧ ja̧u̧ru̧ tesehuäcua'a̧nö̧.

Efesios 4:30

Espíritu Santo a̧'cua̧ tta̧huȩcu̧ juiyönä ka̧cuä̧tu̧cui̧. Ja̧u̧ Espíritu Santo ucuturu ppädomenä, korotö ucuturu topö huo̧juä̧tö̧ iso päi'önä Dios i̧tti̧mö̧jä̧ pä'ö. Ja̧u̧ Espíritu Santo ucuturu tta̧'ä̧rö̧, Tu̧ru̧hua̧ ucuturu ȩmö̧ ichome jubö päi'önä.