San Lucas 21:23 - TÄ̧DO Ä̧CUÄ̧ I̧HUȨNȨ

²³ Ja̧u̧nu̧ mo̧ro̧ surojäcua'a muchotörö'inä, ppo̧'ä̧tö̧ ttatate isoya ahuätörö ku̧nä̧rä̧tö̧rö̧'i̧nä̧. Ja̧u̧nu̧mä̧ rö̧ȩnä̧ ubara kä̧cua̧'a̧ pi̧jä̧nä̧mä̧. Ja̧'hua̧ta̧nö̧ jahuätö ttö̧ja̧rö̧ rö̧ȩnä̧ ro̧ȩcuä̧ kä̧cua̧'a̧.

Nuevo Testamento Uwotjüja

²³ Ja̧'wa̧nü̧ 'kuäopa'anä̧, ¡isottü̧!, jitü muchotürü, atate ajätürü adiwoka'a jä̧kua̧'a̧, rü̧ȩnä̧ usurä ttȩmä̧wä̧kuo̧tü̧.

San Lucas 21:23 Iomraidhean Croise

San Mateo 21:16

Jahuätö pä'inätödo Jesúsru: —¿Pitö pätta'a, ä̧ju̧cu̧jä̧? Ja̧'hua̧ ja̧'a̧ Jesús ädätinödo: —A̧'a̧, ä̧ju̧cu̧sä̧. Ja̧'hua̧nö̧ ja̧'a̧nä̧ ¿Huȩyu̧cuä̧ Huȩnȩ päö'a̧nö̧ ucuocuocotö pä'ijätöjä tä̧ji̧? Ja̧u̧ huȩnȩ päa'a: Ppo̧'ä̧tö̧'i̧nä̧, ttatate isoya ji̧nä̧ ahuätö'inä adiunätä ra̧'ä̧tö̧ ucuru.

San Mateo 21:41

Jesúsru ädätinätödo: —Jiähuoca'a cuä'ö i̧cuä̧cua̧ ja̧'hua̧nö̧ suronä jȩpä̧tö̧rö̧. Pättamä korotörötä, adiu ru̧hua̧rö̧ iyätörötä huȩä̧cua̧.

San Mateo 21:44

Ja̧'hua̧ta̧nö̧ juhuähuänä ma̧'ä̧tö̧mä̧, 'tattipäcuotö. Ja̧'hua̧ta̧nö̧ juhuähuä korotörö ma̧ö̧ttö̧mä̧, i̧sa̧ppȩ päi'önä ttunu'cuächi'äcuotö, —pä'inödo Jesús.

San Mateo 24:19

Ja̧u̧nu̧ mo̧ro̧ surojäcua'a muchotörö'inä, ppo̧'ä̧tö̧ ttatate isoya ahuätörö ku̧nä̧rä̧tö̧rö̧'i̧nä̧.

San Marcos 13:17

Ja̧u̧nu̧ mo̧ro̧ surojäcua'a muchotörö'inä, ppo̧'ä̧tö̧ ttatate isoya ahuätörö ku̧nä̧rä̧tö̧rö̧'i̧nä̧.

San Lucas 19:27

Ja̧'hua̧ta̧nö̧ chaboiyotö ttu̧ru̧hua̧ päi'önä chö̧jö̧ juiyiyatö pä'inätörö, pocu i'cächätucui. Chä'ca jo̧mȩttö̧ cuä'äu icuätucuitö”, —pä'ö huo̧juȩti̧nö̧do Jesús.

San Lucas 19:43

Koronö mo̧ro̧ surojö ichäcua'a ucuturu. Ja̧u̧nu̧ mo̧ro̧ cuaboiyotö ötahuiyä abonä sobötö sattäcuottö ttödajahuächa pä'ö. Ja̧'hua̧nö̧ jȩpö̧ sobötö sattäjomettö ä̧rä̧mi̧'ö̧ ttörohuähuäcuotö ucuturu.

San Lucas 23:29

Yodoji ichä̧cuȩ mo̧ro̧ pättäcuotö: “Nä̧tö̧ tti̧tti̧mö̧ to'ätö'inä, ttu̧mo̧du̧ma̧ jui'ätö'inä, ttatate isoya ttahuoco̧u̧'i̧nä̧ eseunu ttö̧ja̧cuä̧cuo̧tö̧.”

1 Corintios 7:26

Iso päi'önä jitä rö̧ȩnä̧ surojö 'cuäopa'attö, ttirecuarö ttȩmö̧ juiyöttömä, adihua'a ttörö.

1 Tesalonicenses 2:16

Ujutumä judíos huocotörö jitähua pätomenä, suronä jȩttö̧ jȩpö̧ icu huȩnȩ tteseta pä'ö, jahuätö judíos ttö̧ja̧mä̧ jitäu juiyönä jȩpä̧tö̧. Ja̧'hua̧nö̧ jȩtto̧mȩnä̧, ji̧nä̧ isocu suronä jȩpä̧tö̧. Ja̧'hua̧nö̧ ja̧'a̧nä̧ jitämä Dios ö̧tä̧bo̧tä̧cuȩmä̧ 'cuäopa'a jahuätörö.

Hebreos 13:16

Adiu jȩä̧cuä̧huä̧nä̧ cunichi'ätucuä'. Ja̧'hua̧ta̧nö̧ cu̧ju̧nä̧rä̧tu̧cu̧ttu̧'i̧nä̧ iyö, korotörö ppäcuhuädätucua pä'ö cunichi'ätucuä'. Ja̧'hua̧nö̧ jȩpö̧, sacrificio päi'önä jȩpä̧tö̧jä̧ Dios esehua'anä.

Santiago 5:1

¡Ä̧ju̧cuä̧tu̧cui̧, ucutu järe ruhuotömä! Ajuäu huopätucui ucuturutä surojö 'cuäopä̧cuȩ.

1 Pedro 4:17

Dios ttö̧ja̧rö̧ pojocuä mo̧ro̧ täcö ichäja'a. Dios i̧tti̧mö̧rö̧ ä'canä pä̧cua̧. Ja̧'hua̧nö̧ ja̧'a̧nä̧ ujuturu ja̧'hua̧nö̧ ä'canä päa'attö, ¿tta̧'a̧nö̧ päcua'ajä̧ttö̧ Dios i̧huȩnȩ esetocotörömä?