San Lucas 20:9 - TÄ̧DO Ä̧CUÄ̧ I̧HUȨNȨ

⁹ Ja̧u̧nu̧ o'ca'a Jesús koro juäi jä̧'i̧nö̧'a̧nö̧ jö̧ huȩnȩ ucuocu pä'inödo: —Ya̧tȩ ubomä uva pätta rö̧ätta ku̧ni̧nö̧do. Ja̧u̧nu̧ o'ca'a adicuä ttö̧ja̧rö̧ hue'ipinödo. Chutä kara'atä cue'ächinödo recuo.

Nuevo Testamento Uwotjüja

⁹ Jua̧u̧nü̧ o'ka'a Jesú-mä̧ ttü̧ja̧rü̧ ukuoku, pa̧'a̧nü̧ kkä̧mä̧dü̧ wȩnȩtü̧ ji'äwinü̧: Ya̧tȩ uwa pätta aditü kku̧ni̧pü̧, mikuänä̧ kkorotürü ttadita pä'ü we'ipütä kkara'a i̧wi̧nü̧.

San Lucas 20:9 Iomraidhean Croise

San Mateo 25:14

Ja̧'hua̧ta̧nö̧ huo̧juȩti̧nö̧do Jesús: —Dios hueömä ya̧tȩ kara'a i̧'chä̧cua̧'a̧ ä'canä umöhuäyotörö huopö pärätä iyipa'a jä̧'i̧nö̧'a̧nö̧ ja̧'a̧.

San Lucas 19:12

Ja̧'hua̧nö̧ ja̧'a̧ päinä̧u̧do: —Ya̧tȩ ki̧nö̧do ucuo i̧sa̧. Korotö tti̧rȩjä̧ra̧'a̧ i̧hui̧nö̧do ru̧hua̧ ttu̧ju̧na̧rö̧ pä'ö. Ju̧huȩnȩ o'comenä, ppa̧'ä̧chi̧nö̧do pä'äji ta'anö.

San Lucas 20:10

Uvamä täcö tädomenä, pätta ru̧hua̧ u̧mö̧huä̧ya̧ ya̧tȩrö̧ hue'inödo, chutä u̧cuȩ uva ȩma̧ja̧ pä'ö, adicuä ttö̧ja̧rö̧ jä'epö. Ja̧'hua̧ ja̧'a̧ttö̧ yotä i̧'chi̧'o̧mȩnä̧, adicuä ttö̧ja̧ ja̧u̧ru̧ 'chu'ädö cuäcuäpinätödo. Ja̧'hua̧ ja̧'a̧ yoröiso jui̧'a̧tä̧ ppa̧huä̧cha̧ pä'ö huettinäcudo.

San Lucas 20:8

Ja̧'hua̧nö̧ pättomenä, chutä ädätinödo: —Ja̧u̧ttu̧mä̧ ttörö hue'inörömä ji'ähuocösä, —ädätinödo Jesús.