San Lucas 2:9 - TÄ̧DO Ä̧CUÄ̧ I̧HUȨNȨ

⁹ Ju̧huȩnȩ ttö̧'ȩjo̧mȩ ya̧tȩ ángel Tu̧ru̧hua̧ huȩ'ä̧hua̧ i̧jȩcuä̧chi̧nö̧do. Tȩa̧u̧ Tu̧ru̧hua̧ttö̧ kä̧dȩi̧nä̧u̧do ttö̧ja̧cuo̧mȩ. Ja̧'hua̧nö̧ päi'omenä, rö̧ȩnä̧ ye'inätödo.

Nuevo Testamento Uwotjüja

⁹ Ttu̧ni̧chä̧ra̧'a̧nä̧, ya̧tȩ á̧gȩ Tu̧ru̧wa̧ Dio wȩ'ä̧wa̧ räo'omȩnä̧, Tu̧ru̧wa̧ Dio ujuru i̧tȩya̧u̧ ttüsobukuächünä̧ kkȩdȩ'ä̧u̧ rü̧ȩnä̧ ye'inä̧tü̧.

San Lucas 2:9 Iomraidhean Croise

San Mateo 1:20

Ja̧'hua̧nö̧ amöcuädomenä, ya̧tȩ ángel, Tu̧ru̧hua̧ huȩ'ä̧hua̧, 'cuo̧ti̧nä̧ i̧jȩcui̧nä̧cu̧do. Ja̧u̧ ángel pä'inödo: —José, David a̧hua̧ru̧hua̧, Maríarö cuirecua päi'önä cu̧ja̧ pä'ö yecuhuecuä'. Yajutä ki̧tti̧ u̧huä̧pä̧chä̧cua̧mä̧ Espíritu Santo jähuädo.

San Lucas 1:28

Angel 'chä̧hui̧'i̧nö̧do jahuäju kö̧jo̧mȩ. Pa̧'a̧nö̧ pä'inödo: —Tedähuäcuajä, ucuotäcuähuä isaju. Ucucu kö̧ Tu̧ru̧hua̧mä̧. Dios ppädäjäcuajä korotö nä̧tö̧ o'ca toi'önättö'inä abonänö.

San Lucas 2:8

Belén ötahuiyä jäyänä ttä̧ji̧mö̧ o̧vȩja̧stö̧rö̧ tta̧huä̧rä̧cuä̧huä̧ isotö tta̧'ä̧ri̧nä̧tö̧do yodo 'cuäoi'önä.

San Lucas 24:4

Jahuätö ttamöcuädömä jerupinätödo. Ja̧'hua̧nö̧ ttö̧ja̧cuo̧mȩnä̧, u̧mä̧tö̧ ta̧ju̧, ttö̧'ca̧tä̧huä̧ta̧ juiyo tȩä̧ta̧ 'ca̧tä̧huä̧tö̧, ttippeyänä kä̧mä̧di̧nä̧tö̧do.

San Juan 12:41

Isaíasmä Jesús öadihuä toina'attö ja̧'hua̧nö̧ huȩyu̧ti̧nö̧do. Ja̧u̧ Isaíasmä Jesúsru adiu ucuocuinödo.

Hechos 12:7

Ja̧'hua̧ ja̧'a̧ ya̧tȩ ángel, Tu̧ru̧hua̧ huȩ'ä̧hua̧, i̧jȩcui̧nö̧do. Pedro ö̧'o̧mȩ tȩa̧u̧nä̧ kä̧dȩ'i̧na̧'a̧do. Angel Pedro i'esubänä mȩ'ö̧, ja̧u̧ru̧ ttö̧'i̧nö̧do. Pä'inödo: —Jurunä porächi'i. Ja̧'hua̧ ja̧'a̧ cuoräusa Pedro u̧mö̧ttö̧ ejächi'ina'ado.

Hechos 27:23

Mo̧ro̧ji̧ yodo ya̧tȩ ángel Dios huȩ'ä̧hua̧ ttörö i̧jȩcuä̧ji̧. Ttömä Dios u̧mö̧huä̧ya̧ päi'önä chutä hueömä jȩpö̧sä̧.

Hechos 5:19

Ja̧'hua̧nö̧ ja̧'a̧ ya̧tȩ ángel, Tu̧ru̧hua̧ huȩ'ä̧hua̧, yodo ichö, cärenä päcuähuode äpate ba'epö, rä'epö icuinödo Jesús hue'ähuotörö. Pä'inödo:

2 Corintios 3:18

Ja̧'hua̧nö̧ ja̧'a̧ttö̧ jitämä ujutu jui'ätöjä ja̧u̧ i̧sä̧ta̧mä̧, tö'ä mö̧ȩcuä̧ri̧nä̧ta̧mä̧. Ujutu ttö'ä toäcuähuodä jä̧'i̧nö̧'a̧nö̧ huotöjä. Korotö ujuturu tottomenä, Tu̧ru̧hua̧ öadihuä topätö. Ja̧'hua̧ta̧nö̧ eseäcuähuä rö̧ȩnä̧ tu̧ju̧nä̧ra̧'a̧ttö̧, chutä jö̧ ta'anö pä'i'ätöjä. Ja̧'hua̧nö̧ jȩpö̧ Tu̧ru̧hua̧mä̧, Espíritu Santo ja̧'a̧nä̧.

2 Corintios 4:6

Iso päi'önä ja̧u̧tä̧ Dios i̧tȩa̧u̧mä̧ yo̧ö̧ kä'conä tȩa̧huä̧chi̧'ö̧nä̧ hue'inömä, ujutu tami iso'quinä'inä i̧tȩa̧u̧ iyö, Jesucristo ö'änä Dios öadihuä topö tu̧huo̧juä̧cua̧'a̧nö̧.

1 Timoteo 3:16

Iso päi'önä ujutu huo̧juä̧tö̧jä̧ Dios i̧huȩnȩ, pä'äji ttieruhuinö huȩnȩ, iso päi'önä adihuä huȩnȩ ja̧'a̧. Dios pi̧jä̧ra̧'a̧ ichinödo ujutu jö̧ ta'anö hua̧. Espíritu Santo i̧jȩcui̧nä̧cu̧do adihuä i̧sa̧ ja̧'a̧ttö̧. Angeles topinätödo ja̧u̧ru̧. O'ca toi'önä pa̧ja̧cuä̧chö̧nä̧ ä̧ju̧cui̧nä̧tö̧do ja̧u̧ru̧. Pi̧jä̧ pa̧ja̧cu̧nä̧ esetinätödo ja̧u̧ru̧. Mo̧ro̧jä̧ra̧'a̧ cä'ecuächinödo.

Hebreos 12:21

Jahuätö tottinömä juiyo surojina'ado. Moisés'inä ye'ö pä'inödo: “Ttö ye'ecu ttö̧'ä̧u̧sä̧.”

Apocalipsis 18:1

Ja̧u̧ 'cuäopinö o'ca'a, ka̧ra̧ ángel rö̧ȩnä̧ ju̧ru̧hua̧mä̧, mo̧ro̧jä̧ra̧'a̧ttö̧ i̧mȩyȩhua̧'a̧ topinösä. Chutä ángel i̧tȩa̧u̧ttu̧ pi̧jä̧mä̧ tȩa̧hui̧na̧'a̧.

Apocalipsis 20:11

Ja̧'hua̧ ja̧'a̧ttö̧ adihuä i̧dȩä̧cä̧ tȩä̧cä̧ topinösä. Ja̧'hua̧ta̧nö̧ ju̧huä̧cä̧nä̧ ya̧tȩ pi̧nö̧. Ju̧huȩnȩ dȩä̧cä̧nä̧ pö̧ ä'ca jo̧mȩttö̧ pi̧jä̧'i̧nä̧, mo̧ro̧jä̧'i̧nä̧ juiyönä toei'ina'a. Ttö̧jo̧mȩ yoröiso juiyina'a.