San Lucas 2:49 - TÄ̧DO Ä̧CUÄ̧ I̧HUȨNȨ

⁴⁹ Ja̧'hua̧nö̧ ja̧'a̧ttö̧ Jesús ädätinödo: —¿Dä̧bö̧ cusäjätucuättö ttörö? Ttö Chä'o ojusodenä chö̧jö̧'a̧nö̧ ja̧'a̧ ¿jerupätöjä tä̧ji̧?

Nuevo Testamento Uwotjüja

⁴⁹ Päjiyäku Jesú-mä̧ ädätinä̧kua̧: ——¿Tta̧'a̧nü̧ pä'ü ku̧sä̧rä̧jä̧tu̧kuä̧ttü̧ttü̧? Chä'o üärenä̧ chü̧ja̧ pä'ü rekuä rü̧ja̧'a̧mä̧, ¿kuieruwätukua'a tä̧jí̧?

San Lucas 2:49 Iomraidhean Croise

San Mateo 21:12

Ja̧u̧nu̧ o'ca'a Jesús Diosrö ucuocuäcuähuodenä do'ächi'ö, o'ca toi'önä ttȩmä̧'i̧jä̧u̧ru̧'i̧nä̧, ttiyä'ijä̧u̧ru̧'i̧nä̧ dochäu icuinödo. Pärätä päroäcuähuä isotö ttöäre mesa isodä ä̧ppä̧tö̧ icuinödo. U̧nu̧cu̧tu̧ru̧ ttiyä'ijö ttöäre päcuähuodiyä'inä ä̧ppä̧tö̧ icuinödo.

San Lucas 2:48

Ja̧'hua̧nö̧ ja̧'a̧ttö̧ ja̧ju̧cu̧, Josécu topinätödo. Ja̧ju̧ pä'inäjudo: —Chi̧tti̧, ¿dä̧bö̧ jȩcu̧'ä̧jä̧ ja̧u̧mä̧ ujuturumä? Cuä'ocu, ttöcu ta̧'cua̧ tta̧'ȩcu̧ a̧mö̧cuä̧rö̧ usäjätöjä ucuru.

San Juan 4:34

Jesús jahuätörö pä'inödo: —Ttörö hue'inörö pä̧huä̧ rö̧jö̧tä̧ jȩcho̧mȩnä̧, ja̧u̧tä̧ ttö chu̧cuȩmä̧. Chutä aditähuä'inä cädädomenä, ja̧u̧tä̧ ttö chu̧cuȩmä̧.

San Juan 5:17

Ja̧'hua̧ ja̧'a̧ttö̧ Jesús pä'inödo jahuätörö: —Ttö Chä'o jitä mo̧ro̧ päi'önä aditö. Ttö'inä jitä aditösä.

San Juan 5:36

Koro Juan jiähuinöttö'inä abonänö adihuä juäi ku̧nä̧rö̧sä̧, ttörö cuesetätucua pä'ö. O'ca juiyönä jȩchö̧mä̧, Chä'o hueinäcusä ja̧u̧ jȩcha̧ pä'ö. Ja̧u̧ juäi topö cu̧huo̧juä̧tu̧cuä̧cua̧'a̧nö̧ Chä'o hueinäcusä.

San Juan 6:38

Ttötä chamönä pä̧huä̧ rö̧jö̧tä̧ jȩcha̧ pä'ö ichocö pi̧nö̧sä̧ mo̧ro̧jä̧ra̧'a̧ttö̧. Ttörö hue'inörö pä̧huä̧ rö̧jö̧tä̧ jȩcha̧ pä'ö ichinösä.

San Juan 8:29

Chutä, ttörö hue'inömä, ttöcu kö̧. Katä chö̧ja̧ pä'ö jaropi'ocö ttörö, 'cuäopönä churutä pä̧huä̧ rö̧jö̧tä̧ jȩcha̧'a̧ttö̧, —pä'inödo.

San Juan 9:4

Jitämä, mo̧ro̧ ja̧'a̧ttö̧ ttö̧rö̧ hueinäcu aditähuä chaditö'a̧nö̧ ja̧'a̧. Mä̧cuä̧, yodo ichomenä, yoröiso adicuoca'a.