San Lucas 2:37 - TÄ̧DO Ä̧CUÄ̧ I̧HUȨNȨ

³⁷ Täcö recua ka'amä ochenta y cuatro a̧'ȩ ku̧nä̧ri̧nä̧ju̧do. Diosrö ucuocuäcuähuodettömä rä'opocoju pi̧nä̧ju̧do. Yodo'inä, mo̧ro̧'i̧nä̧ 'cuäopönä ucuocui'äjinäjudo Tu̧ru̧hua̧rö̧, ku̧cuȩ a̧do̧chö̧ kä̧nö̧.

Nuevo Testamento Uwotjüja

³⁷ Ochenta y cuatro año-nü̧ jo̧mȩnä̧ 'kuäopina̧'a̧ ji̧na̧'a̧, rekua juojina̧'a̧ttü̧mä̧. Juajumä̧, Dio-rü ukuokuäkuäwodettümä̧, räjopoka'atä mo̧ro̧'i̧nä̧, yodo'i̧nä̧ Dio-rü ukuoku kki̧nä̧ju̧, ayuno'i̧nä̧ jȩpü̧nü̧.

San Lucas 2:37 Iomraidhean Croise

San Lucas 5:33

Ja̧'hua̧ ja̧'a̧ttö̧ jahuätö pä'inätödo Jesúsru: —Juancu cue'ächätö'inä, fariseos huotöcu cue'ächätö'inä ttu̧cuȩ ttucuoca'a a̧do̧chö̧ jȩpö̧ rö̧ȩnä̧ Diosrö ttucuocua'anä, ucu cu̧huo̧juȩtä̧u̧mä̧, ¿tta̧'a̧nö̧ pä'ö ttu̧cuȩ cuä̧nö̧'i̧nä̧ ttahua au'inä 'cuäopönä jȩtta̧'a̧jä̧ttö̧?

Hechos 13:3

Ttu̧cuȩ a̧do̧chö̧ Diosrö ucuocuäjä'cotö, Bernabérö, Saulorö ttu̧mö̧nä̧ mȩ'ö̧ hue'inätödo tti̧'cha̧ pä'ö.

Hechos 14:23

Pablocu, Bernabécu korome iglesia ruhuättö'inä, korome iglesia ruhuättö'inä hue'inätödo ancianos huotö päi'önä ttö̧ja̧cua̧ pä'ö. Ttu̧cuȩ ttucuoca'a Diosrö ucuocuäjä'cotö hue'inätödo Dios, tta̧'cua̧ ttu̧huȩnä̧ri̧nä̧cu̧, tta̧huä̧ra̧ pä'ö jahuätörö.

Hechos 26:7

Ujutu judíos ttö̧ja̧ o'ca toi'önä Dios päinömä tota pä'ö tta̧'ä̧rä̧tö̧jä̧. Ja̧'hua̧nö̧ ja̧'a̧ttö̧ mo̧ro̧'i̧nä̧, yodo'inä Diosrö ucuocuätöjä. Esetö tta̧dä̧ra̧'a̧ttö̧, judíos ttö̧ja̧ “Pablo suronä jȩpö̧” ucuocuätö, ru̧hua̧ Agripa.

1 Timoteo 5:5

Ja̧'hua̧ta̧nö̧ yajute recua ki̧tti̧mö̧'i̧nä̧, kö̧nä̧mö̧'i̧nä̧ to'ajumä, Diosrötä adiu esetö tta̧'ä̧rä̧ju̧. Jahuäjumä mo̧ro̧'i̧nä̧, yodo'inä ucuocuäju Diosrö.

Apocalipsis 3:12

O'ca toi'önä pi̧jä̧ttö̧'i̧nä̧ abonänö juruhuätömä, Chä̧do̧ ä̧cua̧ Diosrö ucuocuäcuähuode jueö isa'ca jä̧'i̧nö̧'a̧nö̧ ttö̧ja̧cua̧ pä'ö huȩdä̧cua̧sä̧. Juhua'attömä yoröiso rä'opocotö ttäcuotö. Jahuätörö ttö Chä̧do̧ ä̧cua̧ Dios i̧mi̧ chi̧huȩyu̧tä̧cua̧sä̧. Ja̧'hua̧ta̧nö̧ Chä̧do̧ ä̧cua̧ Dios ötahuiyä i̧mi̧, jareö Jerusalén, mo̧ro̧jä̧ra̧'a̧ttö̧, Chä̧do̧ ä̧cua̧ Dios ö̧jo̧mȩttö̧ i̧mȩyȩhuä̧cuȩ chi̧huȩyu̧tä̧cua̧sä̧ jahuätörö. Ja̧'hua̧ta̧nö̧ ttötä jareö chi̧mi̧'i̧nä̧ chi̧huȩyu̧tä̧cua̧sä̧ jahuätörö.

Apocalipsis 7:15

Ja̧'hua̧nö̧ ja̧'a̧ttö̧ jahuätö Dios i̧dȩä̧cä̧ ä'cattö mo̧ro̧'i̧nä̧, yodo'inä, Diosrö pä̧huä̧ rö̧jo̧mȩnä̧ jȩpä̧tö̧ churutä ucuocuäcuähuodettö. Ja̧'hua̧ta̧nö̧ chutä i̧dȩä̧cä̧nä̧ pö̧mä̧, ö̧ja̧'a̧ttö̧ jahuätörö tta̧huä̧rä̧cua̧.