San Lucas 2:10 - TÄ̧DO Ä̧CUÄ̧ I̧HUȨNȨ

¹⁰ Ja̧'hua̧nö̧ ja̧'a̧nä̧ ángel pä'inödo jahuätörö: —Yecuhuecuätucuä'. Adihuä juäi huȩnȩ i'cächösä. Ja̧u̧ huȩnȩmä̧ rö̧ȩnä̧ eseäcuähuä jä̧cuȩ o'ca toi'önärö.

Nuevo Testamento Uwotjüja

¹⁰ Yettiyäku á̧gȩ-mä̧ päinä̧u̧: «Yekuekuätukuä, adiwäjuei wȩnȩ chi'kächiyä̧u̧jä̧, jua̧u̧nä̧mä̧ ttü̧ja̧ o'katoi'ünä̧ rü̧ȩnä̧ tteseäkuäwäkuotü:

San Lucas 2:10 Iomraidhean Croise

San Mateo 14:27

Ja̧'hua̧nö̧ ja̧'a̧nä̧ Jesús jahuätörö ucuocu pä'inödo: —¡Esehuätucui! Ttötäsä. Yecuhuecuätucuä'.

San Mateo 28:18

Ja̧'hua̧ ja̧'a̧ Jesús jahuätörö ichi'ö pä'inödo: —Mo̧ro̧jä̧nä̧'i̧nä̧, pi̧jä̧nä̧'i̧nä̧ o'ca juiyönä chujuruhua pä'ö iyinäcusä Diosmä.

San Mateo 28:5

Ja̧'hua̧ ja̧'a̧ttö̧ ángel nä̧tö̧rö̧ pä'inödo: —Yecuhuecuätucuä'. Jesús, dau isodänä pȩ'o̧pö̧ ttu̧ju̧nä̧jä̧cu̧ru̧ topö ichäjätöjä huo̧jua̧sä̧.

San Marcos 1:15

Jesús ji'ähuinödo: —Täcö jo̧mȩ päi'a'a. Dios Cu̧ru̧hua̧ päi'önä ö̧jä̧cua̧'a̧, tö'cöhuächa'a. Pärocuäcutä amöcuädätucui. Ja̧'hua̧ta̧nö̧ ttö̧ja̧ suronä jȩttö̧ jȩpö̧ icu huȩnȩ esetätucui.

San Marcos 16:15

Jahuätörö pä'inödo: —Pi̧jä̧ pa̧ja̧cu̧nä̧ tätucui. Ji'ähuäjätucui pi̧yȩ ttö̧ja̧ suronä jȩttö̧ jȩpö̧ icu huȩnȩ o'ca toi'önärö.

San Lucas 1:13

Ja̧'hua̧nö̧ ja̧'a̧nä̧ ángel pä'inödo: —Yecuhuecuä' Zacarías, Dios ä̧ju̧cui̧nö̧ churutä jäcuhue'inö. Ucu cuirecua Elizabet ki̧tti̧rö̧ ku̧ju̧nä̧rä̧cua̧ju̧. I̧mi̧mä̧ Juan o̧cu̧huä̧cua̧jä̧.

San Lucas 1:19

Angel ädätinödo: —Ttömä Gabrielsä. Dios aditähuä chadita pä'ö kö̧sä̧. Ja̧u̧ hueäjäcusä pi̧yȩ adihuä juäi huȩnȩ chiya pä'ö ucuru.

San Lucas 1:30

Ja̧'hua̧nö̧ ja̧'a̧ttö̧ ángel pä'inödo jahuäjuru: —María, yecuhuecuä'. Dios adiu jȩä̧jä̧cua̧jä̧.

San Lucas 2:11

Mo̧ro̧ji̧ mo̧ro̧ uhuäpächäji David idepiyuttu ya̧tȩ suronä jȩcu̧'ä̧tu̧cu̧ jȩpö̧ i̧cuä̧cua̧ ucuturu. Ja̧u̧tä̧ Tu̧ru̧hua̧ Cristomä.

San Lucas 24:47

Ja̧'hua̧ta̧nö̧ chutä i̧mi̧nä̧ o'ca toi'önä ttö̧ja̧rö̧ Jerusalén ötahuiyära̧'a̧ kä̧mä̧dö̧ jittähuäcua'a̧nö̧ pärocuäcutä ttamöcuädarö pä'ö, suronä jȩttö̧ jȩpö̧ icuatö pä'ö.

San Lucas 8:1

Ja̧u̧nu̧ o'ca'a Jesús cue'ächinödo rö̧ȩnä̧ ötahuiyänä'inä, ppo̧ö̧ ötahuiyänä'inä, Dios Ru̧hua̧ päi'önä ö̧jä̧cuȩ huȩnȩ ji'äu kä̧nö̧. Ja̧'hua̧ta̧nö̧ ttö̧jä̧pö̧ttö̧nö̧ ta̧ju̧nu̧ hue'ähuotö ja̧u̧cu̧ cue'ächinätödo.

Hechos 13:32

“Ja̧'hua̧ta̧nö̧ ujutu pocu ichäjätöjä adihuä huȩnȩ ji'äu ucuturu. Diosmä ujutu tä̧do̧tö̧ mi̧nä̧rö̧ päinömä, ujutu, jahuätöttö isotörö, päinö ta'anö jȩpi̧nö̧, Jesúsru ttoädomenä. Dios i̧huȩnȩ Salmos cuyäru'tänä capítulo dos päa'a: Ucutä ttö Chi̧tti̧jä̧. Jitämä Cuä'o pä'i'äjisä.

Romanos 10:15

¿Tta̧'a̧nö̧ jittähuattö hueähuoca'ara̧'a̧mä̧? Huȩyu̧cuä̧ Huȩnȩ päa'a: “Eseunu kä̧cuä̧huä̧ huȩnȩ i'cächö, adihuä huȩnȩ jittähuomenä, adiu rȩbȩhuä̧tö̧.”

Efesios 3:8

Ttömä o'ca toi'önä Dios i̧tti̧mö̧ttö̧'i̧nä̧ abonänö usurä i̧sa̧sä̧. Ja̧'hua̧nö̧ ja̧'a̧nä̧ Dios ttörö repea'attö, Cristonä adihuä juäi ka̧cu̧ huȩnȩ jidähua pä'ö hueinäcusä judíos huocotörö.

Colosenses 1:23

Ja̧'hua̧nö̧ ja̧'a̧nä̧ dau po'tiyä 'quiyönä 'chuhuädö'a̧nö̧, adiu esetätucui. Jarocuhui'ätucuä' adiu tta̧cu̧huä̧rä̧tu̧cu̧ huȩnȩ, ttö̧ja̧ suronä jȩttö̧ jȩpö̧ icu huȩnȩ. Ja̧u̧ huȩnȩ pi̧jä̧ pa̧ja̧cu̧nä̧ ji'ähuätö. Ttö'inä, Pablo, ji'äusä ja̧u̧ huȩnȩ.