San Lucas 19:37 - TÄ̧DO Ä̧CUÄ̧ I̧HUȨNȨ

³⁷ Olivos inähuä jui̧ä̧chä̧ro̧mȩ ötö'cöhuächi'a'a, o'ca toi'önä ja̧u̧ru̧ esetätö, chucu cue'ächätö, Diosrö adiu ucuotönö eseunu huopinätödo koro juäi, ttö̧ja̧ ttieru juäi tottina'attö.

Nuevo Testamento Uwotjüja

³⁷ Ja̧'wa̧ta̧nü̧ Olivos mü̧ä̧'ka mȩyȩdo̧mȩ ütü'küwächi'omȩnä̧, o'katoi'ünä̧ chutäku 'chä̧tü̧mä̧, Dio-rü eseu wopinä̧tü̧, jȩtto̧kü̧ ja̧jü̧ juei jȩä̧'i̧ji̧yä̧u̧.

San Lucas 19:37 Iomraidhean Croise

San Mateo 21:1

Jerusalén ötahuiyära̧'a̧ tö'cönänö tti̧'chi̧'o̧mȩnä̧, Betfagé ötahuiyära̧'a̧ 'chä̧hui̧'i̧nä̧tö̧do. Betfagé ötahuiyämä Olivos inähuä kada'ca ji̧no̧mȩ. Juhua'attö Jesús u̧huo̧juȩtä̧u̧ru̧ ta̧ju̧ru̧ hue'inödo:

San Marcos 13:3

Ja̧u̧nu̧ o'ca'a Olivos inähuära̧'a̧, Diosrö ucuocuäcuähuodettö pätecuänö kinähuära̧'a̧, 'chi̧nä̧tö̧do. Jesús juhua'atä ö̧'o̧mȩnä̧, Pedronö, Jacobonö, Juannö, Andrésnö korotö tomettö jä'epinätödo:

San Marcos 14:26

Ya'ute ra̧huä̧huä̧ ra̧ttä̧ji̧ o'ca'a, rä'opächö Olivos inähuära̧'a̧ 'chi̧nä̧tö̧do.

San Lucas 18:43

Yotäcu ja̧u̧ ä̧to̧ca̧mä̧ adiu topinödo. Jesúscu cue'ächinödo, Diosrö adiu ucuocu kä̧nö̧. Ja̧'hua̧ta̧nö̧ o'ca toi'önä ttö̧ja̧, ja̧u̧ topäjätö'inä, Diosrö adiu ucuocuinätödo.

San Lucas 19:20

Ju̧huȩnȩ o'comenä, ka̧ra̧'i̧nä̧ pä'inödo: “Chu̧ru̧hua̧, ja̧ja̧ cuhuäre pärätä. Pö̧jä̧ta̧nä̧ juä'opö hua'adö ku̧ni̧nö̧sä̧.

San Lucas 19:29

Betfagé ötahuiyä'inä, Betania ötahuiyä'inä tö'cönä, Olivos inähuä kada'ca ji̧no̧mȩ 'chä̧hui̧'i̧nä̧tö̧do. Juhua'attö Jesús u̧huo̧juȩtä̧u̧ru̧ ta̧ju̧ru̧ hue'inödo.

San Lucas 19:36

Jesús i̧'cho̧mȩ ttö̧'ca̧tä̧huä̧ti̧yu̧ mä̧nä̧nä̧ ppä'ö rötinätödo.

San Lucas 7:16

Ja̧'hua̧nö̧ tottomenä, o'ca toi'önä ye'inätödo. Ja̧'hua̧nö̧ ja̧'a̧ttö̧ Diosrö eseunu ucuocuinätödo. Pä'inätödo: —Ya̧tȩ ucuo i̧sa̧, Dios i̧huȩnȩ jiäcuähuä i̧sa̧ i̧jȩcuä̧jä̧u̧jä̧ ujutu tö̧'quȩtȩttö̧. Ja̧'hua̧ta̧nö̧ pä'inätödo: —Dios umöhuäyotörö ppä'ädö ichäji.

San Juan 12:18

Ja̧'hua̧nö̧ ja̧'a̧ttö̧ ttö̧ja̧ Jesúsru totta pä'ö rä'opinätödo ötahuiyättö. Jesús ttö̧ja̧ ttieru juäi jȩi̧nö̧mä̧ huo̧jui̧nä̧tö̧do.