San Lucas 19:20 - TÄ̧DO Ä̧CUÄ̧ I̧HUȨNȨ

²⁰ Ju̧huȩnȩ o'comenä, ka̧ra̧'i̧nä̧ pä'inödo: “Chu̧ru̧hua̧, ja̧ja̧ cuhuäre pärätä. Pö̧jä̧ta̧nä̧ juä'opö hua'adö ku̧ni̧nö̧sä̧.

Nuevo Testamento Uwotjüja

²⁰ Ja̧'wa̧nü̧ ja̧'a̧nä̧ kka̧ra̧'i̧nä̧ ichi'ü pä'inü̧: Chu̧ru̧wa̧, kuiäre pärätä ji̧nü̧mä̧, ja̧já̧ pi̧yȩsä̧. Pä̧yu̧wä̧rȩta̧nä̧ täropü wa'adü chu̧ju̧ni̧na̧'a̧.

San Lucas 19:20 Iomraidhean Croise

San Mateo 25:24

Ja̧u̧nu̧ o'ca'a u̧mö̧huä̧ya̧mä̧ ya'ute mil bolívares jo̧mȩnä̧ ȩmi̧nö̧mä̧ ichi'ö pä'inödo: “Chu̧ru̧hua̧, ucumä ra̧huä̧rö̧jä̧ huo̧jua̧sä̧. Cutocö ji̧nö̧tä̧, ca̧ca̧tö̧ja̧. Cu̧ju̧no̧cö̧ ji̧nö̧tä̧ ȩmö̧jä̧.

San Lucas 19:13

I̧'chä̧cua̧'a̧ ä'canä to̧mö̧rȩ ruhuä umöhuäyotörö huopö iyinödo pärätä̧bi̧, rö̧ȩnä̧ micuähuä̧bi̧, ka̧ra̧rö̧'i̧nä̧, ka̧ra̧rö̧'i̧nä̧. Ja̧'hua̧ ja̧'a̧ pä'inödo: “Ȩmö̧ iyä'chö icu ca̧ca̧tö̧ jȩpi̧ ppa̧dä̧cho̧mȩ jubö päi'önä.”

San Lucas 19:19

Ja̧'hua̧ta̧nö̧ ja̧u̧ru̧'i̧nä̧ pä'inödo: “Ji̧mö̧tȩ jähuä ötahuiyä ru̧hua̧ päi'önä huȩdä̧cua̧jä̧.”

San Lucas 19:21

Ye'ecuinösä ucuru o'ca'a ji'äcuähua̧ pä'inöjä pä'ö. Cutocö ji̧nö̧tä̧, ca̧ca̧tö̧ja̧. Cu̧ju̧no̧cö̧ ji̧nö̧tä̧, ȩmö̧jä̧.”

San Lucas 3:9

I̧da̧pä̧'quȩ täcö jo̧mȩ päi'a'a dauhuiyä ku̧'u̧ icua pä'ö. Ja̧'hua̧ta̧nö̧ o'ca juiyö dauhuiyä adihuä juäi cuäcuähuä huȩjo̧cö̧mä̧, ku̧'u̧ icuipö i̧cuä̧cua̧ ocuränä, —pä'inödo Juan.

San Lucas 6:46

“¿Tta̧'a̧nö̧ pä'ö päcuhuätucuättö ucutumä ttörö, “Chu̧ru̧hua̧, Chu̧ru̧hua̧,” pädö ta'anö jȩcu̧'ä̧tu̧cuo̧ca̧'a̧nä̧?

San Juan 11:44

Ja̧'hua̧nö̧ päomenä, ja̧u̧ 'corupä'i'äjimä rä'opinödo u̧mö̧pi̧yä̧'i̧nä̧, ö̧jä̧pi̧yä̧'i̧nä̧ pö̧jä̧ta̧nä̧ juähua'a. Ö'ä'inä pö̧jä̧ta̧nä̧ juähuina'ado. Jesús ju̧huȩnȩ ka̧cuä̧tö̧rö̧ pä'inödo: —Ejädo icuätucuirö i̧'cha̧.

San Juan 20:7

Ja̧'hua̧nö̧ tomenä, Jesús unä juättopinä̧ta̧ koro pö̧jä̧ta̧ttö̧'i̧nä̧ i̧mi̧cu̧nä̧ pa̧'a̧ topinödo. Juhuä̧ta̧ unä juättopinä̧ta̧ aditö rötähua'a topinödo.

Santiago 4:17

O'ca toi'önä adiu jȩä̧cuä̧huä̧ ttu̧huo̧jua̧'a̧nä̧ jȩpo̧co̧tö̧mä̧, suronätä jȩpä̧tö̧.