San Lucas 18:12 - TÄ̧DO Ä̧CUÄ̧ I̧HUȨNȨ

¹² Ttömä koro semana'inä, koro semana'inä todäre mo̧ro̧ a̧do̧chö̧sä̧. To̧mö̧rȩ jähuä chȩmo̧mȩnä̧, ji̧yȩtȩ 'quȩ'ȩpö̧ iyösä ucuru o'ca juiyönä chȩmö̧ttö̧.”

Nuevo Testamento Uwotjüja

¹² ttümä̧ ji̧yȩtȩ semana-nä̧mä̧, todärenä̧ chu̧kuȩ a̧do̧chü̧ Dio-rü ukuokuä'ijüsä ja̧'wa̧ta̧nü̧ chaditäwä mikuä chȩmü̧ o'kajuiyüttümä̧, diezmo-mä̧ iyüsä.

San Lucas 18:12 Iomraidhean Croise

San Mateo 5:20

Ucuturu pä'ösä, ja̧u̧ hueähuä huȩnȩ huo̧juȩtä̧tö̧ttö̧'i̧nä̧, fariseos huotöttö'inä abonänö adiunä cuecuhuächätucu juiyöttömä, yoröiso Dios Cu̧ru̧hua̧ päi'önä ko̧cö̧, —pä'ö huo̧juȩti̧nö̧do Jesús.

San Mateo 6:1

Jesús pa̧'a̧nö̧ huo̧juȩti̧nö̧do: —Ja̧'a̧tä̧mä̧ “Diosrö esetösä” päcuhuätucuä' ttö̧ja̧ adiu ttamöcuäda pä'ö ucuturu topö. Ja̧'hua̧nö̧ jȩcu̧'ä̧tu̧cu̧ttu̧mä̧, Cuä'o mo̧ro̧jä̧ra̧'a̧ kö̧mä̧ yoröiso adihuä juäi iyocö ucuturu.

San Mateo 6:16

Juhua'a yabonö huo̧juȩti̧nö̧do Jesús: —Ucutumä cu̧cuȩ cucuätucuoca'a a̧do̧chö̧ jȩcu̧'ä̧tu̧cuo̧mȩnä̧, korotömä tta̧'cua̧ tta̧'ȩcu̧ amönä jȩttö̧'a̧nö̧ jȩcu̧'ä̧tu̧cuä̧'. Jahuätömä amönä jȩpä̧tö̧do korotö totta pä'ö ttu̧cuȩ ttucuoca'a tta̧do̧cha̧'a̧. Iso päi'önä pä'ösä ucuturu, ja̧'hua̧nö̧ jȩpö̧ ttö̧ja̧ jahuätörö tottomenä, täcö tta̧do̧chö̧ micuä ȩmä̧tö̧do.

San Mateo 6:5

“Ja̧'hua̧ta̧nö̧ Diosrö cucuocuätucuomenä, korotö amönä judíos ttu̧huo̧jui̧'i̧nodettö'inä, ötahuiyättö'inä ttö̧ja̧ jahuätörö tottatö pä'ö jȩttö̧'a̧nö̧, jȩcu̧'ä̧tu̧cuä̧'. Iso päi'önä pä'ösä ucuturu, ja̧'hua̧nö̧ jȩtto̧mȩnä̧, ttö̧ja̧ jahuätörö tottomenä, ja̧u̧nu̧tä̧ ȩmä̧tö̧ ttucuocuäji micuä.

San Mateo 9:14

Juan el Bautistacu cue'ächinätömä Jesúsru ichö jä'epinätödo: —¿Ujutu'inä, fariseos huotö'inä rö̧ȩnä̧ a̧do̧chö̧ jȩta̧'a̧nä̧, ucu cu̧huo̧juȩtä̧u̧mä̧, ¿tta̧'a̧nö̧ pä'ö a̧do̧chö̧ jȩtto̧ca̧'a̧jä̧ttö̧?

San Lucas 11:42

“Fariseos huotö, suronä 'cuäopäcua'a ucuturu. Ucutu Moisés hueinö ta'anö ye'ecunänö iyätöjä ofrenda päi'önä cuäcuähuä'inä. Ja̧'hua̧nö̧ ja̧'a̧nä̧ adiunämä amöcuädocotöjä. Adiunämä esehuocotöjä Diosrö. Koro jȩcu̧'ä̧tu̧cuo̧mȩnä̧, pi̧yȩtä̧ ji̧nä̧ isocu jȩcu̧'ä̧tu̧cu̧'a̧nö̧ ja̧'a̧, Diosrö iyähuä'inä cunichi'ätucuoca'a.

San Lucas 17:10

Ja̧'hua̧ta̧nö̧ ucutu'inä Dios hueö o'ca juiyönä cä'ädömä, pä'ätöjä: “Umöhuäyotö ta'anä, mȩya̧pä̧tö̧jä̧to. Ujutu jȩtö̧'a̧nö̧ jö̧tä̧ jȩpä̧tö̧jä̧”, —pä'inödo Jesús.

Romanos 3:27

Ja̧'hua̧ ja̧'a̧ttö̧, ¿tta̧'a̧nö̧ pä'ö tamönä huotäcuähua'ajä̧ttö̧ ujutumä? Juiya'a. ¿Dä̧bö̧ juiya'attö? Hueähuä huȩnȩ hueö ta'anö jȩta̧'a̧ttö̧ ¿juiya'a tä̧ji̧? Isocö̧. Tamönä huoäcuähuämä jui'ätöjä Jesucristorö teseta'attö.

1 Corintios 1:29

Ja̧'hua̧nö̧ ja̧'a̧ttö̧ yoröiso Dios ä'ca jo̧mȩttö̧ ttamönä tta'cuoyähuäcuäu juiyäcua'a̧nö̧.

Gálatas 1:14

Judíos ttö̧ja̧ ttesetinö esetö korotö chahuaruhuä ttö ta'anö huotöttö'inä abonänö rö̧ȩnä̧ esetinösä ttömä, chä̧do̧tö̧ mi̧nä̧ jȩtti̧nö̧ juäi rö̧ȩnä̧ jȩcha̧'a̧ttö̧.

Efesios 2:9

Iso päi'önä ya̧tȩ, chutä amönä amöcuädötä, amöcuädö esetocö. Ja̧'hua̧nö̧ ja̧'a̧ttö̧ ya̧tȩ amönätä jȩpö̧, yoröiso a'cuoyäunu amöcuädö juiyäcua'a̧nö̧.

1 Timoteo 4:8

Jättäpäyotö jähuä jȩto̧mȩnä̧, ji̧'qui̧cha̧nö̧tä̧ micuähua'a. Ja̧'hua̧nö̧ ja̧'a̧nä̧ Dios i̧huȩnȩtä̧ amöcuädö kä̧cuä̧huä̧nä̧, o'ca juiyönä adiu micuähua'a, jitä tö̧jö̧'i̧nä̧, yodoji tö̧jä̧cuȩ'i̧nä̧ ppäda'attö.