San Lucas 18:11 - TÄ̧DO Ä̧CUÄ̧ I̧HUȨNȨ

¹¹ Fariseo i̧sa̧ ä̧rä̧mi̧'ö̧ ucuocuinö pa̧'a̧nö̧: “Chä̧do̧ ä̧cua̧ Dios, eseunu pä'ösä korotö ttö'a̧nö̧mä̧ huocösä. Nä̧u̧cuä̧rä̧tö̧'a̧nö̧'i̧nä̧, suronä jȩpä̧tö̧'a̧nö̧'i̧nä̧, nä̧tö̧rö̧ suronä usätö'a̧nö̧'i̧nä̧ chujua ru̧hua̧ öäre pärätä ȩmä̧'i̧jö̧'a̧nö̧'i̧nä̧ huocösä.

Nuevo Testamento Uwotjüja

¹¹ Fariseo wotü i̧sa̧mä̧ ä̧rä̧mi̧'ä̧ji̧'ka̧ kkä̧nü̧ pa̧'a̧nü̧ Dio-rü ukuokuinü̧: Chü̧ä̧nä̧wa̧ Dio, ukuru eseusä, kkorotü jü̧'a̧nü̧, nä̧u̧kuä̧rü̧'i̧nä̧, suronä̧ jȩpä̧'chü̧'i̧nä̧, ttirekua pokojuru kkä̧'chü̧'i̧nä̧ ja̧'wa̧ta̧nü̧ pide Roma-ra̧'a̧ weäwä pärätä ka̧ka̧kuä̧ i̧sa̧ jü̧'a̧nü̧'i̧nä̧ jȩpo̧kü̧ cha'attü,

San Lucas 18:11 Iomraidhean Croise

San Mateo 10:3

Ka̧ra̧mä̧ Felipe, ka̧ra̧mä̧ Bartolomé, ka̧ra̧mä̧ Tomás, ka̧ra̧mä̧ Mateo, ru̧hua̧ öäre pärätä ȩmä̧'i̧jö̧ pi̧nö̧. Ka̧ra̧mä̧ Jacobo, Alfeo i̧tti̧ pi̧nö̧do. Ka̧ra̧mä̧ Lebeo, koro i̧mi̧ Tadeo pi̧nö̧do.

San Mateo 5:20

Ucuturu pä'ösä, ja̧u̧ hueähuä huȩnȩ huo̧juȩtä̧tö̧ttö̧'i̧nä̧, fariseos huotöttö'inä abonänö adiunä cuecuhuächätucu juiyöttömä, yoröiso Dios Cu̧ru̧hua̧ päi'önä ko̧cö̧, —pä'ö huo̧juȩti̧nö̧do Jesús.

San Mateo 6:5

“Ja̧'hua̧ta̧nö̧ Diosrö cucuocuätucuomenä, korotö amönä judíos ttu̧huo̧jui̧'i̧nodettö'inä, ötahuiyättö'inä ttö̧ja̧ jahuätörö tottatö pä'ö jȩttö̧'a̧nö̧, jȩcu̧'ä̧tu̧cuä̧'. Iso päi'önä pä'ösä ucuturu, ja̧'hua̧nö̧ jȩtto̧mȩnä̧, ttö̧ja̧ jahuätörö tottomenä, ja̧u̧nu̧tä̧ ȩmä̧tö̧ ttucuocuäji micuä.

San Marcos 11:25

Ja̧'hua̧ta̧nö̧ Diosrö cucuocuätucuomenä, cu̧jä̧hua̧rö̧ suronä cuamöcuädätucuttumä, suronä cuamöcuädätucumä unichi'ätucuirö, Cuä'otucu mo̧ro̧jä̧nä̧ kö̧'i̧nä̧ ucutu suronä jȩcu̧'ä̧tu̧cu̧ unichi'äcua'a̧nö̧.

San Lucas 20:47

Ja̧'hua̧ta̧nö̧ rȩcua̧mö̧ ttojusode 'cho'ipätödo. Ja̧'hua̧nö̧ jȩtta̧'a̧ korotö ttieruhua pä'ö, rö̧ȩnä̧ ucuocuätödo Diosrö. Jahuätötä ji̧nä̧ isocu rö̧ȩnä̧ tä̧bo̧cuä̧mä̧ ttȩmä̧cuo̧tö̧do, —pä'inödo Jesús.

San Lucas 22:41

Ja̧u̧nu̧ o'ca'a jahuätöttö otonänö, ya̧tȩ ido'qui icuomenä beipome 'chä̧hui̧'ö̧, ihue'quiyunä kä̧mä̧di̧nö̧do Diosrö ucuocua pä'ö.

Gálatas 3:10

Moisés hueähuä huȩnȩ tta̧'cua̧ huȩnä̧rä̧tö̧mä̧, Diostä ö̧tä̧bo̧tä̧cuo̧tö̧. Huȩyu̧cuä̧ päa'a: “O'ca toi'önä 'cuäopönä hueähuä huȩnȩ huȩyu̧cuä̧'tä̧nä̧ huȩyu̧cuä̧ päö ta'anö jȩpo̧co̧tö̧mä̧, Diostä ö̧tä̧bo̧tä̧cuo̧tö̧.”

Filipenses 3:6

Ja̧'hua̧nö̧ jȩpö̧, yoröiso suronä jȩpi̧nö̧sä̧ Diosrö esetinätörö. Judíos ttö̧ja̧ hueähuä huȩnȩ adiu jȩpö̧ kä̧cuä̧huä̧nä̧ adiu chö̧ja̧'a̧ttö̧, korotömä yoröiso suronä ucuocuocotö pi̧nä̧tö̧ ttörö.

Apocalipsis 3:17

Ucutä pä'öjä: “Järe ru̧hua̧sä̧. Adiu kö̧sä̧. Koro juäi'inä jui'ocösä.” Ja̧'hua̧nö̧ pä'ö kä̧nö̧, yoröiso cuamönä usurä i̧sa̧sä̧ pä'ö amöcuädocöjä. Ja̧'hua̧ta̧nö̧ ä̧to̧cö̧jä̧. Cu̧'ca̧tä̧huä̧ta̧'i̧nä̧ jui̧'a̧jä̧. Yoröiso eseunu ko̧cö̧jä̧. Ja̧'hua̧nö̧mä̧ amöcuädocöjä.