San Lucas 17:26 - TÄ̧DO Ä̧CUÄ̧ I̧HUȨNȨ

²⁶ Noé ö̧ji̧nö̧ 'cuäopinö ta'anö, 'cuäopäcua'a Ubo I̧tti̧ ichö mo̧ro̧mä̧.

Nuevo Testamento Uwotjüja

²⁶ Nué ü̧ji̧nü̧ mo̧ro̧ ji̧nü̧ta'anü̧ jä̧kua̧'a̧, ubo I̧tti̧ weü mo̧ro̧ päi'omȩnä̧mä̧.

San Lucas 17:26 Iomraidhean Croise

San Lucas 17:22

Ja̧'hua̧nö̧ ja̧'a̧ pä'inödo u̧huo̧juȩtä̧u̧ru̧: —Yodoji 'cuäopomenä, “Ubo I̧tti̧ ö̧ji̧nö̧ mo̧ro̧ jö̧'a̧nö̧ ja̧'a̧ totahue” päcuhuäcuotöjä. Ja̧'hua̧nö̧ ja̧'a̧nä̧ topocotö cuäcuotöjä.

San Lucas 17:24

Koronö mo̧ro̧ mo̧ro̧jä̧ttö̧ kä̧hua̧ räopa'acuttu, kä̧hua̧ ma̧ä̧cha̧'a̧cu̧ttu̧ cu'upä örohua'a tocu'ätucua'a jä̧'i̧nö̧'a̧nö̧, tocu'äcuotöjä Ubo I̧tti̧ ichomenä.

San Lucas 17:27

Ja̧'a̧tä̧ cuä̧nö̧'i̧nä̧, au'inä, ttirecuarö ȩmö̧'i̧nä̧ tti̧tti̧mö̧ nä̧tö̧rö̧ korotörö iyö'inä jȩpö̧ ka̧cui̧nä̧tö̧do, Noé huoi'canä doächinö mo̧ro̧ päi'önä. Aje suhuädi'omenä, o'ca toi'önä to'ei'inätödo.

San Lucas 17:7

“Ucututtu ya̧tȩ, u̧mö̧huä̧ya̧rö̧ u̧ju̧nä̧ra̧'a̧ isä'cua 'cui'ö'inä, pä̧cä̧yu̧ru̧ tta̧'ä̧rö̧'i̧nä̧ i̧huä̧ji̧ ichomenä, ¿ru̧hua̧mä̧ ja̧u̧ru̧ pä'ö tä̧ji̧: “Do'ächi'ö, pä̧mä̧dö̧ cuiti”?

San Lucas 18:8

Pä'ösä ucuturu, jättepomenä yotäcu ppä̧dä̧cua̧. Ja̧'hua̧nö̧ ja̧'a̧nä̧ Ubo I̧tti̧ ichomenä, ¿pi̧jä̧nä̧mä̧ ttö̧ja̧ Diosrö esetätörö ji̧nä̧ ö̧'o̧cui̧'ä̧cua̧ tä̧ji̧?

Hebreos 11:7

Diosrö esetö, Dios, koro juäi ji̧nä̧ tottocö 'cuäopäcua'a jiähuomenä, Dios päinö ta'anö jȩpi̧nö̧do Noémä. Huoi'ca rö̧ä'ca aditinödo ahuaruhuäcu ö̧ji̧pa̧ pä'ö. Noé Diosrö eseta'attö, pi̧jä̧ ttö̧ja̧rö̧ ro̧ȩcuä̧ 'cuäopina'ado. Ja̧'hua̧ta̧nö̧ Diosrö esetomenä, Dios esehuinäcudo o'ca toi'önä Diosrö esetätörö eseu'a̧nö̧.

2 Pedro 2:5

Täbocö ka̧cui̧nä̧tö̧rö̧'i̧nä̧ suronä jȩtti̧nö̧ jȩpö̧ icuocö pi̧nö̧do Dios. Suropätö tottei'a pä'ö, aje suhuädönä hue'inödo. Noécu, adihuä juäi huȩnȩ ji'ähuinömä, korotö ko̧ro̧mö̧ttö̧nö̧ ta̧ju̧nu̧ ahuaruhuäcu ka̧cui̧pi̧nä̧tö̧do.

2 Pedro 3:6

Ja̧'hua̧ta̧nö̧ aje suhuädomenä, o'ca juiyönä pi̧jä̧nä̧ ka̧cui̧nö̧mä̧ ma̧'ä̧chö̧ toei'ina'ado.