San Lucas 17:20 - TÄ̧DO Ä̧CUÄ̧ I̧HUȨNȨ

²⁰ Fariseos huotö jä'epinätödo Jesúsru: —Dios Tu̧ru̧hua̧ päi'önä ö̧jä̧cuȩmä̧, ¿ti̧yȩnö̧ kä̧cua̧'a̧ttö̧? Ja̧'hua̧nö̧ ja̧'a̧ Jesús ädätinä̧u̧do: —Dios Tu̧ru̧hua̧ päi'önä ö̧jä̧cua̧'a̧mä̧ topö toäcuähuocö.

Nuevo Testamento Uwotjüja

²⁰ Fariseo wotü, Jesú-ru ¿ti̧yȩnü̧ rȩbȩwä̧kua̧'a̧jä̧ttü̧, ru̧wa̧ Dio weümä̧? pättäku ädätinä̧u̧: —Ru̧wa̧ Dio weümä̧ ttu̧wo̧juö̧nä̧mä̧ ichoka'a jä̧kua̧'a̧,

San Lucas 17:20 Iomraidhean Croise

San Lucas 10:11

“Cuidepiyutucu rȩjȩ i̧sa̧ppȩ tö̧jä̧pö̧nä̧ bäi'äja'a, te'ächö icuätöjä ucuturu koromenä pättä'inö juäimä. Ja̧'hua̧nö̧ ja̧'a̧nä̧ pi̧yȩ huo̧juä̧tu̧cui̧: Täcö Dios Cu̧ru̧hua̧ päi'önä ö̧jä̧cua̧'a̧ tö'cöhuächa'a.”

San Lucas 14:1

Koro mo̧ro̧ ttö̧ja̧ 'cuättächi'ö mo̧ro̧ Jesúsmä fariseos huotö ttu̧ru̧hua̧ ojusodera̧'a̧ 'chi̧nö̧do ucua pä'ö. Ja̧'hua̧nö̧ ja̧'a̧ korotö fariseos huotö dajahuächö to̧ttä̧ri̧nä̧cu̧do.

San Lucas 16:16

“Juan ö̧ji̧no̧mȩ jubötä ki̧na̧'a̧ Moisés hueähuä huȩnȩmä̧. Ja̧'hua̧ta̧nö̧ ki̧na̧'a̧ Dios i̧huȩnȩ jiäcuähuä isotö ttu̧huo̧juȩti̧nö̧'i̧nä̧. Ja̧u̧ ö̧ji̧nö̧ o'ca'a ji'ähuätö adihuä huȩnȩ, Dios Tu̧ru̧hua̧ päi'önä ö̧jä̧cuȩ huȩnȩ. O'ca toi'önä yo̧mȩtȩnä̧ dottächa pä'ö jȩpä̧tö̧.

San Lucas 19:11

Ttö̧ja̧ Jesús jiähua'a ttä̧ju̧cuo̧mȩnä̧, juhua'a yabonö koro juäi jä̧'i̧nö̧'a̧nö̧ jö̧ huȩnȩ ji'ähuinödo Jesús, Jerusalén ötahuiyä tö'cö pätti'a'a. Jahuätö ttö̧ja̧ täcö Dios Ttu̧ru̧hua̧ päi'önä ichäcuome tö'cöhuächi'a'a pä'ö amöcuädinätödo.

San Juan 18:36

Ja̧u̧nu̧ o'ca'a Jesús ädätinödo Pilatorö: —Ttö huedömä pi̧jä̧nä̧mä̧cö̧. Ja̧'hua̧nö̧ jö̧ttö̧mä̧ ttö chumöhuäyotö rohuähuajatö, judíos ttö̧ja̧ ttörö ttȩpö̧ juiya pä'ö. Ja̧'hua̧nö̧ ja̧'a̧nä̧ ttö huedömä pȩnȩmä̧cö̧.