San Lucas 16:6 - TÄ̧DO Ä̧CUÄ̧ I̧HUȨNȨ

⁶ Ja̧u̧ ädätinödo: “Ciento sesenta a̧dȩ latabiyu mippotösä.” Järe ru̧hua̧ ippeyä ru̧hua̧ pä'inödo: “Ja̧ja̧, jurunä pä̧nö̧ yojäja cuyäru isojänä huȩyu̧ti̧ ochenta jo̧mȩtä̧.”

Nuevo Testamento Uwotjüja

⁶ Jäepäku ädätinä̧ku̧: ¿A̧dȩmä̧ ciȩnü̧ oba jo̧mȩnä̧ mi̧ppotüsä? Topi pȩnȩtä̧ kuimi̧ppottümä̧; jua̧u̧nu̧mä̧, kuimippotü, cincuenta-nü̧tä̧ wȩyu̧tu̧ rüti.

San Lucas 16:6 Iomraidhean Croise

San Mateo 20:8

Ja̧'hua̧ ja̧'a̧ttö̧ yodo päi'omenä, pätta ru̧hua̧mä̧ ippeyä ru̧hua̧rö̧ pä'inödo: “Adicuä ttö̧ja̧rö̧ huopö, mititö jitätä. Äcuomenä, röjinä ichätörö cuimitaja. Ja̧'hua̧ta̧nö̧ röjinä, äcuomenä ichätörö cuimitaja.”

San Lucas 16:12

Ja̧'hua̧ta̧nö̧ ucutu adiu jȩcu̧'ä̧tu̧cu̧ juiyöttömä korotö ttöäre, ¿dijä̧ttö̧ ucuturu i̧yä̧cua̧mä̧, ucututä cuamönä cuhuäretucu päi'önä?

San Lucas 16:5

Ja̧'hua̧nö̧ ja̧'a̧ ya̧cu̧nä̧rö̧ u̧ru̧hua̧rö̧ mippotätörö jä'epe'inödo. Äcuomenä jäepäcuru pä'inödo: “¿Tta̧'a̧nö̧ rö̧ȩnä̧ cuimippotä chu̧ru̧hua̧rö̧mä̧?”

San Lucas 16:7

Ju̧huȩnȩ o'comenä ka̧ra̧rö̧ jä'epinödo: “¿Ucumä di̧ttö̧, ¿tta̧'a̧nö̧ rö̧ȩnä̧ cuimippotä?” Pä'inödo ja̧u̧: “Cien jo̧mȩ ya̧mö̧ sacu oyutä mippotösä.” Ja̧'hua̧nö̧ ja̧'a̧ pä'inödo: “Ja̧ja̧. Yojäja cuyäru isojänä huȩyu̧ti̧ ochenta jo̧mȩtä̧.”

San Lucas 16:9

“Ttö pädä̧u̧jä̧, pi̧jä̧ jähuä cu̧ju̧nä̧rä̧tu̧cu̧mä̧, korotö ttesehuätucuacu pä'ö jȩpä̧tu̧cui̧. Pi̧jä̧ jähuä cu̧ju̧nä̧rä̧tu̧cu̧mä̧ beipächomenä, Dios eseunu ȩmä̧cua̧'a̧nö̧ ucuturu chutä ö̧jo̧mȩ beipocome cu̧ja̧cuä̧tu̧cua̧ pä'ö.

San Juan 2:6

Ttippeyänä ko̧ro̧mö̧ttö̧nö̧ ji̧yu̧tȩnö̧ 'cä̧nä̧ri̧yu̧ ido'quittö adicua'a ki̧na̧'a̧do. Judíos ttö̧ja̧ ttamönä ttesetönä ttötöcähuomenä, ja̧u̧ o̧yu̧ttu̧tä̧ ȩmö̧ töcähuinätödo. Ko̧ro̧yu̧'i̧nä̧, ko̧ro̧yu̧'i̧nä̧ ya'ute cien litros jo̧mȩnä̧ a̧cui̧na̧'a̧do̧ ajiya.

Tito 2:10

Ja̧'hua̧ta̧nö̧ ttö̧nä̧u̧cuä̧rö̧ juiyäcua'a̧nö̧. Ja̧'hua̧nö̧ adiu jȩtta̧'a̧ topö, korotömä “Dios i̧huȩnȩ, Tu̧ru̧hua̧ i̧huȩnȩ, iso päi'önä huȩnȩ ja̧'a̧” pättäcuotö.