San Lucas 16:3 - TÄ̧DO Ä̧CUÄ̧ I̧HUȨNȨ

³ Ja̧'hua̧nö̧ ja̧'a̧ järe ru̧hua̧ ippeyä ru̧hua̧ amöcuädi'inödo: “¿Däjetä jȩchä̧cua̧'a̧jä̧ttö̧ jitämä, chu̧ru̧hua̧ chaditähuättö rä'epö icua'amä? Rȩjȩ sahuähuänä chijuiyuhua'amä, ja̧'hua̧ta̧nö̧ mippoönä jä̧'ȩpä̧rö̧mä̧ dä'ä rö̧jä̧cu̧sä̧.

Nuevo Testamento Uwotjüja

³ Päku, u̧ru̧wa̧ üäre adikuä i̧sa̧ päjimä̧ amükuädinü̧: ¿Däjé jȩcha̧'a̧jó, chu̧ru̧wa̧ chaditäwättü rä'epü ikua'amä̧? kuäwä chu̧ju̧na̧ pä'ü'i̧nä̧ chujuru juiya'amä̧, ja̧'wa̧ta̧nü̧ jä̧dȩpä̧ra̧ pä'ü'i̧nä̧ dä'ärü̧ja̧'a̧mä̧.

San Lucas 16:3 Iomraidhean Croise

San Mateo 20:8

Ja̧'hua̧ ja̧'a̧ttö̧ yodo päi'omenä, pätta ru̧hua̧mä̧ ippeyä ru̧hua̧rö̧ pä'inödo: “Adicuä ttö̧ja̧rö̧ huopö, mititö jitätä. Äcuomenä, röjinä ichätörö cuimitaja. Ja̧'hua̧ta̧nö̧ röjinä, äcuomenä ichätörö cuimitaja.”

San Marcos 10:46

Ja̧'hua̧ ja̧'a̧ttö̧ Jericó ötahuiyära̧'a̧ 'chä̧hui̧'i̧nä̧tö̧do. Jesús juhua'attö räopächomenä, u̧huo̧juȩtä̧u̧'i̧nä̧, recuätö ttö̧ja̧'i̧nä̧ 'chi̧nä̧tö̧do ja̧u̧cu̧. Ja̧'hua̧nö̧ tti̧'cho̧mȩnä̧ ya̧tȩ ä̧to̧ca̧mä̧, Bartimeo pä'ö mi̧cua̧mä̧, Timeo i̧tti̧, micuä juiyönä ttiyarö pä'ö mä̧nä̧ jäyänä pä̧nö̧ jä'epi'änödo.

San Lucas 12:17

Ja̧'hua̧nö̧ ja̧'a̧ chutä järe ru̧hua̧ amöcuädinö: “¿Tta̧'a̧nö̧ jȩchä̧cua̧'a̧jä̧ttö̧ chu̧cuȩ ya̧mö̧nä̧mä̧? Chu̧cuȩ ya̧mö̧ hua'adö ku̧nä̧huo̧mȩ juiya'amä.”

San Lucas 16:2

Ja̧'hua̧nö̧ ja̧'a̧ ru̧hua̧ ja̧u̧ru̧ huopö päinäcudo: “¿Däjehuä jä̧ ja̧u̧mä̧ ucu jȩcu̧'u̧ ttörö jittäumä? Cuaditähuä huȩyu̧tu̧ iyittö. Täcö chippeyä ru̧hua̧ huocö cuä̧cua̧jä̧.”

San Lucas 16:20

Ru̧hua̧ äpate ä'ca pi̧'ä̧ji̧nö̧do usurä i̧sa̧ Lázaro pä'ö mi̧cua̧. Öttahuiyä rö̧ȩnä̧ ku̧nä̧ri̧nö̧do.

San Lucas 16:22

Koro mo̧ro̧ usurä i̧sa̧ 'corupä'i'inödo. Angeles ttȩpi̧nä̧cu̧do mo̧ro̧jä̧ra̧'a̧ Abraham ö̧ja̧'a̧. Järe ru̧hua̧'i̧nä̧ 'corupä'i'inödo. 'Turu tticuinäcudo.

San Lucas 16:4

Täcösä huo̧jua̧ jȩchä̧cuȩmä̧, ttojusodenä dottädattö pä'ö, chaditähuä jui̧'a̧ chö̧jo̧mȩnä̧.”

San Lucas 18:4

Recuo ja̧'a̧nä̧ ja̧u̧ ru̧hua̧ yoröiso ppädococua pi̧nä̧ju̧do. Ju̧huȩnȩ o'comenä, amöcuädinödo: “Diosrö'inä, ttö̧ja̧rö̧'i̧nä̧ chucuotoca'anä, paju recua yabonö suronä jäjepa'attö ppädädaju, yabonö kichö juiyäcua'a̧nö̧, 'cuädächi'önä jä̧jȩpä̧rö̧ juiyäcua'a̧nö̧.”

San Juan 9:8

Ja̧'hua̧ ja̧'a̧ttö̧ ahuaruhuä'inä, korotö ja̧u̧ru̧ ä̧to̧ca̧ ö̧ja̧'a̧ topinätö'inä pä'inätödo: —¿Pidemä mä̧nä̧ jäyänä pä̧nö̧ mippoönä jä'epocö pi̧nö̧ tä̧ji̧?

Hechos 3:2

Ju̧huȩnȩtä̧ Diosrö ucuocuäcuähuodenä, ya̧tȩ uhuäpächina'atä päi'önä cue'ächocörö ȩpö̧ i'cächinätödo ahuaruhuä. Mo̧ro̧ji̧nö̧ a̧'u̧cuä̧ äpate Adihuate ä'ca ja̧u̧ru̧ rötinätödo, dodepätörö pärätä jäepa pä'ö mippoönä.

Hechos 9:6

Ja̧'hua̧ ja̧'a̧ Saulo ye'ö ttö̧'ä̧hui̧nö̧do. Pä'inödo: —Chu̧ru̧hua̧, ¿däje jȩcha̧ päcuhuättö ttörömä? Ja̧'hua̧nö̧ ja̧'a̧ Tu̧ru̧hua̧ pä'inödo Saulorö: —Ä̧rä̧mi̧'ö̧ täi ötahuiyära̧'a̧. Juhua'attö ya̧tȩ ji̧ä̧huä̧cua̧jä̧ ucu jȩcu̧'ä̧cuȩmä̧.

2 Tesalonicenses 3:11

Korotö ji'ähuinätö ujuturu, ucututtu yotöte ttaditoca'a ka̧cuä̧tö̧. Jahuätö korode korodenötä amönä huȩnȩ ucuocu cue'ächätö pä'ö.