San Lucas 15:7 - TÄ̧DO Ä̧CUÄ̧ I̧HUȨNȨ

⁷ Ttö pä'ösä ucuturu, ya̧tȩ suronä jȩpö̧mä̧ pärocuäcutä amöcuädomenä, korotö noventa y nueve jo̧mȩnä̧ ttö̧ja̧ adiu jȩpä̧tö̧ pärocuäcutä ttamöcuädoca'attö'inä abonänö eseäcuähuä ka̧'a̧ mo̧ro̧jä̧ra̧'a̧ttö̧.

Nuevo Testamento Uwotjüja

⁷ Ja̧'wa̧nü̧ jü̧ta̧'a̧nü̧ ja̧'a̧, ukuturu pä'üsä, Jua̧u̧ ji̧nü̧ta'anü̧, jitü noventa y nueve-nü̧ winä̧tü̧ kka̧kui̧pi̧nä̧tü̧ttü̧'i̧nä̧ abonä̧nü̧ mo̧ro̧jä̧ra̧'a̧ttü̧mä̧ eseäkuäwä kka̧'a̧, ya̧tȩ suronä̧ jȩpü̧ kkä̧'i̧jü̧ jua̧u̧ttü̧ räopächomȩnä̧mä̧; adiunä̧ kkä̧tü̧mä̧, surojü kättädi'a pä'ümä̧ rekuä rü̧jo̧ko̧u̧.

San Lucas 15:7 Iomraidhean Croise

San Mateo 18:13

Ja̧'hua̧nö̧ usu, ö̧'o̧cui̧'ö̧ttö̧mä̧, iso päi'önä ja̧u̧ru̧ re'tehuächäjirö korotö ä̧ji̧mö̧ re'tehuächocotöttö'inä abonänö ȩsȩhuä̧cua̧.

San Mateo 3:8

Iso päi'önä pärocuäcutä cuamöcuädätucuttumä, adiunä ttu̧huo̧jua̧ pä'ö jȩpä̧tu̧cui̧.

San Lucas 15:10

Ttö pä'ösä ucuturu, ja̧'hua̧ta̧nö̧ Dios isotö ángelesmä esehuätö, ya̧tȩ suronä jȩpö̧mä̧ pärocuäcutä amöcuädomenä, —pä'inödo Jesús.

San Lucas 15:29

Ja̧u̧ pä'inödo jä'orö: “Ucu huo̧jua̧jä̧ rö̧ȩnä̧ a̧'ȩ aditinösä ucuru jarodäcuähuä juiyönä. Ja̧'hua̧nö̧ ja̧'a̧nä̧ yoröisotä cabritorö'inä cuiyococö pä'ijösä, ttö'inä fiesta chadita pä'ö chahuaruhuäcu.

San Lucas 15:32

Ja̧'hua̧nö̧ ja̧'a̧ttö̧ jitämä juiyo adihua'a cuä̧nö̧ tesehuomenämä. Cu̧jä̧hua̧ 'corupä'i'inö'ca̧, pä'äji ta'anö kö̧. Re'tehuinö'ca̧, pä'äji ta'anö tö̧'o̧cui̧'ä̧cu̧,” pä'inödo ja̧u̧ jä'omä, —pä'ö huo̧juȩti̧nö̧do Jesús.

San Lucas 15:8

“Ja̧'hua̧ta̧nö̧ yajute to̧mö̧rȩ jähuä pärätä o̧bi̧ ku̧ju̧nä̧ra̧'a̧, ji̧bi̧tȩ toei'iyäcuamä, ¿lámpara rȩdȩtö̧, kojusode ttu̧ȩcuä̧nä̧ juatö kä̧nö̧ kö̧'o̧cui̧'o̧mȩ jubö päi'önä usocoju tä̧ji̧?

San Lucas 16:15

Ja̧'hua̧nö̧ ja̧'a̧ Jesús päinä̧u̧do: —Ucututä ttö̧ja̧ ttä'ca jo̧mȩttö̧ adiu jȩpä̧tö̧mä̧ ttö̧ja̧ tottönä. Ja̧'hua̧nö̧ ja̧'a̧nä̧ Diosmä huo̧jua̧ cuami iso'quitucunä. Ttö̧ja̧ ttucuo kö̧nä̧ ttamöcuädömä, Diosmä kö'cocö.

San Lucas 5:32

Ttömä adiu jȩpä̧tö̧rö̧ huopö ichocö pi̧nö̧sä̧. Suronä jȩpä̧tö̧rö̧tä̧ huopö ichinösä pärocuäcutä ttamöcuäda pä'ö, —pä'inödo Jesús.

Romanos 7:9

Pä'äjimä hueähuä huȩnȩ juiyönä ki̧nö̧sä̧. Ja̧'hua̧nö̧ ja̧'a̧nä̧ hueähuä huȩnȩ rȩbȩhuo̧mȩnä̧, surojö rö̧ä̧chi̧na̧'a̧ ttörö. Ja̧'hua̧nö̧ päi'omenä, 'corupä'i'ätö jä̧'i̧nö̧'a̧nö̧ ki̧nö̧sä̧.