San Lucas 14:15 - TÄ̧DO Ä̧CUÄ̧ I̧HUȨNȨ

¹⁵ Ja̧u̧ ä̧ju̧cu̧, ya̧tȩ fariseos i̧sa̧ jitötäcu ttu̧cuȩ cuäcuähuodänä pö̧, pä'inödo Jesúsru: —Eseunu ö̧jä̧cua̧ Dios ö̧jo̧mȩttö̧ u̧cuȩ cumä.

Nuevo Testamento Uwotjüja

¹⁵ Ja̧'wa̧nü̧ pä'a ä̧ju̧ku̧, chutäku mesa isodänä̧ pȩjä̧tü̧ttü̧ ya̧tȩ Jesú-ru pä'inü̧: —¡Rü̧ȩnä̧ eseäkuäwä kka̧'a̧, ru̧wa̧ Dio weomȩttü̧ u̧kuȩ kurumä̧!

San Lucas 14:15 Iomraidhean Croise

San Mateo 25:10

U̧ni̧chä̧rö̧ ka̧cui̧nä̧tö̧mä̧ lámpara isoya ȩmö̧ tti̧'cho̧mȩnä̧, irecuarö ȩmö̧mä̧ ichinödo. A̧mö̧cuä̧rö̧nö̧ ka̧cui̧nä̧tö̧mä̧ ja̧u̧cu̧ do'ächinätö irecuarö ȩma̧ pä'ö. Dottächomenä, äpate mö̧ȩcuä̧chi̧na̧'a̧do.

San Mateo 8:11

Ttö pä'ösä, recuätö judíos huocotö kä̧hua̧ räopa'acuttu'inä, kä̧hua̧ ma̧ä̧cha̧'a̧cu̧ttu̧'i̧nä̧ ttichäcuotö, Dios ö̧jo̧mȩttö̧ Abrahamcu, Isaaccu, Jacobcu ttu̧cuȩ cuäcuähuodänä ttö̧'ö̧jä̧ma̧ pä'ö.

San Lucas 12:37

Jahuätö umöhuäyotö ttu̧ru̧hua̧ tta̧ttä̧ra̧'a̧ ichi'ä̧u̧mä̧ eseunu ttö̧ja̧cuä̧cuo̧tö̧. Iso päi'önä pä'ösä ucuturu, chutä ttu̧ru̧hua̧ mesa isodänä ttö̧'ö̧ja̧'a̧ hue'aji jahuätörö. Ttu̧cuȩ'i̧nä̧ chutä iyaji jahuätörö.

San Lucas 13:29

Ttö̧ja̧ ttichäcuotö kä̧hua̧ räopa'acuttu'inä, kä̧hua̧ ma̧ä̧cha̧'a̧cu̧ttu̧'i̧nä̧, kä̧hua̧ u̧huo̧jua̧'a̧cu̧ttu̧'i̧nä̧, kä̧hua̧ ieruhua'acuttu'inä Dios ö̧jo̧mȩttö̧ ttu̧cuȩ cuäcuähuodänä ttö̧'ö̧jä̧ma̧ pä'ö.

San Lucas 22:16

Ttö pä'ösä ucuturu, Dios Cu̧ru̧hua̧tu̧cu̧ ö̧jo̧mȩ jubö päi'önä Huȩyu̧cuä̧ Huȩnȩ päö'a̧nö̧ 'cuäopome jubö päi'önä, pä'äji ta'anö cuocösä ucutucu.

Apocalipsis 19:9

Ja̧'hua̧ ja̧'a̧ttö̧ ya̧tȩ ángel ttörö pä'inö: —Huȩyu̧ti̧: “Cordero irecuarö ȩmä̧cua̧'a̧ fiesta jȩtta̧ pä'ö huottinä̧u̧mä̧, eseunu ttö̧ja̧cuä̧cuo̧tö̧.” Ja̧'hua̧ta̧nö̧ ttörö pä'inö: —Pi̧yȩ huȩnȩ, Dios iso päi'önä päinö huȩnȩ.