San Lucas 12:33 - TÄ̧DO Ä̧CUÄ̧ I̧HUȨNȨ

³³ Cu̧ju̧nä̧rä̧tu̧cu̧ iyö icuätucui. Ja̧u̧ iyö cuicuäji micuämä, usurä isotörö iyätucui. Ja̧'hua̧ta̧nö̧ cua̧'cua̧ huȩnä̧rä̧tu̧cui̧ mo̧ro̧jä̧ra̧'a̧ttö̧ adihuä juäi ku̧nä̧rä̧cuä̧huä̧ yoröiso beipächocö. Juhua'amä nä̧u̧cuä̧rö̧'i̧nä̧ doächäcuähuoca'a. Isotö'inä ttucui'oca'a juhua'amä.

Nuevo Testamento Uwotjüja

³³ Ku̧ju̧nä̧rä̧tu̧ku̧mä̧ mikuä pä'ü iyä'chü ikuätukui, usurä isotürü ppäkuädätukua; kusakuyutuku kerächokoyutä, mo̧ro̧jä̧ra̧'a̧ pärätä beipokomȩtä̧ aditätukui, nä̧u̧kuä̧rü̧'i̧nä̧ doächokomȩtä̧ ja̧'wa̧ta̧nü̧ isotü'i̧nä̧ surojuottepokomȩtä̧.

San Lucas 12:33 Iomraidhean Croise

San Mateo 19:21

Jesús pä'inödo: —Adiunätä cu̧ja̧ päcuttumä, cuhuäre o'ca juiyönä cu̧ju̧nä̧rö̧mä̧ iyö icuäji. Ja̧u̧ iyö cuicuäji micuämä usurä isotörö iyi. Ja̧'hua̧nö̧ jȩpö̧ mo̧ro̧jä̧ra̧'a̧ adihuä juäi cu̧ju̧nä̧rä̧cua̧jä̧. Ja̧u̧nu̧ o'ca'a ppa̧'ä̧chö̧ ttöcu cue'ächi.

San Lucas 11:41

Ja̧'hua̧nö̧ ja̧'a̧nä̧ ucutu rettö ppädäcuähuätä cu̧ju̧nä̧rä̧tu̧cu̧tä̧ iyätucui. Ja̧'hua̧nö̧ jȩcu̧'ä̧tu̧cuo̧mȩnä̧, o'ca juiyönä jacuänä'inä, huämenä'inä töcähua'a jä̧'i̧nö̧'a̧nö̧ jä̧cua̧'a̧.

San Lucas 12:21

Ja̧'hua̧nö̧ 'cuäopa'a ya̧tȩ pi̧jä̧ jähuä ca̧ca̧tö̧ ku̧nu̧ru̧mä̧, Diosrö amöcuädoca'a kö̧rö̧mä̧.

San Lucas 16:9

“Ttö pädä̧u̧jä̧, pi̧jä̧ jähuä cu̧ju̧nä̧rä̧tu̧cu̧mä̧, korotö ttesehuätucuacu pä'ö jȩpä̧tu̧cui̧. Pi̧jä̧ jähuä cu̧ju̧nä̧rä̧tu̧cu̧mä̧ beipächomenä, Dios eseunu ȩmä̧cua̧'a̧nö̧ ucuturu chutä ö̧jo̧mȩ beipocome cu̧ja̧cuä̧tu̧cua̧ pä'ö.

San Lucas 18:22

Ja̧'hua̧nö̧ päa'a ä̧ju̧cu̧, Jesús päinäcudo: —Ja̧'hua̧ ja̧'a̧ ji̧yȩtȩtä̧ jȩpo̧cö̧jä̧. Cuhuäre o'ca juiyönä cu̧ju̧nä̧rö̧mä̧ iyö icuäji. Ja̧u̧ iyö cuicuäji micuämä, usurä isotörö iyi. Ja̧'hua̧nö̧ jȩpö̧, mo̧ro̧jä̧ra̧'a̧ adihuä juäi cu̧ju̧nä̧rä̧cua̧jä̧. Ja̧u̧nu̧ o'ca'a ppa̧'ä̧chö̧, ttöcu cue'ächi.

San Juan 12:6

Judas ja̧'hua̧nö̧ päomenä, usurä isotörö amöcuädö pä'ocö pi̧nö̧do. Ja̧u̧mä̧ nä̧u̧cuä̧rö̧ i̧sa̧ pi̧nö̧do. Ja̧u̧mä̧ jahuätö u̧huo̧juȩtä̧u̧ ttöäre pärätä tta̧huä̧ra̧'a̧ttö̧, ttöäre pärätättö nä̧u̧cui̧nö̧do.

Hechos 2:45

Ja̧'hua̧ta̧nö̧ ttöäre pärätättö mitö ȩmö̧ iyinätödo korotö ttöäre recuä rö̧jä̧u̧ru̧.

2 Corintios 8:2

Jahuätörö rö̧ȩnä̧ surojö 'cuäopomenä, iso päi'önä adiu esehuätö. Ja̧'hua̧ta̧nö̧ usurä isotö ja̧'a̧nä̧, järe ruhuotö ttiyö'a̧nö̧ iyinätödo.