San Lucas 12:15 - TÄ̧DO Ä̧CUÄ̧ I̧HUȨNȨ

¹⁵ Ja̧'hua̧ta̧nö̧ pä'inödo: —Adiu tta̧'ä̧rä̧cuä̧huä̧tu̧cui̧. Pi̧jä̧ jähuä rö̧ȩnä̧ pä̧huä̧ rö̧jö̧nä̧ cuamöcuädätucuä'. Rö̧ȩnä̧ cu̧ju̧nä̧ro̧mȩnä̧mä̧, tta̧'cua̧ adiunä kä̧cuä̧huä̧mä̧ i'cächocö.

Nuevo Testamento Uwotjüja

¹⁵ Ja̧'wa̧ta̧nü̧ päinä̧u̧: —Tta̧'a̧rä̧kuä̧u̧ kka̧kuä̧tu̧kui̧, pi̧jä̧ttü̧ kku̧nä̧rä̧kuä̧wä̧ kkü'kekunä̧ usäwänä̧ ma̧kuä̧mä̧tu̧ku̧ juiyäkua'anü̧; isopäi'ünä̧ ttiäre rü̧ȩnä̧ ttu̧ju̧nä̧ra̧ja̧ pä'üdä̧jä̧, tta̧'kua̧rü̧mä̧ kku̧nä̧rä̧kuä̧wo̧kü̧ ja̧'a̧.

San Lucas 12:15 Iomraidhean Croise

San Marcos 7:22

Ja̧'hua̧ta̧nö̧ nä̧u̧cuä̧cuä̧huä̧'i̧nä̧, korotö ttu̧ju̧nä̧rö̧mä̧ pä̧huä̧ rö̧jö̧nä̧ amöcuädäcuähuä'inä suronä jȩä̧cuä̧huä̧'i̧nä̧, yapareu ucuocuäcuähuä'inä, ttamönä pä̧huä̧ rö̧jo̧mȩnä̧ jȩä̧cuä̧huä̧'i̧nä̧, a'cuoyäunu amöcuädäcuähuä'inä, korotörö suronä ucuocuäcuähuä'inä, ka̧ra̧ttö̧'i̧nä̧ abonänö adihuä i̧sa̧sä̧ pä'ö amöcuädäcuähuä'inä, tta̧'cua̧ pö̧nö̧ kä̧cuä̧huo̧cö̧ huȩnȩ'i̧nä̧ räopa'a ttö̧ja̧ ttami iso'quittö.

San Lucas 12:16

Ja̧'hua̧nö̧ ja̧'a̧ koro juäi jä̧'i̧nö̧'a̧nö̧ jö̧ huȩnȩ ji'ähuinödo: —Ya̧tȩ järe ru̧hua̧ ki̧nö̧. Ö'ättiyunä u̧ju̧nä̧huä̧ u̧cuȩ ya̧mö̧ rö̧ȩnä̧ ku̧nä̧ri̧nö̧.

San Lucas 16:14

Fariseos huotömä, pärätä kö'cätömä, ja̧u̧ o'ca juiyönä ä̧ju̧cuä̧ri̧nä̧tö̧do. Jesúsru ya̧'ä̧huȩ'i̧nä̧tö̧do.

San Lucas 21:34

“Ttu̧ȩcuä̧nä̧tä̧ ka̧cuä̧tu̧cui̧. Pi̧jä̧ jähuä jȩpö̧, tä̧'ä̧mä̧'chö̧ jȩpö̧, cuami iso'quitucu 'quiyönä juoächa'acu jȩcu̧'ä̧tu̧cuä̧'. Ja̧'hua̧ta̧nö̧ pi̧jä̧ jähuä amöcuädö kä̧nö̧, koro hua̧rö̧ 'chuttäda'a jä̧'i̧nö̧'a̧nö̧ ja̧u̧ juäi 'cuäopä̧cuȩ mo̧ro̧ tta̧cu̧huä̧rä̧tu̧cuo̧ca̧'a̧ adiu ka̧cuä̧tu̧cui̧. O'ca toi'önä ttö̧ja̧ pi̧jä̧ pa̧ja̧cu̧nä̧ ka̧cuä̧tö̧rö̧ ja̧'hua̧nö̧ ichäcua'a ja̧u̧nu̧ mo̧ro̧.

San Lucas 8:14

Korotömä, jacuä jähuä so̧ä̧'cua̧nä̧ ma̧ä̧chö̧ jä̧'i̧nö̧'a̧nö̧ huotö. Dios i̧huȩnȩ ä̧ju̧cu̧ tteseta'anä, pi̧jä̧ jähuä rö̧ȩnä̧ amöcuädätö. Ja̧u̧ juäitä esetätö. Pi̧jä̧ jähuä ku̧nä̧rä̧cuä̧huä̧, pärätänätä a̧mö̧cuä̧rö̧ jȩtta̧'a̧ttö̧ o'ca juiyönä rȩä̧cha̧'a̧ Dios i̧huȩnȩ ttesetomenä. Ja̧'hua̧nö̧ yoröiso u̧huä̧ju̧ jui'ätö.

1 Corintios 6:10

Ja̧'hua̧ta̧nö̧ nä̧u̧cuä̧rä̧tö̧'i̧nä̧, korotö ttu̧ju̧nä̧rö̧ ta'anö, ttu̧ju̧nä̧ra̧ pä'ätö'inä, tä̧'ä̧mä̧tö̧'i̧nä̧, amönä yapareu ucuocuätö'inä yoröiso toäcua'a Dios ö̧jo̧mȩttö̧.

Colosenses 3:5

Pä'äji jähuä, pi̧jä̧ jähuä, jȩcu̧'i̧nä̧tu̧cu̧mä̧, jitämä amöcuädö jȩcu̧'ä̧tu̧cuä̧'. Ka̧ra̧ irecuarö suronä jȩcu̧'ä̧tu̧cuä̧'. Suronämä amöcuädö jȩcu̧'ä̧tu̧cuä̧'. Ucutuätä pä̧huä̧ rö̧jö̧tä̧ jȩcu̧'ä̧tu̧cuä̧'. Korotöttö'inä abonänö cu̧ju̧nä̧ra̧ pä'ö cuamöcuädätucuä'. Ttu̧mö̧nä̧ adicuä juäi pä̧huä̧ rö̧jö̧nä̧ tocu'ätucuä'.

2 Timoteo 3:2

U̧mä̧tö̧ jitöätä ttamöcuädäutä ttamöcuädäcuotö. Pärätä rö̧ȩnä̧ ttamöcuädäcuotö. Ttösä adihuä i̧sa̧ pättähuäcuotö. Diosrö suronä ttucuocuäcuotö. Ttä'o hueö jȩpo̧co̧tö̧ ttäcuotö. Ttahuaruhuärö esehuocotö ttäcuotö. Dios i̧huȩnȩ esetocotö ttäcuotö.

Hebreos 13:5

Pärätä'inä repecuhuätucuä'. Cu̧ju̧nä̧rä̧tu̧cu̧ amöcuädö, esehuätucui. Dios pa̧'a̧nö̧ pä'inödo: “Yoröiso jarochi'ococujä. Yoröiso chicuipococujä.”

2 Pedro 2:14

Isajuru tottö juiyö'a̧nö̧ huotö. 'Cuä'ächi'ocotö suronä jȩpä̧'chö̧. Juiyupätörö yapareu jȩpä̧tö̧. O'ca juiyönä ttȩma̧ pä'ätö jitötä ttöäre päi'önä. Jahuätömä suropätö.

2 Pedro 2:3

Pärätä rö̧ȩnä̧ ttȩma̧ pä'ö, ucuturu yapareu huȩnȩ ttu̧huo̧juȩtä̧cuo̧tö̧ cuiyätucuatö pä'ö. Yoröiso ttö̧ji̧pö̧ juiyönä, bettipächäcuotö ja̧'hua̧nö̧ huo̧juȩtä̧tö̧mä̧. Ja̧'hua̧nö̧ 'cuäopäcua'a, täbocö päi'önä amöcuädinödo Dios.