San Lucas 10:9 - TÄ̧DO Ä̧CUÄ̧ I̧HUȨNȨ

⁹ Juhuorö na̧nȩpä̧tö̧rö̧mä̧ aditö icuätucui. Ja̧'hua̧nö̧ ja̧'a̧ ji'ähuätucui jahuätörö: “Täcö Dios Cu̧ru̧hua̧ päi'önä ö̧jä̧cua̧'a̧ tö'cöhuächa'a.”

Nuevo Testamento Uwotjüja

⁹ Juȩnȩ na̧nȩpä̧tü̧ ttü̧ja̧ku̧ttü̧mä̧ aditü kuikuätukuajä̧ ja̧'wa̧nü̧ jȩpü̧mä̧ pa̧'a̧nü̧ päkuätukuajä̧: «Ru̧wa̧ Dio weü wȩnȩmä̧ ukuturu tü'kü kka̧'a̧,» jü̧nä̧.

San Lucas 10:9 Iomraidhean Croise

San Mateo 3:2

Ja̧u̧ ji'ähuinödo: —Pärocuäcutä amöcuädätucui. Dios Cu̧ru̧hua̧ päi'önä ö̧jä̧cua̧'a̧ tö'cöhuächa'a, —pä'inödo.

San Mateo 4:17

Juhuorö kä̧nö̧ Jesús kä̧mä̧dö̧ ji'ähuinödo: —Pärocuäcutä amöcuädätucui. Dios Cu̧ru̧hua̧ päi'önä ö̧jä̧cua̧'a̧ tö'cöhuächa'a, —pä'ö ji'ähuinödo.

San Marcos 4:30

Ja̧'hua̧ta̧nö̧ Jesús pä'inödo: —Dios hueömä, ¿tta̧'a̧nö̧ ja̧'a̧jä̧ttö̧? Koro juäi jä̧'i̧nö̧'a̧nö̧ jö̧ huȩnȩnä̧ ji'äu, ¿tta̧'a̧nö̧ jitähuäcua'ajä̧ttö̧?

San Marcos 6:13

Ja̧'hua̧ta̧nö̧ recuätö espíritus suropätörö rä'epö icuinätödo. Ja̧'hua̧ta̧nö̧ recuätö na̧'ä̧chä̧tö̧rö̧ a̧dȩ tu'epö, aditö tticuinä̧u̧do.

San Lucas 10:10

Ja̧'hua̧nö̧ ja̧'a̧nä̧ ötahuiyära̧'a̧ cui̧'chi̧'ä̧tu̧cuo̧mȩnä̧, ucuturu eseunu ttamöcuädoca'a jö̧ttö̧mä̧, ötahuiyä kä'co mä̧nä̧nä̧ rä'oi'ö ji'ähuätucui:

San Lucas 10:11

“Cuidepiyutucu rȩjȩ i̧sa̧ppȩ tö̧jä̧pö̧nä̧ bäi'äja'a, te'ächö icuätöjä ucuturu koromenä pättä'inö juäimä. Ja̧'hua̧nö̧ ja̧'a̧nä̧ pi̧yȩ huo̧juä̧tu̧cui̧: Täcö Dios Cu̧ru̧hua̧ päi'önä ö̧jä̧cua̧'a̧ tö'cöhuächa'a.”

San Lucas 9:2

Dios Ru̧hua̧ päi'önä ö̧jä̧cuȩ huȩnȩ jittähua pä'ö hueinä̧u̧do, na̧nȩpä̧tö̧rö̧'i̧nä̧ aditö tticua pä'ö.

San Juan 3:3

Ja̧'hua̧ ja̧'a̧ Jesús ja̧u̧ru̧ pä'inödo: —Iso päi'önä pä'ösä ucuru, ya̧tȩ jareönä uhuäpächö juiyöttömä, yoröiso do'ächocö jä̧cua̧ Dios ö̧jo̧mȩcu̧.

San Juan 3:5

Ja̧'hua̧ ja̧'a̧ Jesús ädätinäcudo: —Iso päi'önä pä'ösä ucuru, ya̧tȩ ajiyattö'inä, Espíritu Santottö'inä uhuäpächocömä, Dios ö̧jo̧mȩcu̧ yoröiso do'ächocö jä̧cua̧.

Hechos 28:28

Ja̧'hua̧nö̧ ja̧'a̧ ucutu cu̧huo̧juä̧tu̧cua̧ pä'ösä. Pi̧yȩ Dios suronä jȩttö̧ jȩpö̧ icuähuä huȩnȩ judíos huocotörö jitähua pä'ö hue'ö Diosmä. Judíos huocotö ttä̧ju̧cuä̧cuo̧tö̧.