San Juan 9:16 - TÄ̧DO Ä̧CUÄ̧ I̧HUȨNȨ

¹⁶ Ja̧'hua̧ ja̧'a̧ttö̧ fariseos huotöttö korotö pö̧nä̧ pä'inätödo: —Ja̧'hua̧nö̧ jȩpä̧ji̧mä̧, Dios huȩ'ä̧hua̧mä̧cö̧. Ja̧u̧mä̧ ttö̧ja̧ 'cuättächi'ö mo̧ro̧ ucuotocö. Korotömä pä'inätödo: —Ya̧tȩ suronä jȩpö̧mä̧, ¿ja̧'hua̧nö̧ ttö̧ja̧ ttieru juäi jȩpö̧ tä̧ji̧? Ja̧'hua̧nö̧ pättomenä, yoröiso ji̧nä̧ yo̧mȩtȩnä̧ amöcuädocotö pi̧nä̧tö̧do.

Nuevo Testamento Uwotjüja

¹⁶ Fariseo wotümä̧ yotukunä̧ pä'inä̧tü̧: —Pi̧yȩ jȩpä̧ji̧mä̧, Dio wȩ'ä̧wa̧mä̧kü̧, sawaru mo̧ro̧'i̧nä̧ ukuotokü ja̧'a̧ttü̧. Ja̧'wa̧nü̧ pätta'anä̧, kkorotümä̧ pä'inä̧tü̧: —¿Toku pä'ü, surojü kku̧nä̧rü̧ ja̧'a̧nä̧, jua̧u̧ jȩtto̧kü̧ jueimä̧ jȩpü̧jä̧ttü̧? Ja̧'wa̧nü̧ pä'ü, 'kä̧'ȩchä̧chi̧nä̧tü̧ ttukuokuttümä̧.

San Juan 9:16 Iomraidhean Croise

San Mateo 12:10

Juhuodenä ya̧tȩ u̧mö̧ joi'inäcu ki̧nö̧do. Korotömä Jesúsru suronä ttucuocua pä'inätödo. Ja̧'hua̧nö̧ ja̧'a̧ttö̧ pä'inätödo Jesúsru: —¿Ya̧tȩ na̧'ä̧chö̧rö̧ ttö̧ja̧ 'cuättächi'ö mo̧ro̧ aditö tticu'a̧nö̧ ja̧'a̧ tä̧ji̧? —jä'epinätödo.

San Mateo 12:2

Korotö fariseos huotö ja̧'hua̧nö̧ settoi'a'a topö, Jesúsru pä'inätödo: —Topi. Cu̧huo̧juȩtä̧u̧mä̧, ttö̧ja̧ 'cuättächi'ö mo̧ro̧mä̧, adicuocö mo̧ro̧mä̧, se'oi'ätödo.

San Lucas 13:14

Ja̧'hua̧nö̧ ja̧'a̧ judíos ttu̧huo̧jui̧'i̧node ru̧hua̧ ra̧huä̧ri̧pi̧nö̧do, Jesús ttö̧ja̧ 'cuättächi'ö mo̧ro̧ aditö icuäjiyäcu. Ja̧'hua̧nö̧ ja̧'a̧ pä'inödo ttö̧ja̧rö̧: —Ko̧ro̧mö̧ttö̧nö̧ ya'ute mo̧ro̧ ka̧'a̧ adicuä mo̧ro̧mä̧. Ja̧u̧nu̧ mo̧ro̧ cuichätucu'a̧nö̧ ja̧'a̧ aditö cuicuätucua pä'ö, ttö̧ja̧ 'cuättächi'ö mo̧ro̧mä̧cö̧.

San Juan 10:19

Judíos ttö̧ja̧ ja̧u̧ huȩnȩ ttä̧ju̧cuo̧mȩnä̧, ji̧nä̧ yo̧mȩtȩnä̧ amöcuädocotö pi̧nä̧tö̧do.

San Juan 14:11

Ttöcu, Chä'ocu ji̧nä̧ ya̧tȩtä̧ ja̧'a̧ esetätucui. Ja̧'hua̧nö̧ cuesetätucu juiyöttömä, ttö jȩchö̧mä̧ tocu'ätucumä esetätucui.

San Juan 15:24

Jahuätö ttö̧'quȩtȩnä̧ korotö jȩtto̧cö̧ ji̧nö̧ juäi jȩchi̧nö̧ juiyöttömä, jerupö jȩttö̧'a̧nö̧ ja̧'a̧. Ja̧'hua̧nö̧ ja̧'a̧nä̧ ja̧u̧ totta'anä'inä, ttörö'inä, Chä'orö'inä kö'cocotödo.

San Juan 2:11

Pi̧yȩmä̧, Caná ötahuiyänä Galilea rȩjȩttö̧, Jesús jȩi̧nö̧mä̧, äcuomenätä ttö̧ja̧ ttieru juäi jȩpi̧nö̧do. Ja̧'hua̧nö̧ jȩo̧mȩnä̧, ttö̧ja̧ öadihuä topinätödo. U̧huo̧juȩtä̧u̧mä̧ ja̧u̧ru̧ adiu ttesetinäcudo.

San Juan 3:2

Pide Nicodemo Jesúsru koronö yodo topö 'chi̧nö̧do. Jesúsru pä'inödo: —Huo̧juȩcuä̧ I̧sa̧, ujutu huo̧juä̧tö̧jä̧ Dios hueinäcujä ujuturu cu̧huo̧juȩta̧ pä'ö. Ya̧tȩ Dios hueö juiyöttömä koro ttö̧ja̧ ttieru juäi jȩcu̧'u̧'a̧nö̧ jȩpo̧cö̧ yoröisotä.

San Juan 5:10

Ja̧'hua̧nö̧ ja̧'a̧ttö̧ judíos ttö̧ja̧ pä'inätödo ja̧u̧ru̧, Jesús aditö icuäjäcuru: —Jitä mo̧ro̧, ttö̧ja̧ 'cuättächi'ö mo̧ro̧. Cu̧rä̧sa̧ cuȩpö̧ juiyö'a̧nö̧ ja̧'a̧.

San Juan 5:36

Koro Juan jiähuinöttö'inä abonänö adihuä juäi ku̧nä̧rö̧sä̧, ttörö cuesetätucua pä'ö. O'ca juiyönä jȩchö̧mä̧, Chä'o hueinäcusä ja̧u̧ jȩcha̧ pä'ö. Ja̧u̧ juäi topö cu̧huo̧juä̧tu̧cuä̧cua̧'a̧nö̧ Chä'o hueinäcusä.

San Juan 6:52

Ja̧'hua̧ ja̧'a̧ttö̧ judíos ttö̧ja̧ ttamönä ucuocuäcuäu, pä'inätödo: —Pidemä chutä idepämä, ¿tta̧'a̧nö̧ pä'ö iyäcua'ajä̧ttö̧ ujuturu tucua pä'ö?

San Juan 7:12

Ja̧'hua̧ta̧nö̧ recuätö ttö̧ja̧ ttamönä ucuocuäcuähuinätödo ja̧u̧ru̧. Korotö pä'inätödo: “Ja̧u̧mä̧, adihuä i̧sa̧.” Korotö pä'inätödo: “Ja̧u̧mä̧, adihuä i̧sa̧cö̧. Ja̧u̧mä̧ yapareu ji'ähue'ä'chö ttö̧ja̧rö̧.”

San Juan 7:23

Jitä ucutu Moisés hueinö ta'anö ji̧'qui̧cha̧hua̧rö̧ circuncisión jȩpö̧ ttö̧ja̧ 'cuättächi'ö mo̧ro̧ jȩcu̧'ä̧tu̧cua̧'a̧nä̧, ¿tta̧'a̧nö̧ pä'ö cu̧ra̧huä̧rä̧tu̧cuä̧ttö̧ ttörö, ya̧tȩ na̧'ä̧chö̧rö̧ ttö̧ja̧ 'cuättächi'ö mo̧ro̧ aditö chicuäja'amä?

San Juan 7:43

Ja̧'hua̧nö̧ pättomenä, yoröiso ji̧nä̧ yo̧mȩtȩnä̧ amöcuädocotö pi̧nä̧tö̧do Jesúsru.

San Juan 9:24

Ja̧'hua̧ ja̧'a̧ttö̧ judíos ttö̧ja̧ ja̧u̧ru̧ pä'äji ä̧to̧qui̧nö̧rö̧ huopö, pä'inätödo: —Dios ä'ca jo̧mȩttö̧ iso päi'önä ji'ähuitö. Ja̧u̧ ubomä suronä jȩpö̧ huo̧juä̧tö̧jä̧.

Hechos 14:4

Iconio ötahuiyä ttö̧ja̧ttö̧ korotö judíos ttö̧ja̧ jittäu huȩnȩ esetinätödo. Ja̧'hua̧ta̧nö̧ korotö Pablocu, Bernabécu jittäu huȩnȩ esetinätödo.