San Juan 8:56 - TÄ̧DO Ä̧CUÄ̧ I̧HUȨNȨ

⁵⁶ Abraham, ucutu cuä̧do̧tu̧cu̧ mi̧nä̧, ttö chichäcua'a mo̧ro̧ toa pä'ö esehuinödo. Iso päi'önä topö, juiyo esehuinödo.

Nuevo Testamento Uwotjüja

⁵⁶ Kuä'otuku Abraha̧-mi̧nä̧mä̧, ttü chu̧mo̧ro̧ toa pä'ü esewinü̧; ja̧'wa̧nü̧ ji̧na̧'a̧ topümä̧ rü̧ȩnä̧ esewinü̧.

San Juan 8:56 Iomraidhean Croise

San Mateo 13:17

Iso päi'önä pä'ösä ucuturu, recuätö adihuä isotö'inä, Dios i̧huȩnȩ jiäcuähuä isotö'inä totta pä'inätö ucutu tocu'ätucu. Ja̧'hua̧nö̧ ja̧'a̧nä̧ yoröiso topocotö pi̧nä̧tö̧. Ttä̧ju̧cua̧ pä'inätö ucutu cuä̧ju̧cuä̧tu̧cu̧. Ja̧'hua̧nö̧ ja̧'a̧nä̧ yoröiso ä̧ju̧cuo̧co̧tö̧ pi̧nä̧tö̧, —pä'ö huo̧juȩti̧nö̧do Jesús u̧huo̧juȩtä̧u̧ru̧.

San Lucas 10:24

Ttö pä'ösä ucuturu, recuätö Dios i̧huȩnȩ jiäcuähuä isotö'inä, recuätö ruhuotö'inä totta pä'inätö ucutu tocu'ätucu. Ja̧'hua̧nö̧ ja̧'a̧nä̧ yoröiso topocotö pi̧nä̧tö̧. Ttä̧ju̧cua̧ pä'inätö ucutu cuä̧ju̧cuä̧tu̧cu̧. Ja̧'hua̧nö̧ ja̧'a̧nä̧ yoröiso ä̧ju̧cuo̧co̧tö̧ pi̧nä̧tö̧.

San Juan 10:25

Jesús jahuätörö ädätö pä'inödo: —Täcö ji'ähuinösä. Ucututä esetocotöjä. O'ca juiyönä Chä'o u̧ju̧ru̧nä̧ jȩchö̧mä̧, ja̧u̧ Cristo cha'a i̧jȩcua̧'a̧.

San Juan 8:37

Ucutumä Abraham ahuaruhuä o'cotöjä täcö huo̧jua̧sä̧. Ja̧'hua̧nö̧ ja̧'a̧nä̧ ttö pädömä cuesetätucuoca'attö, ttörö cuä'ö cuicuätucua pä'ätöjä.

San Juan 8:39

Jahuätö ja̧u̧ru̧ ädätinätödo: —Ujutu tä'omä Abraham pi̧nö̧do. Ja̧'hua̧nö̧ pättomenä, Jesús päinä̧u̧do: —Iso päi'önä Abraham i̧tti̧mö̧ cu'ätucuttumä, ja̧u̧ jȩi̧nö̧'a̧nö̧ jȩpa̧ja̧tö̧jä̧.

Hebreos 11:13

Jahuätö, Abraham ahuaruhuä o'cotö, o'ca toi'önä hua'ö icuinätödo, Dios iya päinö ttȩmo̧ca̧'a̧nä̧. Ja̧'hua̧nö̧ ja̧'a̧nä̧ Diosrö tteseta'attö, oto kä̧nö̧ Dios iya päinö topö esehuinätödo. Ja̧'hua̧nö̧ ttesehua'anä: “Pi̧jä̧nä̧, korotö tti̧rȩjä̧nä̧ cuettächö'a̧nö̧ cue'ächätöjä”, pä'inätödo.

Hebreos 11:39

Jahuätö o'ca toi'önä Diosrö tteseta'a ttu̧huo̧jui̧nä̧u̧, Dios iya päinömä yoröiso ȩmo̧co̧tö̧ pi̧nä̧tö̧do.