San Juan 8:54 - TÄ̧DO Ä̧CUÄ̧ I̧HUȨNȨ

⁵⁴ Jesús jahuätörö ädätinödo: —Ttörötä chamönä chucuotäcuäuttumä, yoröiso micuähuoca'a. Ja̧'hua̧nö̧ ja̧'a̧nä̧ ttö Chä'o ttörö ucuotö. Ucutu'inä pä'ätöjä: “Ja̧u̧mä̧ Tä̧do̧ ä̧cua̧ Dios.”

Nuevo Testamento Uwotjüja

⁵⁴ Jesú ädätinä̧u̧: —Ttütä cha̧mü̧nä̧ churuwo chi̧jȩku̧ttü̧mä̧, ttü churuwomä̧ mikuäwokü ja̧'a̧; ja̧'wa̧nü̧ ja̧'a̧nä̧, ttürü churuwo jȩpü̧mä̧ Chä'o ja̧'a̧, jua̧u̧tä̧ ukutu chä'o Dio päkuätukuäku.

San Juan 8:54 Iomraidhean Croise

San Juan 17:1

Ja̧u̧ huȩnȩ ji'ähuäji'ca̧, Jesús mo̧ro̧jä̧ra̧'a̧ topö ucuocuinödo: —Chä'o, ttörö täcö jo̧mȩ päi'a'a. Cui̧tti̧rö̧ esehui, ucurutä Cui̧tti̧ esehuäcua'a̧nö̧.

San Juan 17:5

Ja̧'hua̧ ja̧'a̧ttö̧ Chä'o, jitä pi̧jä̧ juiyäi'inä ucucu chö̧ji̧nö̧ ta'anö, hue'ittö pä'äji ta'anö ucucu eseunu chö̧ja̧ pä'ö.

San Juan 2:11

Pi̧yȩmä̧, Caná ötahuiyänä Galilea rȩjȩttö̧, Jesús jȩi̧nö̧mä̧, äcuomenätä ttö̧ja̧ ttieru juäi jȩpi̧nö̧do. Ja̧'hua̧nö̧ jȩo̧mȩnä̧, ttö̧ja̧ öadihuä topinätödo. U̧huo̧juȩtä̧u̧mä̧ ja̧u̧ru̧ adiu ttesetinäcudo.

San Juan 5:41

“Pi̧jä̧ ttö̧ja̧ ttörö adiunä ttucuocua pä'ö pä'ocösä.

San Juan 7:18

Ya̧tȩ chutä amönä amöcuädäu ucuocuttumä, ttö̧ja̧ ja̧u̧ru̧ ttucuotarö pä'ö ucuocu. Ja̧'hua̧nö̧ ja̧'a̧nä̧ ya̧tȩ ja̧u̧ru̧ hue'inörö ttö̧ja̧ ttucuotarö päöttömä, ja̧u̧ iso päi'önä huȩnȩ ji'äu. Ja̧u̧mä̧ yapareu yoröiso ucuocuocö.

San Juan 7:39

Jesús ja̧'hua̧nö̧ päomenä, ja̧u̧ru̧ esetätö Espíritu Santorö ttȩmä̧cuo̧tö̧ pä'ö pä'inödo. Ja̧u̧nu̧ pä̧nä̧ Espíritu Santo ji̧nä̧ ichoca'a ji̧na̧'a̧do, Jesús ji̧nä̧ ttoächoca'attö ttucuotarö pä'ö.

San Juan 8:41

Ucutu cuä'otucu jȩö̧'a̧nö̧ jȩpä̧tö̧jä̧. Ja̧'hua̧ ja̧'a̧ Jesúsru pä'inätödo: —Ujutu ka̧ra̧ i̧tti̧mö̧ huocotöjä. Ujutu ya̧tȩtä̧ tä'o ku̧nä̧rä̧tö̧jä̧. Ja̧u̧mä̧ Dios.

San Juan 8:50

Ttörötä cucuotätucua pä'ocösä. Juhuorö'inä ya̧tȩ kö̧do, ttörö cucuotätucuattö pä̧huä̧ rö̧jä̧cu̧. Ja̧'hua̧ta̧nö̧ ja̧u̧ ttö̧ja̧rö̧: “Ucu adiu jȩpö̧jä̧”, “Ucu suronä jȩpö̧jä̧” pä̧cua̧do.

Hechos 3:13

Ja̧'hua̧nö̧mä̧cö̧. Ujutu tä̧do̧tö̧ mi̧nä̧ Abraham'inä, Isaac'inä, Jacob'inä Ttä̧do̧ ä̧cua̧ Dios hue'inö o'ca toi'önä ttucuota pä'ö I̧tti̧ Jesúsru. Ja̧u̧ru̧ ucutu iyö icuinätöjä. Ja̧'hua̧ta̧nö̧ ja̧u̧ru̧ ucutu kö'cocotö pi̧nä̧tö̧jä̧, ru̧hua̧ Pilato ja̧u̧ru̧ ejädö icua päa'anä.

2 Corintios 10:18

Ya̧tȩ o'ca toi'önä adiu ttucuocuäcumä, chutä amönä a'cuoyäunu ucuocuäcuähuocö. Iso päi'önä o'ca toi'önä adiu ttucuocuäcumä, Tu̧ru̧hua̧tä̧ adiu ucuocu ja̧u̧ru̧.

1 Pedro 1:12

Ja̧'hua̧nö̧ ja̧'a̧nä̧ jahuätö ttȩmö̧ juiya pä'ö huo̧juȩti̧nö̧do Dios. Ujututä tȩmä̧cuȩ pä'ö huo̧juȩti̧nö̧do. Täbocö Dios i̧huȩnȩ jiäcuähuä isotörö Espíritu Santo u̧huo̧juȩti̧nö̧ ta'anö, ä̧ju̧cui̧nä̧tö̧jä̧ ucutu. Iso päi'önä Espíritu Santo, mo̧ro̧jä̧ra̧'a̧ttö̧ huȩ'ä̧hua̧ ujurunä, adihuä juäi huȩnȩ, suronä jȩttö̧ jȩpö̧ icu huȩnȩ, jittähua'a ä̧ju̧cui̧nä̧tö̧jä̧ ucutu. Angeles'inä ttä̧ju̧cua̧ pä'ätö pi̧yȩ huȩnȩmä̧.

1 Pedro 1:21

Ucutumä Cristorö esetö kä̧nö̧, esetätöjä Diosrö. Ja̧u̧tä̧ Dios Cristorö, 'corupä'i'äjirö, tto'ädinö. Ja̧'hua̧ta̧nö̧ o'ca toi'önä ttucuotarö pä'ö hue'inö. Ja̧'hua̧nö̧ ja̧'a̧ttö̧ ucutu Diosrö amöcuädö tta̧'ä̧rä̧tö̧jä̧.

2 Pedro 1:17

Tä'o Dios I̧tti̧ Jesucristorö esehua'a topinätöjä. Ja̧'hua̧ta̧nö̧ Dios i̧huȩnȩ eseunu ucuocua'a ä̧ju̧cui̧nä̧tö̧jä̧. Chutä Dios pä'inö: “Pidemä ttö Chi̧tti̧ rȩni̧'a̧. Ja̧u̧ru̧ juiyo eseusä.”