San Juan 8:28 - TÄ̧DO Ä̧CUÄ̧ I̧HUȨNȨ

²⁸ Ja̧'hua̧nö̧ ja̧'a̧ttö̧ jahuätörö pä'inödo: —Ucutumä, Ubo I̧tti̧rö̧ ju'tojunänö cäcuhue'ätucuomenä, ja̧u̧nu̧ ttörö cu̧huo̧jui̧'ä̧cuo̧tö̧jä̧. Ja̧'hua̧ta̧nö̧ ttötä chamönä amöcuädäu jȩpo̧cö̧sä̧ pä'ö, cu̧huo̧jui̧'ä̧cuo̧tö̧jä̧. Ttömä Chä'o ttörö u̧huo̧juȩti̧nö̧tä̧ ji'äusä.

Nuevo Testamento Uwotjüja

²⁸ Ja̧'wa̧nü̧ ttiyäku, päinä̧u̧: Ubo I̧tti̧rü̧ ju'toju kä'epü ttu̧ju̧nu̧ mo̧ro̧ päi'omȩnä̧, jua̧u̧nu̧tä̧ ku̧wo̧jui̧pä̧kuo̧tü̧jä̧, isopäi'ünä̧ Ttütäsä pädäji jä̧ji̧mä̧ ja̧'wa̧ta̧nü̧ ttü jȩchü̧, ttütä amükuädü jȩcho̧ka̧'a̧, Chä'o u̧wo̧juȩti̧na̧'a̧ku̧ chukuokumä̧.

San Juan 8:28 Iomraidhean Croise

San Mateo 24:5

Ja̧u̧nu̧ mo̧ro̧ päi'omenä, recuätö ttö chi̧mi̧nä̧ ucuocu ttichäcuotö. Pättäcuotö: “Ttötäsä Cristo.” Jahuätö yapareu jittähuäcuotö recuätö ttö̧ja̧rö̧.

San Marcos 13:6

Ja̧u̧nu̧ mo̧ro̧ päi'omenä, recuätö ttö chi̧mi̧nä̧ ucuocu ttichäcuotö. Pättäcuotö: “Ttötäsä Cristo.” Jahuätö yapareu jittähuäcuotö recuätö ttö̧ja̧rö̧.

San Lucas 21:8

Jesús pä'inödo: —Korotö yapareu jittähuomenä, jittäumä jȩcu̧'ä̧tu̧cuo̧ca̧'a̧ adiu jȩpä̧tu̧cui̧. Ja̧u̧nu̧ mo̧ro̧ päi'omenä, recuätö ttö chi̧mi̧nä̧ ucuocu ttichäcuotö. Pättäcuotö: “Ttötäsä Cristo. Jitätä cuesetätucu'a̧nö̧ ja̧'a̧.” Ja̧'hua̧nö̧ pättomenä, jahuätörö cuesetätucuä'.

San Juan 11:42

Ttörö 'cuäopönä ä̧ju̧cu̧jä̧ huo̧jua̧sä̧. Ja̧'hua̧nö̧ ja̧'a̧nä̧ pitö, pȩnȩ ka̧cuä̧tö̧, ttörö huecuhuina'a tteseta pä'ö ucuocusä jitä.

San Juan 13:19

Pi̧yȩ ä'canä ji̧'ä̧huä̧rö̧sä̧ ja̧'hua̧nö̧ 'cuäopa'a tocu'ätucuomenä, iso päi'önä ttörö cu̧huo̧juä̧tu̧cuä̧cua̧'a̧nö̧.

San Juan 16:10

Chä'o ö̧ja̧'a̧ chi̧'cha̧'a̧ttö̧, adihuä jueä̧mä̧ mä̧nä̧ ttu̧huo̧jui̧'ä̧cuo̧tö̧do. Ucutu'inä juhua'a yabonö topocotö cuäcuotöjä ttörö.

San Juan 18:32

Ja̧'hua̧nö̧ pättomenä, Jesús, chutä 'corupäi'ä̧cuȩ huȩnȩ päinö ta'anö 'cuäopa pä'ö pä'inätödo.

San Juan 19:18

Ju̧huȩnȩmä̧ korotö ta̧ju̧cu̧ dau isodänä pȩ'o̧pö̧ ku̧ni̧nä̧tö̧do. Ka̧ra̧mä̧ Jesús u̧huo̧jua̧'a̧nä̧, ka̧ra̧mä̧ ieruhua'anä pȩ'o̧pö̧ ku̧ni̧nä̧tö̧do. Jesúsru kä'co päte'ö pȩ'o̧pö̧ ku̧ni̧nä̧tö̧do.

San Juan 3:11

Iso päi'önä pä'ösä ucuru, ujutu tu̧huo̧jua̧'a̧ttö̧ ucuocuätöjä. Ujutu totinötä ji'ähuätöjä. Ja̧'hua̧nö̧ ja̧'a̧nä̧ ujutu jitähuomenä, esetocotöjä ucutumä.

San Juan 3:14

Ja̧'hua̧ta̧nö̧ de'anä kä̧nö̧, Moisés ä̧ca̧rö̧ cäepinö ta'anö, Ubo I̧tti̧rö̧'i̧nä̧ cättepäcuotö, o'ca toi'önä ja̧u̧ru̧ esetö, ttire'tehuächö juiyäcua'a̧nö̧. Ja̧'hua̧ta̧nö̧ kä̧cuä̧huä̧ i'co ttu̧ju̧nä̧rä̧cuo̧tö̧ ja̧u̧ru̧ esetätömä, —pä'inödo Jesús.

San Juan 4:26

Jesús päinäcuado: —Ja̧u̧mä̧ ttötäsä. Ja̧u̧cu̧ ucuocuäjujä.

San Juan 5:19

Ja̧'hua̧ ja̧'a̧ttö̧ Jesús pä'inödo jahuätörö: —Iso päi'önä pä'ösä ucuturu, Dios I̧tti̧ chutä amönä amöcuädömä, yoröiso jȩpo̧cö̧. Chutä Jä'o jȩö̧ tomenä, ja̧u̧ juäi jȩpö̧ chu'inä. O'ca juiyönä Jä'o jȩö̧mä̧, I̧tti̧'i̧nä̧ ja̧'hua̧ta̧nö̧ jȩpö̧.

San Juan 5:30

Juhua'a yabonö pä'inödo Jesús: —Ttötä chamönä chamöcuädomenä, yoröiso jȩpo̧cö̧sä̧. Ttörö hueö'a̧nö̧ pä'ösä. Ja̧'hua̧ta̧nö̧ adiunätä pä'ösä. Ttörötä pä̧huä̧ rö̧jö̧tä̧ jȩcha̧ pä'ocösä. Chä'o, ttörö hue'inörö pä̧huä̧ rö̧jö̧tä̧ jȩcha̧ pä'ösä.

San Juan 6:38

Ttötä chamönä pä̧huä̧ rö̧jö̧tä̧ jȩcha̧ pä'ö ichocö pi̧nö̧sä̧ mo̧ro̧jä̧ra̧'a̧ttö̧. Ttörö hue'inörö pä̧huä̧ rö̧jö̧tä̧ jȩcha̧ pä'ö ichinösä.

San Juan 8:24

Ja̧'hua̧nö̧ ja̧'a̧ttö̧ ucutu suronä jȩcu̧'ä̧tu̧cua̧'a̧ttö̧, hua'ö cuicuäcuotöjä pä'äjisä. Ttötä chamönä ucuocuäcuäu jidähuäjimä, cuesetätucu juiyöttömä, suronä jȩcu̧'ä̧tu̧cua̧'a̧ttö̧, hua'ö cuicuäcuotöjä.

San Juan 8:27

Jahuätömä Jä'orö ucuocua'a jerupö, ä̧ju̧cuo̧co̧tö̧ pi̧nä̧tö̧do.

San Juan 8:58

Jesús jahuätörö ädätö pä'inödo: —Iso päi'önä pä'ösä ucuturu, Abraham ö̧jä̧cua̧'a̧ ä'canä, ki̧nö̧sä̧ ttömä.

Hechos 2:41

Ja̧'hua̧nö̧ ja̧'a̧ Pedro jiäumä esetö, bautizado pä'i'inätödo recuätö ttö̧ja̧, tres mil jo̧mȩnä̧, korotö Jesucristorö esetätöcu ttö̧ja̧cua̧ pä'ö.

Hechos 4:4

Ja̧'hua̧nö̧ ja̧'a̧nä̧'i̧nä̧ recuätö ä̧ju̧cuä̧tö̧mä̧ Pedrocu, Juancu jittähua'a esetinätödo. Jesucristorö esetinätöcu, ja̧'hua̧ta̧nö̧ korotö Jesucristorö jareönä esetätöcu ji̧nä̧ yo̧mȩtȩ pätti'omenä, cinco mil jo̧mȩnä̧ u̧mä̧tö̧ tö'cöhuächi'önä pä'i'inätödo.

Romanos 1:4

Ja̧'hua̧nö̧ ja̧'a̧nä̧ Dios I̧tti̧ jö̧nä̧ Espíritu Santo ujurunä i̧jȩcui̧nä̧cu̧do, Dios ja̧u̧ru̧ ttoädomenä.