San Juan 8:26 - TÄ̧DO Ä̧CUÄ̧ I̧HUȨNȨ

²⁶ Ucuturu rö̧ȩnä̧ ji'äu pädö'a̧nö̧ ja̧'a̧. Ja̧'hua̧nö̧ ja̧'a̧nä̧ ttörö hue'inömä iso päi'önä pä'ö. Ja̧'hua̧ta̧nö̧ ucuturu, pi̧jä̧nä̧ ka̧cuä̧tö̧rö̧ pädömä, ja̧u̧tä̧ päa'a ä̧ju̧cu̧, pä'ösä.

Nuevo Testamento Uwotjüja

²⁶ Rü̧ȩnä̧ ja̧'a̧ ukuturu chukuokua pädümä̧ ja̧'wa̧ta̧nü̧ adiu jȩ'kuä̧tu̧ku̧ ja̧ pä'ü'i̧nä̧, surojü jȩ'kuä̧tu̧ku̧ ja̧ pä'ü'i̧nä̧, jü̧nä̧; ja̧'wa̧nü̧ ja̧'a̧nä̧ ttürü we'inü̧mä̧ jueü wȩnȩtä̧ wa̧ ja̧'a̧; ja̧'wa̧nü̧ ja̧'a̧ttü̧, jua̧u̧ttü̧ chä̧ju̧kui̧nü̧tä̧ pi̧jä̧ ttü̧ja̧rü̧mä̧ ukuokusä.

San Juan 8:26 Iomraidhean Croise

San Juan 15:15

“Ucutumä adicuä ttö̧ja̧jä̧” pä'ocösä. Ya̧tȩ adicuä i̧sa̧mä̧, u̧ru̧hua̧ jȩö̧mä̧ yoröiso jȩru̧pa̧. Chä'o o'ca juiyönä ttörö jiähuinömä ucuturu jidähuina'attö, “Ucutumä chahuaruhuäjä” pä'ösä.

San Juan 16:12

“Ucuturu rö̧ȩnä̧ jidähua pädomenä, ucutumä jitämä ä̧ju̧cuo̧co̧tö̧ pajatöjä.

San Juan 17:8

Iso päi'önä ucutä cui̧huȩnȩ ttö̧rö̧ huecuhuinö ta'anö, ji'ähuinösä jahuätörö. Ja̧'hua̧nö̧ jidähuomenä, adiu esetinätö. Iso päi'önä ucuttu chichina'a huo̧juä̧tö̧. Ja̧'hua̧ta̧nö̧ ucutä ttörö huecuhuinö esetätö.

San Juan 18:20

Jesús päinäcudo: —Ttömä o'ca toi'önä ttä'ca jo̧mȩttö̧ yecuäcuähuä juiyönä ucuocuinösä. 'Cuäopönä judíos ttu̧huo̧jui̧'i̧nodehuiyänä'inä, Diosrö ucuocuäcuähuodenä'inä judíos ttö̧ja̧ ttö̧ca̧ca̧cuä̧ro̧mȩ huo̧juȩti̧nö̧sä̧. Ja̧'hua̧nö̧ ja̧'a̧ttö̧ yä̧huä̧i̧nä̧ ucuocuocö pi̧nö̧sä̧.

San Juan 3:11

Iso päi'önä pä'ösä ucuru, ujutu tu̧huo̧jua̧'a̧ttö̧ ucuocuätöjä. Ujutu totinötä ji'ähuätöjä. Ja̧'hua̧nö̧ ja̧'a̧nä̧ ujutu jitähuomenä, esetocotöjä ucutumä.

San Juan 7:16

Jesús jahuätörö ädätö pä'inödo: —Ttö chu̧huo̧juȩtö̧mä̧, ttötä chamönä jähuämäcö̧. Ttörö hueinötä huo̧juȩtö̧sä̧.

San Juan 7:28

Jesús, Diosrö ucuocuäcuähuodenä u̧huo̧juȩto̧mȩnä̧, ja̧'hua̧nö̧ ttucuocua'a ä̧ju̧cu̧, pä̧i̧cu̧nä̧ pä'inödo: —Ttörö huo̧juä̧tö̧jä̧. Ttö chichinome huo̧juä̧tö̧jä̧, pä'ätöjä. Ttörö chamönä pä̧huä̧ rö̧jo̧mȩnä̧tä̧, ichocö pi̧nö̧sä̧. Ya̧tȩ iso päi'önä kö̧mä̧ hueäcu ichinösä. Ja̧u̧ru̧ yoröiso jerupätöjä ucutumä.

San Juan 8:25

Ja̧'hua̧ ja̧'a̧ttö̧ ja̧u̧ru̧ pä'inätödo: —Ucumä, ¿di cu'ättö? Jesús jahuätörö ädätinödo: —Ucuturu äcuomenä ucuocu ji'ähuinösä.

San Juan 8:27

Jahuätömä Jä'orö ucuocua'a jerupö, ä̧ju̧cuo̧co̧tö̧ pi̧nä̧tö̧do.

San Juan 8:40

Ja̧'hua̧ ja̧'a̧nä̧, iso päi'önä huȩnȩ, Dios ttörö u̧huo̧juȩti̧nö̧ huȩnȩ, ucuturu jidähuomenä, ttörö cuä'ö cuicuätucua pä'ätöjä. Abrahammä, ja̧'hua̧nö̧mä̧ yoröiso jȩpo̧cö̧ pi̧nö̧do.

2 Corintios 1:18

Diosmä ujuturu huo̧jua̧. Ja̧'hua̧nö̧mä̧ todärenä pä'ocotöjä ucuturu.