San Juan 8:11 - TÄ̧DO Ä̧CUÄ̧ I̧HUȨNȨ

¹¹ Jahuäju pä'inäjudo: —Tta̧'a̧huä̧jä̧, Chu̧ru̧hua̧. Tä̧bo̧to̧co̧tö̧ päjätö. Ja̧'hua̧ ja̧'a̧ Jesús pä'inödo: —Ttö'inä ucuru tä̧bo̧to̧cö̧sä̧. Jitätä täi. Pä'äji ta'anö suronämä jȩcu̧'ä̧', —pä'inödo.

Nuevo Testamento Uwotjüja

¹¹ Kkädätinä̧ku̧: —Ya̧tȩ'i̧nä̧ jȩpo̧kü̧ päjí, Chu̧ru̧wa̧. Jesú päinä̧kua̧: —Ttü'i̧nä̧ kuä'ü ttikua pä'ümä̧ pädokokuajä̧; täkü täi, pä'äjita'anü̧mä̧, surojümä̧ jȩ'kuä̧.]

San Juan 8:11 Iomraidhean Croise

San Lucas 13:3

Ttö pädömä juhua'acumä jo̧ca̧'a̧ ji̧na̧'a̧. Ja̧'hua̧ta̧nö̧ ucutu pärocuäcutä cuamöcuädätucu juiyöttömä, ucutu o'ca toi'önä ja̧'hua̧ta̧nö̧ tocuhue'äcuotöjä.

San Lucas 13:5

Ttö pädömä juhua'acumä jo̧ca̧'a̧ ji̧na̧'a̧. Ja̧'hua̧ta̧nö̧ ucutu pärocuäcutä cuamöcuädätucu juiyöttömä, ucutu o'ca toi'önä ja̧'hua̧ta̧nö̧ tocuhue'äcuotöjä.

San Lucas 15:10

Ttö pä'ösä ucuturu, ja̧'hua̧ta̧nö̧ Dios isotö ángelesmä esehuätö, ya̧tȩ suronä jȩpö̧mä̧ pärocuäcutä amöcuädomenä, —pä'inödo Jesús.

San Lucas 15:32

Ja̧'hua̧nö̧ ja̧'a̧ttö̧ jitämä juiyo adihua'a cuä̧nö̧ tesehuomenämä. Cu̧jä̧hua̧ 'corupä'i'inö'ca̧, pä'äji ta'anö kö̧. Re'tehuinö'ca̧, pä'äji ta'anö tö̧'o̧cui̧'ä̧cu̧,” pä'inödo ja̧u̧ jä'omä, —pä'ö huo̧juȩti̧nö̧do Jesús.

San Lucas 15:7

Ttö pä'ösä ucuturu, ya̧tȩ suronä jȩpö̧mä̧ pärocuäcutä amöcuädomenä, korotö noventa y nueve jo̧mȩnä̧ ttö̧ja̧ adiu jȩpä̧tö̧ pärocuäcutä ttamöcuädoca'attö'inä abonänö eseäcuähuä ka̧'a̧ mo̧ro̧jä̧ra̧'a̧ttö̧.

San Lucas 5:32

Ttömä adiu jȩpä̧tö̧rö̧ huopö ichocö pi̧nö̧sä̧. Suronä jȩpä̧tö̧rö̧tä̧ huopö ichinösä pärocuäcutä ttamöcuäda pä'ö, —pä'inödo Jesús.

San Lucas 9:56

Ubo I̧tti̧mä̧ ttö̧ja̧rö̧ be'epäjipö icumä ichocö pi̧nö̧. Ttö̧ja̧rö̧ repe'ö suronä jȩttö̧ jȩpö̧ icua pä'ö ichinö. Ja̧'hua̧nö̧ ja̧'a̧ koro ötahuiyära̧'a̧ 'chi̧nä̧tö̧do.

San Juan 18:36

Ja̧u̧nu̧ o'ca'a Jesús ädätinödo Pilatorö: —Ttö huedömä pi̧jä̧nä̧mä̧cö̧. Ja̧'hua̧nö̧ jö̧ttö̧mä̧ ttö chumöhuäyotö rohuähuajatö, judíos ttö̧ja̧ ttörö ttȩpö̧ juiya pä'ö. Ja̧'hua̧nö̧ ja̧'a̧nä̧ ttö huedömä pȩnȩmä̧cö̧.

San Juan 3:17

Dios I̧tti̧rö̧ pi̧jä̧ra̧'a̧ hue'ocö pi̧nö̧do ö̧tä̧bo̧ta̧ pä'ö. Pi̧jä̧ ttö̧ja̧ suronä jȩttö̧ jȩpö̧ icua pä'ö hue'inödo.

San Juan 5:14

Ja̧u̧nu̧ o'ca'a, Jesús ja̧u̧ uborö Diosrö ucuocuäcuähuodenä topinödo. Ja̧u̧ru̧ pä'inödo: —Ä̧ju̧cui̧. Täcö na̧cu̧huä̧chä̧ji̧ttö̧ cu̧'i̧pä̧ji̧ o'ca'a, pä'äji ta'anö suronämä jȩcu̧'ä̧', pä'äji na̧cu̧huä̧chi̧nö̧ttö̧'i̧nä̧ abonänö rö̧ȩnä̧ na̧cu̧huä̧cha̧'a̧cu̧.

San Juan 8:15

Ücutumä pi̧jä̧ jähuä amöcuädö, ttö̧ja̧rö̧ pä'ätöjä. Ttö yoröiso pä'ocösä.

Romanos 2:4

Dios ucuru ppädömä, ¿ji̧'qui̧cha̧nö̧'i̧nä̧ kö'cocöjä tä̧ji̧? Ja̧'hua̧ta̧nö̧ Dios ucuru ami 'qui'ächi'ö tta̧huä̧rö̧mä̧, ¿amöcuädocöjä tä̧ji̧? Dios ucuru repe'ö ja̧'hua̧nö̧ jȩpö̧ ucuru pärocuäcu cuamöcuäda pä'ö.

1 Corintios 5:12

Ttömä iso päi'önä pä'ocösä korotörö, Diosrö esetocotörö. Diosrö esetätörötä pä'ätöjä ucutumä.

2 Pedro 3:15

Pi̧yȩmä̧ cunichi'ätucuä'. Tu̧ru̧hua̧ ujuturu ami 'qui'ächi'ö tomenä, ujutu suronä jȩtö̧ jȩpö̧ icua pä'ö tta̧'ä̧rö̧. Ja̧'hua̧ta̧nö̧ tö̧jä̧hua̧ Pablo, Dios huo̧juȩcuä̧nä̧ huȩyu̧ti̧nö̧do ucuturu.