San Juan 7:35 - TÄ̧DO Ä̧CUÄ̧ I̧HUȨNȨ

³⁵ Ja̧'hua̧nö̧ päomenä, judíos ttö̧ja̧ jitötä ttamönä jä'epäcuähuinätödo: —Ujutu tö̧'o̧cui̧'o̧co̧mȩ, ¿to i̧'chä̧cua̧'a̧jä̧ttö̧ pidemä? ¿Korotö judíos ttö̧ja̧, griegos ttö̧ja̧ ttö̧'quȩtȩnä̧ ka̧cuä̧tö̧ ttö̧ja̧cuo̧mȩ i̧'chä̧cua̧'a̧ tä̧ji̧, griegos ttö̧ja̧rö̧ u̧huo̧juȩta̧ pä'ö?

Nuevo Testamento Uwotjüja

³⁵ Ja̧'wa̧nü̧ pä̧i̧yä̧u̧, judío-mä̧ pä'ä'chäkuäwinä̧tü̧: —¿Tȩnȩ́ i̧'chä̧kua̧'a̧jä̧ttü̧, pidemä̧, ujutu tü̧'o̧kui̧'ü̧ juiyünä̧ jo̧mȩmä̧? ¿Judío, kko̧ro̧jä̧ra̧'a̧ grecia ttü̧ja̧ku̧ wiwawächinä̧tü̧rü̧ ja̧'wa̧ta̧nü̧ griego-rü'i̧nä̧ ji'äu i̧'cha̧ pä'ü, pä'ü 'kua̧ra̧'a̧?

San Juan 7:35 Iomraidhean Croise

San Mateo 12:21

O'ca toi'önä ttö̧ja̧ ja̧u̧ru̧tä̧ eseunu tta̧ttä̧rä̧cuo̧tö̧, pä'ö huȩyu̧ti̧nö̧do.

San Lucas 2:32

Ja̧u̧tä̧ tȩa̧u̧mä̧, Israel huocotörö tȩa̧huä̧cuȩmä̧, cumöhuäyotö Israel ttö̧ja̧rö̧ ttucuota pä'ö, pä'inödo Simeón.

San Juan 12:20

Fiesta jȩtta̧ pä'ö Jerusalén ötahuiyära̧'a̧ 'chi̧nä̧tö̧ ttö̧'quȩtȩnä̧, korotömä, judíos huocotö 'chi̧nä̧tö̧do.

San Juan 7:1

Ja̧'hua̧nö̧ u̧huo̧juȩti̧nö̧ o'ca'a, Jesús Galilea rȩjȩnä̧ cue'ächinödo. Judea rȩjȩttö̧ judíos ttö̧ja̧ ja̧u̧ru̧ cuä'ö tticua pä'inätödo. Ja̧'hua̧nö̧ ja̧'a̧ttö̧ juhua'a ö̧ja̧ pä'ocö pi̧nö̧do.

San Juan 8:22

Ja̧'hua̧nö̧ ja̧'a̧ judíos ttö̧ja̧ pä'inätödo: —¿Chutä amönä cuä'äu i̧cuä̧cua̧ tä̧ji̧? ¿Ja̧'hua̧nö̧ jȩpö̧, i̧'chä̧cua̧'a̧ 'cho̧co̧tö̧jä̧ pä'ö tä̧ji̧?

Hechos 11:18

Jesucristorö esetätömä, Jerusalén ötahuiyänä ka̧cuä̧tö̧mä̧, Pedro päa'a ttä̧ju̧cuo̧mȩnä̧, juhua'a yabonö pä'ocotö pi̧nä̧tö̧do. Eseunu ucuocuinätödo Diosrö. Pä'inätödo: —Diosmä judíos huocotörö'inä iyö pärocuäcutä ttamöcuäda pä'ö, kä̧cuä̧huä̧ i'co ttu̧ju̧nä̧ra̧ pä'ö.

Hechos 11:20

Ja̧'hua̧nö̧ ja̧'a̧nä̧ Jesucristorö esetätömä Chipre kä'co i̧sä̧sa̧ ttö̧ja̧'i̧nä̧, Cirene ötahuiyä ttö̧ja̧'i̧nä̧ Antioquía ötahuiyära̧'a̧ 'chä̧hui̧'i̧nä̧tö̧do. Jahuätö adihuä huȩnȩ, Tu̧ru̧hua̧ Jesucristo i̧huȩnȩ, judíos huocotörö'inä ji'ähuinätödo.

Hechos 14:1

Iconio ötahuiyänä kä̧nö̧, Pablocu, Bernabécu ji̧nä̧ yo̧mȩtȩ do'ächinätödo judíos ttu̧huo̧jui̧'i̧nodera̧'a̧. Jittähuomenä recuätö Jesucristorö esetinätödo, judíos ttö̧ja̧'i̧nä̧, judíos huocotö'inä.

Hechos 17:4

Yotöte judíos ttö̧ja̧ttö̧ Pablo jiähuäjimä esetinätödo. Pablocu, Silascu ji̧nä̧ yo̧mȩtȩ ca̧ca̧cui̧pi̧nä̧tö̧do. Recuätö judíos huocotö Diosrö amöcuädätö'inä, nä̧tö̧ ucuotäcuähuotö'inä Jesucristorö esetinätödo.

Hechos 18:4

O'ca juiyönä ttö̧ja̧ 'cuättächi'ö mo̧ro̧ Pablo judíos ttu̧huo̧jui̧'i̧nodettö Dios i̧huȩnȩ rä'epö ucuocuinödo, judíos ttö̧ja̧'i̧nä̧, judíos huocotö'inä Jesucristorö tteseta pä'ö.

Hechos 21:21

Korotö jahuätörö ja̧'hua̧nö̧ ji'ähuinätödo: “Pablo judíos ttö̧ja̧rö̧, judíos huocotö ttö̧'quȩtȩnä̧ ka̧cuä̧tö̧rö̧, ji'äu: Moisés hueinö ta'anö jȩcu̧'ä̧tu̧cuä̧'. Cui̧tti̧mö̧rö̧ circuncisión jȩcu̧'ä̧tu̧cuä̧'. Judíos ttö̧ja̧ jȩti̧nö̧mä̧ jȩcu̧'ä̧tu̧cuä̧'”, —pä'inätödo ancianos huotö Pablorö.

Hechos 22:21

Ja̧'hua̧nö̧ ja̧'a̧ Chu̧ru̧hua̧ ttörö pä'inö: “Täi. Ucuru oto huȩdä̧cua̧sä̧ judíos huocotörö jicuhuähua”, päinäcusä Chu̧ru̧hua̧ —ji'ähuinödo Pablo.

Romanos 1:16

Ttömä dä'äcuocösä adihuä huȩnȩmä̧. Ja̧u̧ huȩnȩ esetätörö suronä jȩttö̧ jȩpö̧ icu Dios, äcuomenä judíos ttö̧ja̧rö̧'i̧nä̧, ja̧'hua̧ta̧nö̧ judíos huocotörö'inä.

Efesios 3:8

Ttömä o'ca toi'önä Dios i̧tti̧mö̧ttö̧'i̧nä̧ abonänö usurä i̧sa̧sä̧. Ja̧'hua̧nö̧ ja̧'a̧nä̧ Dios ttörö repea'attö, Cristonä adihuä juäi ka̧cu̧ huȩnȩ jidähua pä'ö hueinäcusä judíos huocotörö.

Colosenses 1:27

Dios judíos huocotörö ja̧u̧ ttieru huȩnȩ, adiu eseäcuähuä huȩnȩ, jiähua pä'inö. Pa̧'a̧nö̧ päa'a ja̧u̧ huȩnȩ: “Cristomä cuami iso'quinä kö̧. Ja̧u̧ru̧ tta̧'ä̧rö̧ ja̧u̧tä̧cu̧ cuesehuäcuähuäcuotöjä pä'ö.”

1 Timoteo 2:7

Ja̧u̧ huȩnȩ jiäcuähuä i̧sa̧ päi'önä huȩ'ä̧hua̧sä̧. Diosrö esetäcuähuä huȩnȩ'i̧nä̧, iso päi'önä huȩnȩ'i̧nä̧ chu̧huo̧juȩta̧ pä'ö judíos huocotörö huȩ'ä̧hua̧sä̧. Cristorö cheseta'attö, iso päi'önä ji'äusä. Yapareumä ji'ähuocösä.

2 Timoteo 1:11

Dios hue'inö ttörö pi̧yȩ huȩnȩ jidähua pä'ö. Ja̧'hua̧ta̧nö̧ huȩ'ä̧hua̧sä̧ judíos huocotörö chu̧huo̧juȩta̧ pä'ö.

Santiago 1:1

Ttömä Santiagosä. Dios'inä, Tu̧ru̧hua̧ Jesucristo'inä hueö jȩpö̧sä̧. Israel ttö̧ja̧ttö̧ dö'ecuächinätö'cotö pi̧jä̧ pa̧ja̧cu̧nä̧ ka̧cuä̧tö̧rö̧, te'äusä.

1 Pedro 1:1

Ttötäsä Pedro, Jesucristo huȩ'ä̧hua̧sä̧. Ponto rȩjȩnä̧'i̧nä̧, Galacia rȩjȩnä̧'i̧nä̧, Capadocia rȩjȩnä̧'i̧nä̧, Asia rȩjȩnä̧'i̧nä̧, Bitinia rȩjȩnä̧'i̧nä̧ ka̧cuä̧tö̧rö̧, jitötä tti̧rȩjä̧ttö̧ dö'ecuächinätörö, huȩyu̧tu̧ hue'ösä pi̧yȩ cuyäru.