San Juan 7:10 - TÄ̧DO Ä̧CUÄ̧ I̧HUȨNȨ

¹⁰ Ja̧'hua̧nö̧ ja̧'a̧nä̧ chutä ö̧jä̧hua̧tö̧ tti̧'chi̧nö̧ o'ca'a, Jesús'inä yä̧huä̧i̧nä̧ tti̧'cha̧'a̧ jä̧'i̧nö̧'a̧nö̧ 'chi̧nö̧do.

Nuevo Testamento Uwotjüja

¹⁰ Ja̧'wa̧nü̧ ja̧'a̧nä̧, Jesú-mä̧, ü̧jä̧wa̧tü̧ tti̧'chä̧ji̧ o'ka'a, ttü̧ja̧ ttu̧wo̧jui̧pü̧ juiyünä̧tä̧, yä̧wä̧i̧nä̧ 'chi̧nü̧ pä'kärira̧'a̧.

San Juan 7:10 Iomraidhean Croise

San Mateo 10:16

Juhua'a yabonö pä'inödo Jesús: —Ä̧ju̧cuä̧tu̧cui̧, o̧vȩja̧stö̧, yä̧hui̧tö̧ ttö̧'quȩtȩ tti̧'cha̧'a̧ jä̧'i̧nö̧'a̧nö̧ hue'ösä ucuturu. Ä̧ca̧tö̧ baraunä yö̧'ä̧tö̧ ttu̧'ȩpä̧rö̧ ttö̧'a̧'a̧ jä̧'i̧nö̧'a̧nö̧ cu̧ja̧cuä̧tu̧cua̧'a̧nä̧, u̧nu̧cu̧tu̧ yoröiso baraunä jȩpo̧co̧tö̧ ttö̧jö̧'a̧nö̧ adiunä ka̧cuä̧tu̧cui̧, korotörö suronä jȩcu̧'ä̧tu̧cuo̧ca̧'a̧.

San Mateo 12:46

Jesús ji̧nä̧ ttö̧ja̧rö̧ ucuocuomenä, ja̧ju̧'i̧nä̧, ö̧jä̧hua̧tö̧'i̧nä̧ ichi'inätödo. Jahuätömä u̧mi̧nä̧ kä̧nö̧, Jesúsru ttucuocua pä'inätödo.

San Mateo 3:15

Ja̧'hua̧nö̧ ja̧'a̧ttö̧ Jesús ädätinödo: —Jitämä huäinä jä̧cua̧'a̧. Pa̧'a̧nö̧ jȩta̧ja̧, o'ca juiyönä Dios päinömä 'cuäopäcua'a̧nö̧. Ja̧'hua̧nö̧ päiyäcu Juan bautizando jȩpi̧nö̧do Jesúsru.

San Marcos 3:21

Ttö̧ja̧ “Ja̧u̧mä̧ suripächöto” pätta'a ä̧ju̧cu̧, Jesús ahuaruhuä isotö otticharö pä'ö ichinätödo.

San Juan 11:54

Ja̧'hua̧nö̧ ja̧'a̧ttö̧ ja̧u̧nu̧ o'ca'a o'ca toi'önä ttu̧huo̧juo̧mȩcu̧ Jesús cue'ächocö pi̧nö̧do judíos ttö̧ja̧ ttö̧'quȩtȩnä̧. Judea rȩjȩttö̧ rä'opö, Efraín ötahuiyära̧'a̧, de'a tö'cönänö ji̧no̧mȩ 'chi̧nö̧do. Juhua'atä u̧huo̧juȩtä̧u̧cu̧ ki̧nö̧do.

San Juan 7:3

Jesús ö̧jä̧hua̧tö̧ Jesúsru pä'inätödo: —Pȩnȩmä̧ cu̧jä̧'. Judea rȩjȩra̧'a̧ täi, ucuru esetätö ju̧huȩnȩ ka̧cuä̧tö̧'i̧nä̧, o'ca juiyönä jȩcu̧'u̧ totta pä'ö.

San Juan 7:5

Jahuätö ö̧jä̧hua̧tö̧ Jesúsru ttesetoca'attö, ja̧'hua̧nö̧ pä'inätödo.

San Juan 7:9

Ja̧'hua̧nö̧ päji o'ca'a, Galilea rȩjȩnä̧ ki̧'i̧nö̧do.

Gálatas 4:4

Ja̧'hua̧nö̧ ja̧'a̧nä̧ churutä pä̧huä̧ rö̧jo̧mȩnä̧ Dios I̧tti̧rö̧ hue'inö, yajute isajuttu uhuäpächa pä'ö. Ja̧u̧ judíos i̧sa̧ ta'anö hueähuä huȩnȩ jȩtto̧mȩ uhuäpächinö.