San Juan 6:33 - TÄ̧DO Ä̧CUÄ̧ I̧HUȨNȨ

³³ I̧ri̧si̧mä̧, Dios iyömä, mo̧ro̧jä̧ra̧'a̧ttö̧ mȩyȩhui̧nö̧do. Ja̧u̧mä̧ pi̧jä̧ ttö̧ja̧rö̧ kä̧cuä̧huä̧ iyö.

Nuevo Testamento Uwotjüja

³³ Isopäi'ünä̧ kuäkuäwä Dio iyümä̧, mo̧ro̧jä̧ra̧'a̧ttü̧ mȩyȩwi̧nü̧tä̧ ja̧'a̧ ja̧'wa̧ta̧nü̧ jua̧u̧tä̧ ja̧'a̧ pi̧jä̧ ttü̧ja̧ tta̧'kua̧rü̧ iyümä̧.

San Juan 6:33 Iomraidhean Croise

San Juan 13:3

Chutä Jesús, Dios ö̧jo̧mȩttö̧ ichina'a pä'ö huo̧jui̧nö̧do. Ja̧'hua̧ta̧nö̧ Dios ö̧ja̧'a̧cu̧ ppa̧huä̧chä̧cua̧ huo̧jui̧nö̧do. Ja̧'hua̧ta̧nö̧ Dios o'ca juiyönä ujuru iyinäcu huo̧jui̧nö̧do Jesús.

San Juan 16:28

Ttömä Chä'ottö rä'opö, pi̧jä̧ra̧'a̧ ichinösä. Jitämä pi̧jä̧ jaropi'ö, pä'äji ta'anö Chä'o ö̧ja̧'a̧ chi̧'chä̧cua̧sä̧, —pä'inödo Jesús.

San Juan 17:8

Iso päi'önä ucutä cui̧huȩnȩ ttö̧rö̧ huecuhuinö ta'anö, ji'ähuinösä jahuätörö. Ja̧'hua̧nö̧ jidähuomenä, adiu esetinätö. Iso päi'önä ucuttu chichina'a huo̧juä̧tö̧. Ja̧'hua̧ta̧nö̧ ucutä ttörö huecuhuinö esetätö.

San Juan 3:13

“Mo̧ro̧jä̧ra̧'a̧ yoröiso cä'ecuächocotö pi̧nä̧tö̧do. Ya̧tȩä̧tä̧, mo̧ro̧jä̧ra̧'a̧ttö̧ mȩyȩhui̧nö̧tä̧, cä'ecuächinödo. Ja̧u̧tä̧ Ubo I̧tti̧tä̧, mo̧ro̧jä̧ra̧'a̧ kö̧tä̧, ja̧'hua̧nö̧ cä'ecuächinödo.

San Juan 6:32

Jesús jahuätörö ädätö pä'inödo: —Iso päi'önä pä'ösä ucuturu, Moisésmä ja̧u̧ juäi i̧ri̧si̧ mo̧ro̧jä̧ra̧'a̧ttö̧ iyocö pi̧nö̧do. Chä'otä iso päi'önä i̧ri̧si̧ mo̧ro̧jä̧ra̧'a̧ttö̧ iyö ucuturu.

San Juan 6:38

Ttötä chamönä pä̧huä̧ rö̧jö̧tä̧ jȩcha̧ pä'ö ichocö pi̧nö̧sä̧ mo̧ro̧jä̧ra̧'a̧ttö̧. Ttörö hue'inörö pä̧huä̧ rö̧jö̧tä̧ jȩcha̧ pä'ö ichinösä.

San Juan 6:41

Jesús, “Ttötäsä i̧ri̧si̧ mo̧ro̧jä̧ra̧'a̧ttö̧ mȩyȩhui̧nö̧mä̧” päomenä, judíos ttö̧ja̧ suronä ttucuocuinäcudo.

San Juan 6:48

Ttötä i̧ri̧si̧mä̧, kä̧cuä̧huä̧ i'co iyömä.

San Juan 6:50

Ja̧'hua̧nö̧ ja̧'a̧nä̧ koro i̧ri̧si̧ mo̧ro̧jä̧ra̧'a̧ttö̧ mȩyȩhui̧nö̧mä̧ pä'ösä ttö. Ja̧u̧ i̧ri̧si̧ttö̧ cumä, yoröiso hua'ocödo.

San Juan 6:58

Ttö i̧ri̧si̧ mo̧ro̧jä̧ra̧'a̧ttö̧ mȩyȩhui̧nö̧mä̧ pä'ösä. Ucutu cuä̧do̧tö̧ mi̧nä̧ de'anä kä̧nö̧, i̧ri̧si̧ ttucuinä̧si̧'a̧nö̧mä̧ pä'ocösä. Ja̧u̧ i̧ri̧si̧ttö̧ ttucuomenä, o'ca toi'önä hua'ö icuinätödo. Ttö pädäjittö cumä, 'cuäopönä ö̧jä̧cua̧, —pä'inödo Jesús.

San Juan 8:42

Ja̧'hua̧nö̧ pättomenä, Jesús päinä̧u̧do: —Iso päi'önä Dios i̧tti̧mö̧ cu'ätucuttumä, ttörö repe'ajatöjä. Ttömä Diosttö ichösä. Cuä'catucu jo̧mȩ kö̧sä̧. Ttötä chamönä amöcuädäu ichocö pi̧nö̧sä̧. Diostä hueinäcusä.

1 Timoteo 1:15

Pi̧yȩ huȩnȩ, adihuä huȩnȩ, o'ca toi'önä ttesetäcua'a̧nö̧. Cristo Jesús ichinödo pi̧jä̧ra̧'a̧ o'ca toi'önä suronä jȩpä̧tö̧rö̧ suronä jȩttö̧ jȩpö̧ icu. Iso päi'önä o'ca toi'önä suronä jȩpä̧tö̧ttö̧'i̧nä̧ abonänö suronä jȩpi̧nö̧sä̧ ttömä.