San Juan 5:34 - TÄ̧DO Ä̧CUÄ̧ I̧HUȨNȨ

³⁴ Ja̧'hua̧nö̧ ja̧'a̧nä̧ ya̧tȩ pi̧jä̧ ttö̧ja̧ i̧sa̧ ttörö adiu ucuocua pä'ö tta̧'ä̧ro̧cö̧sä̧. Pi̧yȩtä̧ pä'ösä ucuturu, cuesetätucua pä'ö.

Nuevo Testamento Uwotjüja

³⁴ Ja̧'wa̧nü̧ ja̧'a̧nä̧, ttümä̧ ttü̧ja̧ ttürü adiu pättümä̧ esewoküsä. Ja̧'wa̧nü̧ ja̧'a̧nä̧, pi̧yȩmä̧ pä'üsä ukutu surojü ra̧wä̧pi̧jü̧ttü̧ ku̧ji̧pä̧tu̧kua̧ pä'ü.

San Juan 5:34 Iomraidhean Croise

San Lucas 13:34

“Jerusalén ttö̧ja̧, Jerusalén ttö̧ja̧, ucutu cuä'ö icuinätöjä Dios i̧huȩnȩ jiäcuähuä isotörö, Dios ucuturu hueinä̧u̧ru̧. Ja̧'hua̧ta̧nö̧ ido'qui icu cuä'ö icuinätöjä chi̧huȩnȩ ji'ähuätörö, Dios ucuturu hueinä̧u̧ru̧. Äcärä isaju ki̧tti̧mö̧ kujuabä dȩa̧'a̧ tta̧jä̧rö̧'a̧nö̧, ucutu cui̧tti̧mö̧rö̧ ji̧nä̧ yo̧mȩtȩnä̧ ca̧ca̧tö̧ tta̧dä̧ra̧ pä'inösä recuo. Ja̧'hua̧nö̧ ja̧'a̧nä̧ yoröiso kö'cocotö pi̧nä̧tö̧jä̧.

San Lucas 19:10

Ubo I̧tti̧mä̧ suronä jȩpö̧ re'tehuächätörö usu ichinödo, suronä jȩttö̧ jȩpö̧ icuatö pä'ö.

San Lucas 24:47

Ja̧'hua̧ta̧nö̧ chutä i̧mi̧nä̧ o'ca toi'önä ttö̧ja̧rö̧ Jerusalén ötahuiyära̧'a̧ kä̧mä̧dö̧ jittähuäcua'a̧nö̧ pärocuäcutä ttamöcuädarö pä'ö, suronä jȩttö̧ jȩpö̧ icuatö pä'ö.

San Juan 20:31

Pi̧yȩ huȩyu̧cuä̧ ka̧'a̧ ucutumä iso päi'önä Jesúsmä Cristo ja̧'a̧ pä'ö cuesetätucua pä'ö. Ja̧'hua̧ta̧nö̧ Jesúsmä, Dios I̧tti̧ ja̧'a̧ pä'ö cuesetätucua pä'ö. Ja̧'hua̧ta̧nö̧ ja̧u̧ru̧tä̧ cuesetätucuttumä, kä̧cuä̧huä̧ i'co cu̧ju̧nä̧rä̧tu̧cua̧ pä'ö huȩyu̧cua̧'a̧ pi̧yȩ huȩnȩ.

San Juan 5:32

Ja̧'hua̧nö̧ ja̧'a̧nä̧ ka̧ra̧ kö̧, ttörö adiu ucuocumä. Ja̧u̧ ttörö ucuocuomenä, adiu micuähua'a huo̧jua̧sä̧.

San Juan 5:41

“Pi̧jä̧ ttö̧ja̧ ttörö adiunä ttucuocua pä'ö pä'ocösä.

San Juan 8:54

Jesús jahuätörö ädätinödo: —Ttörötä chamönä chucuotäcuäuttumä, yoröiso micuähuoca'a. Ja̧'hua̧nö̧ ja̧'a̧nä̧ ttö Chä'o ttörö ucuotö. Ucutu'inä pä'ätöjä: “Ja̧u̧mä̧ Tä̧do̧ ä̧cua̧ Dios.”

Romanos 10:1

Chö̧jä̧hua̧tö̧, ttö pä̧huä̧ rö̧jä̧cu̧sä̧ Israel ttö̧ja̧ Jesucristorö tteseta pä'ö. Ja̧'hua̧ta̧nö̧ Diosrö ucuocusä jahuätö suronä jȩttö̧ jȩpö̧ icuatö pä'ö.

Romanos 10:21

Ja̧'hua̧ta̧nö̧ Israel ttö̧ja̧rö̧ pä'inö Isaíasmä: “Mo̧ro̧ beipächönä o̧'i̧pä̧ri̧nö̧sä̧ ä̧ju̧cu̧ jui'ö jarode'ätörö.”

Romanos 12:21

Surojö cu̧ru̧hua̧ päi'önämä jȩcu̧'ä̧cuä̧huä̧'. Adihuä juäinä jȩpö̧, surojö jarodi'i.

Romanos 3:3

Yotöcunä eseti'ipö'cotö jarotti'öttömä, ¿Dios jaroi'ä̧cua̧ tä̧ji?

1 Corintios 9:22

Ja̧'hua̧ta̧nö̧ korotö ji̧'qui̧cha̧nö̧ tteseta'attö juiyupätöcu cuedächomenä, ya̧tȩ jui̧yu̧pa̧ ö̧ja̧'a̧ jä̧'i̧nö̧'a̧nö̧ ki̧nö̧sä̧, jahuätö'inä adiu ttesetäcua'a̧nö̧ Diosrö. Ja̧'hua̧nö̧ pä'ösä ttömä o'ca toi'önäcu kä̧nö̧, jahuätö ttö̧jö̧'a̧nö̧ ki̧nö̧sä̧, yotöte Diosrö ttesetäcua'a̧nö̧.

1 Timoteo 4:16

Ucuhuätä cuamönä cu̧ju̧'i̧nä̧, cu̧huo̧juȩtö̧'i̧nä̧ ttu̧'ȩpä̧rö̧nö̧ kä̧hui̧. O'ca juiyönä adiunätä jȩpi̧. Ja̧'hua̧nö̧ jȩcu̧'o̧mȩnä̧, ucu suronä jȩcu̧'u̧'i̧nä̧, ucu cu̧huo̧juȩto̧mȩnä̧ ä̧ju̧cuä̧tö̧ suronä jȩttö̧'i̧nä̧ jȩpö̧ i̧cuä̧cua̧ Dios.

1 Juan 5:9

Ttö̧ja̧ jittäumä ujutu ä̧ju̧cu̧ esetätöjä. Ja̧'hua̧nö̧ ja̧'a̧ Dios jiäumä ttö̧ja̧ jittäuttu'inä abonänö micuähua'a. Pi̧yȩ jiäumä Dios ji'ähuinö I̧tti̧rö̧ tteseta pä'ö.