San Juan 5:22 - TÄ̧DO Ä̧CUÄ̧ I̧HUȨNȨ

^22-23 Ja̧'hua̧ta̧nö̧ Jä'omä ttö̧ja̧rö̧: “Ucu adiu jȩpö̧jä̧”, “Ucu suronä jȩpö̧jä̧” pä'ocö. I̧tti̧rö̧tä̧ hue'inö ujurunä: “Ucu adiu jȩpö̧jä̧”, “Ucu suronä jȩpö̧jä̧” päa pä'ö, o'ca toi'önä Jä'o Diosrö ttucuotö'a̧nö̧, I̧tti̧rö̧'i̧nä̧ ttucuotäcua'a̧nö̧. Ya̧tȩ Dios I̧tti̧rö̧ ucuotocömä, Jä'orö'inä, I̧tti̧rö̧ hueinäcuru, ucuotocö.

Nuevo Testamento Uwotjüja

²² Ja̧'wa̧nü̧ ja̧'a̧ttü̧ Jä'omä̧ ya̧tȩ adiu jȩa̧ja̧ pä'ü'i̧nä̧, suronä̧ jȩa̧ja̧ pä'ü'i̧nä̧ pä'okü, jua̧u̧ päa pä'ümä̧ o'kajuiyünä̧ ujurumä̧ I̧tti̧rü̧tä̧ iyipinü̧.

San Juan 5:22 Iomraidhean Croise

San Mateo 11:27

“Chä'omä o'ca juiyönä iyinäcusä. Yoröiso ya̧tȩ'i̧nä̧ jȩru̧pa̧ Dios I̧tti̧rö̧mä̧. Chä'otä I̧tti̧rö̧ huo̧jua̧. Ja̧'hua̧ta̧nö̧ yoröiso jerupätö Chä'orömä. Ttötä I̧tti̧tä̧ huo̧jua̧sä̧. Ja̧'hua̧ta̧nö̧ chutä I̧tti̧rö̧ pä̧huä̧ rö̧jä̧u̧cu̧tä̧ ttu̧huo̧juä̧cu̧.

San Mateo 16:27

Ubo I̧tti̧mä̧ Jä'o esehua'attö, i̧chä̧cua̧ ángelescu o'ca toi'önä jȩtti̧nö̧ ji'äu. Adiu jȩpi̧nä̧tö̧rö̧'i̧nä̧ adiu pä̧cua̧. Suronä jȩpi̧nä̧tö̧rö̧'i̧nä̧ suronä pä̧cua̧.

San Mateo 28:18

Ja̧'hua̧ ja̧'a̧ Jesús jahuätörö ichi'ö pä'inödo: —Mo̧ro̧jä̧nä̧'i̧nä̧, pi̧jä̧nä̧'i̧nä̧ o'ca juiyönä chujuruhua pä'ö iyinäcusä Diosmä.

San Juan 17:2

Ucumä Cui̧tti̧rö̧ hue'inöjä pi̧jä̧ ttö̧ja̧ttö̧'i̧nä̧ abonänö ujuruhua pä'ö, kä̧cuä̧huä̧ i'co iyäcua'a̧nö̧ ja̧u̧ru̧ cuiyinä̧u̧ru̧.

San Juan 3:35

Chutä Jä'omä, I̧tti̧rö̧ repe'ödo. Ja̧'hua̧ta̧nö̧ o'ca juiyönä huea pä'ö hueinäcudo.

San Juan 5:27

Ja̧'hua̧ta̧nö̧ Ubo I̧tti̧ ja̧'a̧ttö̧, ja̧u̧ru̧ iyinö ujuru ttö̧ja̧rö̧: “Ucu adiu jȩpö̧jä̧”, “Ucu suronä jȩpö̧jä̧” huo̧ju̧nä̧ päa pä'ö.

San Juan 9:39

Ja̧u̧nu̧ o'ca'a Jesús pä'inödo: —Ttömä pi̧jä̧ra̧'a̧, adihuä juäi jȩcha̧ pä'ö ichinösä. Ä̧to̧cä̧tö̧ totta pä'ö ichinösä. Ja̧'hua̧ta̧nö̧ topätömä, ttä̧to̧cä̧cha̧ pä'ö ichinösä.

Hechos 10:42

Chutä Jesús ujuturu hue'inö ttö̧ja̧rö̧ jitähua pä'ö ja̧u̧ ttoächinö huȩnȩ. Ja̧'hua̧ta̧nö̧ hue'inö jitähua pä'ö: Diosmä Jesúsru pätetö hue'inö a̧dȩcuä̧tö̧rö̧'i̧nä̧, 'corupä'i'inätörö'inä tä̧bo̧cuä̧ ru̧hua̧ päi'önä ö̧ja̧ pä'ö.

Hechos 17:31

Ji̧yȩnö̧ mo̧ro̧ tä̧bo̧cuä̧ mo̧ro̧mä̧ chutä amöcuädinö. Ja̧u̧ mo̧ro̧ chutä pätetö hueinäcumä jueönä pä̧cua̧. Ka̧ra̧rö̧: “Ucumä adiu jȩpö̧jä̧”, ka̧ra̧rö̧: “Ucumä suronä jȩpö̧jä̧” pä̧cua̧. Iso päi'önä ja̧'hua̧nö̧ jȩä̧cua̧ ttu̧huo̧jua̧ pä'ö, ja̧u̧ hueinäcuru 'corupäi'äji o'ca'a tto'ädinö Diosmä, —pä'inödo Pablo.

Romanos 2:16

Adihuä huȩnȩ ttö jidäumä päa'a, ji̧yȩnö̧ mo̧ro̧, Dios Jesucristonä ttö̧ja̧ yä̧huä̧i̧nä̧ jȩttö̧ ro̧ȩpä̧cuȩ mo̧ro̧, ja̧'hua̧nö̧ 'cuäopäcua'a.

2 Corintios 5:10

O'ca toi'önä pi̧jä̧nä̧ ka̧cuä̧tö̧, Cristo ö̧'o̧mȩ ä'ca jo̧mȩ tö̧jä̧mä̧dä̧cuo̧tö̧jä̧, pi̧jä̧ jähuä tidepänä kä̧nö̧, tö̧ji̧nö̧ ta'anö tȩma̧ pä'ö, koro adiu'inä, koro suronä'inä jȩti̧nö̧ micuä päi'önä.

2 Timoteo 4:1

Dios ä'ca jo̧mȩttö̧'i̧nä̧, Tu̧ru̧hua̧ Jesucristo ä'ca jo̧mȩttö̧'i̧nä̧ pi̧yȩ huȩnȩ jicuhuähua pä'ö hue'ösä ucuru. Chutä Tu̧ru̧hua̧ Jesucristo ji̧nä̧ ka̧cuä̧tö̧rö̧'i̧nä̧, 'corupä'i'inätörö'inä: “Ucumä adiu jȩpi̧nö̧jä̧”, “Ucumä suronä jȩpi̧nö̧jä̧” päa pä'ö ru̧hua̧ päi'önä i̧chä̧cua̧.

1 Pedro 4:5

Yodoji Dios ttö̧ja̧rö̧ pojocuä mo̧ro̧ päi'omenä, ji̧nä̧ ka̧cuä̧tö̧rö̧'i̧nä̧, 'corupä'i'inätörö'inä “Ucumä adiu jȩpi̧nö̧jä̧”, “Ucumä suronä jȩpi̧nö̧jä̧” pä̧cua̧rö̧ jȩtti̧nö̧mä̧ jittähuäcuotö jahuätö'inä.