San Juan 4:9 - TÄ̧DO Ä̧CUÄ̧ I̧HUȨNȨ

⁹ Ja̧'hua̧nö̧ ja̧'a̧ttö̧ jahuäju Samaria ttö̧ja̧ isaju Jesúsru pä'inäjudo: —Ucumä judíos ttö̧ja̧ i̧sa̧mä̧, ¿tta̧'a̧nö̧ pä'ö jäcuhue'ättö ttörö, Samaria ttö̧ja̧ isajuru, ajiya chiyacu pä'ö? Ja̧u̧nu̧ pä̧nä̧mä̧, judíos ttö̧ja̧mä̧ yoröiso ucuocuocotö pi̧nä̧tö̧do Samaria ttö̧ja̧rö̧.

Nuevo Testamento Uwotjüja

⁹ Ja̧'wa̧nü̧ päkua, kkädätinä̧ku̧: —¿Tta̧'a̧nü̧ pä'ü, ukumä̧ judío i̧sa̧ kua'anä̧, ttü samaria isajurumä̧ ajiya kuawa pä'ü jäkuepäkuasättü̧? (Judío-mä̧, Samaria ttü̧ja̧ku̧mä̧ esekuokotü ja̧'a̧ ji̧na̧'a̧).

San Juan 4:9 Iomraidhean Croise

San Mateo 10:5

Jahuätörö, u̧huo̧juȩtä̧u̧ru̧ hue'inödo Jesús. Pa̧'a̧nö̧ pä'inödo: —Judíos huocotö ttö̧ja̧cuo̧mȩcu̧ cui̧'chä̧tu̧cuä̧'. Samaria ttö̧ja̧ ttidepiyunä'inä cui̧'chä̧tu̧cuä̧'.

San Lucas 10:33

Ja̧'hua̧nö̧ ja̧'a̧nä̧ ya̧tȩ Samaria rȩjȩ ttö̧ja̧ i̧sa̧ juhuämä̧nä̧tä̧ i̧u̧, ö̧'o̧mȩ 'chä̧hui̧'ö̧, re rö̧jö̧nä̧ toinäcudo.

San Juan 4:27

Ja̧'hua̧nö̧ päomenä, u̧huo̧juȩtä̧u̧ ichi'inätödo. Jesús isajuru ucuocua'a tottomenä, to̧pä̧rö̧ ka̧cui̧nä̧tö̧do. Ja̧'hua̧nö̧ ja̧'a̧nä̧ jahuätöttö ya̧tȩ'i̧nä̧ yoröiso jä'epocö pi̧nö̧do Jesúsru ucuocua'a isajuru.

San Juan 8:48

Ja̧u̧nu̧ o'ca'a judíos ttö̧ja̧ pä'inätödo Jesúsru: —Ucumä Samaria ttö̧ja̧ i̧sa̧jä̧. Ja̧'hua̧ta̧nö̧ “espíritu su̧ro̧pa̧rö̧ ku̧nä̧rö̧jä̧” pätomenä, adiu pä'ätöjä.

Hechos 1:8

Ji̧nä̧ isocu ttö chujuru cuȩmä̧cuo̧tö̧jä̧, Espíritu Santo ucuturu ichomenä. Ttö chujurunä ttö chi̧huȩnȩ jicuhuähuäcuotöjä Jerusalén ötahuiyä ttö̧ja̧rö̧'i̧nä̧, o'ca juiyönä Judea rȩjȩ ttö̧ja̧rö̧'i̧nä̧, Samaria rȩjȩ ttö̧ja̧rö̧'i̧nä̧, kara'a oto ka̧cuä̧tö̧rö̧'i̧nä̧, —pä'inödo Jesús.

Hechos 10:28

Jahuätörö pä'inödo Pedro: —Ucututä huo̧juä̧tö̧jä̧ hueähuä huȩnȩ judíos ttö̧ja̧rö̧ huea'a korotö ttö̧ja̧cu̧ cuettächö juiya pä'ö, ja̧'hua̧ta̧nö̧ korotö ttojusodenä dottächö juiya pä'ö. Ja̧'hua̧nö̧ ja̧'a̧nä̧ Dios ttörö ji'ähuäji ya̧tȩrö̧'i̧nä̧ “Ucumä su̧ro̧pa̧jä̧. I̧di̧cua̧jä̧”, pädö juiya pä'ö.

Hechos 10:32

Ja̧'hua̧nö̧ ja̧'a̧ttö̧ Jope ötahuiyära̧'a̧ hue'i u̧mä̧tö̧rö̧ Simón, koro i̧mi̧mä̧ Pedrorö, jittähuäja pä'ö. Ka̧ra̧ Simón, isotö tti̧jȩti̧yu̧ 'pa̧'ö̧ adicuä i̧sa̧ ojusodenä kö̧. Juhuode dubora rö̧ora jäyä huode. Ja̧u̧ ichomenä ucuru u̧cuo̧cuä̧cua̧.”