San Juan 4:46 - TÄ̧DO Ä̧CUÄ̧ I̧HUȨNȨ

⁴⁶ Ja̧u̧nu̧ Jesús ppa̧'ä̧chä̧chi̧nö̧do Caná ötahuiyära̧'a̧ Galilea rȩjȩttö̧. Juhuorö ajiyattö aditinödo vino isoya pä'äjimä. Capernaum ötahuiyänä, ya̧tȩ ru̧hua̧ ippeyä ru̧hua̧ ki̧nö̧do. Ja̧u̧ i̧tti̧ na̧'ä̧chi̧nö̧do.

Nuevo Testamento Uwotjüja

⁴⁶ Pä'äji jä̧ji̧ta̧'a̧nü̧, Jesú-mä̧ Caná ütawiyä, Galirea rȩjȩnä̧, ajiyattü vino isoya päi'ünä̧ ü'ärotinomȩ i̧'chi̧'o̧mȩnä̧. Ru̧wa̧ rey u̧mü̧wä̧ya̧, su̧ro̧do̧u̧ ttu̧ru̧wa̧, Cafarnaúm ütawiyättü i̧tti̧ na̧wä̧chi̧yä̧ku̧ ü̧ja̧'a̧ topinü̧.

San Juan 4:46 Iomraidhean Croise

San Mateo 15:22

Yajute isaju, cananea ttö̧ja̧ isaju, juhua'a ki̧nä̧ju̧do. Jahuäju Jesúsru ichi'ö huopinäjudo: —¡Chu̧ru̧hua̧, David I̧tti̧, ttörö re rö̧jö̧nä̧ topittö! Chittijumä espíritu su̧ro̧pa̧rö̧ ku̧nä̧rä̧ju̧. Rö̧ȩnä̧ ubara ttu'äju.

San Mateo 4:13

Juhua'attö Nazaret ötahuiyänä ko̧cö̧ pi̧nö̧do. Capernaum ötahuiyänä, Galilea dubora jäyora jo̧mȩ ki̧nö̧do. Capernaum ötahuiyä Zabulón pättome'inä, Neftalí pättome'inä tö'cönänö ji̧na̧'a̧do.

San Mateo 9:18

Jesús ja̧u̧ huȩnȩ u̧huo̧juȩto̧mȩnä̧, ya̧tȩ judíos ttö̧ja̧ ttu̧ru̧hua̧mä̧ ichi'ö, Jesús ä'ca jo̧mȩ ihue'quiyunä kä̧mä̧dö̧ pä'inödo: —Chittijumä jitä 'corujuo'ächäjäju. Ucutä chojusodera̧'a̧ ichö cu̧mö̧nä̧ mȩcu̧ttu̧mä̧, pä'äji ta'anö kö̧jä̧cua̧'a̧nö̧, —pä'inödo.

San Lucas 4:23

Jesús pä'inödo: —Ucutu iso päi'önä pä'ätöjä pi̧yȩ pähuä päö'a̧nö̧: “Jahuapö ru̧hua̧, ucutä jahuapö cuamönä adicui.” Ja̧'hua̧ta̧nö̧ pä̧cu̧huä̧tu̧cuä̧cua̧sä̧: “Tä̧ju̧cui̧nö̧'a̧nö̧ Capernaum ötahuiyättö jȩcu̧'i̧nö̧, cuamönä cuidepiyuttu'inä ja̧'hua̧ta̧nö̧ jȩpi̧.”

San Lucas 7:2

Ju̧huȩnȩtä̧ ki̧nö̧do ya̧tȩ romanos ttö̧ja̧ su̧ro̧da̧u̧ ttu̧ru̧hua̧. U̧mö̧huä̧ya̧rö̧ ku̧nä̧ri̧nö̧do juiyo öjö'cäcuru. Ja̧u̧ u̧mö̧huä̧ya̧ na̧'ä̧chi̧nö̧do juiyo, 'corupäi'ometä päi'önä.

San Lucas 8:42

Ittiju yajuterötä ku̧nä̧ri̧nö̧do ttö̧jä̧pö̧ttö̧nö̧ todäre a̧'ȩ huaju. Jahuäju 'corupäji'ometä ji̧na̧'a̧do. Ja̧'hua̧nö̧ ja̧'a̧, Jesús i̧'cho̧mȩnä̧, recuätö ttö̧ja̧ 'chi̧nä̧tö̧do Jesúscu. Ja̧'hua̧nö̧ tti̧'cho̧mȩnä̧, 'cottächi'önä 'chi̧nä̧tö̧do.

San Juan 2:12

Ja̧'hua̧nö̧ jȩi̧nö̧ o'ca'a, Capernaum ötahuiyära̧'a̧ 'chi̧nö̧do. Ja̧ju̧'i̧nä̧, ö̧jä̧hua̧tö̧'i̧nä̧, u̧huo̧juȩtä̧u̧'i̧nä̧, 'chi̧nä̧tö̧do. Ju̧huȩnȩ recuonänö ka̧cui̧nä̧tö̧do.

San Juan 21:2

Ju̧huȩnȩ ka̧cui̧nä̧tö̧do Simón Pedro'inä, Tomás, Ta̧ju̧hui̧nö̧ pättinäcumä'inä, Natanael, Caná ötahuiyä Galilea rȩjȩ i̧sa̧'i̧nä̧, Zebedeo i̧tti̧mö̧'i̧nä̧, korotö ta̧ju̧ Jesús u̧huo̧juȩtä̧u̧ttu̧'i̧nä̧ ka̧cui̧nä̧tö̧do.