San Juan 4:34 - TÄ̧DO Ä̧CUÄ̧ I̧HUȨNȨ

³⁴ Jesús jahuätörö pä'inödo: —Ttörö hue'inörö pä̧huä̧ rö̧jö̧tä̧ jȩcho̧mȩnä̧, ja̧u̧tä̧ ttö chu̧cuȩmä̧. Chutä aditähuä'inä cädädomenä, ja̧u̧tä̧ ttö chu̧cuȩmä̧.

Nuevo Testamento Uwotjüja

³⁴ Jesú-mä̧ päinä̧u̧: Ttü chu̧kuȩmä̧, Ttürü we'inü̧rü̧ pä̧wä̧rü̧jü̧ jȩä̧kuä̧wä̧ ja̧'a̧ ja̧'wa̧ta̧nü̧ aditäwä kädäda pä'ü.

San Juan 4:34 Iomraidhean Croise

San Mateo 26:39

Ja̧u̧nu̧ o'ca'a Jesús yabonänö 'chä̧nö̧, ö'ä rȩjȩcu̧ ja̧rȩyu̧nu̧ pä'i'ö Diosrö ucuocuinödo. Pä'inödo: —Ttö Chä'o, ucuru pä̧huä̧ rö̧jö̧ttö̧mä̧ pi̧yȩmä̧ ttö ubara ttudä̧cuȩmä̧ ubara ttudu juiya pä'ittö. Ja̧'hua̧ta̧nö̧ ja̧'a̧nä̧ ucuru pä̧huä̧ rö̧jö̧tä̧ jȩpi̧, ttörö pä̧huä̧ rö̧jö̧mä̧cö̧.

San Mateo 3:15

Ja̧'hua̧nö̧ ja̧'a̧ttö̧ Jesús ädätinödo: —Jitämä huäinä jä̧cua̧'a̧. Pa̧'a̧nö̧ jȩta̧ja̧, o'ca juiyönä Dios päinömä 'cuäopäcua'a̧nö̧. Ja̧'hua̧nö̧ päiyäcu Juan bautizando jȩpi̧nö̧do Jesúsru.

San Mateo 9:19

Jesús ä̧rä̧mi̧'ö̧ u̧huo̧juȩtä̧u̧cu̧ 'chi̧nö̧do ja̧u̧ ru̧hua̧cu̧.

San Lucas 15:10

Ttö pä'ösä ucuturu, ja̧'hua̧ta̧nö̧ Dios isotö ángelesmä esehuätö, ya̧tȩ suronä jȩpö̧mä̧ pärocuäcutä amöcuädomenä, —pä'inödo Jesús.

San Lucas 19:10

Ubo I̧tti̧mä̧ suronä jȩpö̧ re'tehuächätörö usu ichinödo, suronä jȩttö̧ jȩpö̧ icuatö pä'ö.

San Lucas 2:49

Ja̧'hua̧nö̧ ja̧'a̧ttö̧ Jesús ädätinödo: —¿Dä̧bö̧ cusäjätucuättö ttörö? Ttö Chä'o ojusodenä chö̧jö̧'a̧nö̧ ja̧'a̧ ¿jerupätöjä tä̧ji̧?

San Juan 17:4

“Pi̧jä̧nä̧ kä̧nö̧ ucurutä eseunu ucuocu jȩpä̧'i̧jö̧sä̧. Jȩcha̧ pä'ö huecuhuinömä cä'ädösä jitämä.

San Juan 19:28

Ja̧u̧nu̧ o'ca'a täcö o'ca juiyönä 'cuäopäja'a huo̧jui̧nö̧do Jesús. Ja̧'hua̧ ja̧'a̧ttö̧ Huȩyu̧cuä̧ Huȩnȩ 'cuäopa pä'ö Jesús pä'inödo: —Chahua a̧di̧ rö̧jä̧chi̧'ä̧cu̧sä̧.

San Juan 19:30

Jesús ja̧u̧ vino a̧'toya ahuäji'ca̧, pä'inödo: —Täcö o'ca juiyönä 'cuäopäja'a. Ja̧'hua̧nö̧ pä'ö, 'corupäi'omenä, rȩjȩcu̧ päi'önä topö 'corupä'i'inödo.

San Juan 4:32

Ja̧u̧mä̧ jahuätörö pä'inödo: —Ttömä cuieruhuätucu juäi ku̧nä̧rö̧sä̧ chu̧cuȩmä̧.

San Juan 5:30

Juhua'a yabonö pä'inödo Jesús: —Ttötä chamönä chamöcuädomenä, yoröiso jȩpo̧cö̧sä̧. Ttörö hueö'a̧nö̧ pä'ösä. Ja̧'hua̧ta̧nö̧ adiunätä pä'ösä. Ttörötä pä̧huä̧ rö̧jö̧tä̧ jȩcha̧ pä'ocösä. Chä'o, ttörö hue'inörö pä̧huä̧ rö̧jö̧tä̧ jȩcha̧ pä'ösä.

San Juan 5:36

Koro Juan jiähuinöttö'inä abonänö adihuä juäi ku̧nä̧rö̧sä̧, ttörö cuesetätucua pä'ö. O'ca juiyönä jȩchö̧mä̧, Chä'o hueinäcusä ja̧u̧ jȩcha̧ pä'ö. Ja̧u̧ juäi topö cu̧huo̧juä̧tu̧cuä̧cua̧'a̧nö̧ Chä'o hueinäcusä.

San Juan 6:33

I̧ri̧si̧mä̧, Dios iyömä, mo̧ro̧jä̧ra̧'a̧ttö̧ mȩyȩhui̧nö̧do. Ja̧u̧mä̧ pi̧jä̧ ttö̧ja̧rö̧ kä̧cuä̧huä̧ iyö.

San Juan 6:38

Ttötä chamönä pä̧huä̧ rö̧jö̧tä̧ jȩcha̧ pä'ö ichocö pi̧nö̧sä̧ mo̧ro̧jä̧ra̧'a̧ttö̧. Ttörö hue'inörö pä̧huä̧ rö̧jö̧tä̧ jȩcha̧ pä'ö ichinösä.

San Juan 8:29

Chutä, ttörö hue'inömä, ttöcu kö̧. Katä chö̧ja̧ pä'ö jaropi'ocö ttörö, 'cuäopönä churutä pä̧huä̧ rö̧jö̧tä̧ jȩcha̧'a̧ttö̧, —pä'inödo.

Hechos 20:35

Ucuturu huo̧juȩti̧nö̧sä̧ rö̧ȩnä̧ taditö'a̧nö̧ ja̧'a̧ usurä isotörö ppätäda pä'ö. Ja̧'hua̧ta̧nö̧ Tu̧ru̧hua̧ Jesús i̧huȩnȩ tamöcuädö'a̧nö̧ ja̧'a̧. Jesús pä'inö: “Ȩmä̧tö̧ttö̧'i̧nä̧ abonänö eseunu ka̧cuä̧tö̧ iyätömä”, —pä'inödo Pablo.

Hebreos 12:2

Jesús, ujutu tesetäcuru, ujuturu aditö icuru, adiunätä to̧tä̧rä̧tu̧cua̧ja̧. Jesús dau isodänä kä̧nö̧ 'corupäi'omenä, ja̧'hua̧nö̧ 'corupä'i'ö ödäpecua pä'ö amöcuädoca'a ubara ttu'inödo. Chutä huo̧jui̧nö̧do ja̧'hua̧nö̧ ubara ttudu o'ca'a chȩsȩhuä̧cua̧sä̧ pä'ö. Ja̧'hua̧ta̧nö̧ Dios ö̧'o̧mȩ u̧huo̧jua̧'a̧nä̧ pä̧mä̧di̧nö̧do.