San Juan 4:23 - TÄ̧DO Ä̧CUÄ̧ I̧HUȨNȨ

²³ Ja̧'hua̧nö̧ ja̧'a̧nä̧ yodoji mo̧ro̧ päi'omenä, jitä mo̧ro̧'i̧nä̧ Tä'o Diosrö iso päi'önä tta̧'cua̧ huȩnä̧rä̧tö̧mä̧, Espíritu Santonä iso päi'önä tta̧'cua̧ ttu̧huȩnä̧rä̧cuo̧tö̧. Dios ja̧'hua̧nö̧ jȩtta̧ pä'ö pä̧huä̧ rö̧jä̧cu̧, ja̧u̧ru̧ tta̧'cua̧ huȩnä̧rä̧tö̧mä̧.

Nuevo Testamento Uwotjüja

²³ Ja̧'wa̧nü̧ ja̧'a̧nä̧, ji̧yȩtä̧ mo̧ro̧mä̧ täkü rȩbȩä̧kuä̧wa̧'a̧, jua̧u̧ mo̧ro̧ jitä ja̧'a̧. Isopäi'ünä̧tä̧ eseäkuäwätü, Dio-rü tteseu mo̧ro̧mä̧; Jä'o Dio-rü Epíritu a̧'kua̧iweyenä̧, isopäi'ünä̧ jäwänä̧ ttiwe'kiyunä̧ kka̧kuä̧mü̧ tteseumä̧. Isopäi'ünä̧ Jä'omä̧ ja̧'wa̧nü̧tä̧ ttiwe'kiyunä̧ kka̧kuä̧mü̧ ttesewarü pä'ü pä̧wä̧rü̧jä̧ku̧.

San Juan 4:23 Iomraidhean Croise

San Juan 1:17

Moisésmä hueähuä huȩnȩ iyinödo ujuturu. Ja̧'hua̧nö̧ ja̧'a̧nä̧ Jesucristotä iso päi'önä huȩnȩ'i̧nä̧, tahuaruhuärö repeäcuähuä'inä iyinödo ujuturu.

San Juan 12:23

Ja̧'hua̧ ja̧'a̧ Jesús jahuätörö pä'inödo: —Ubo I̧tti̧ öadihuä totta pä'ö täcö päi'a'a.

San Juan 16:2

Judíos ttu̧huo̧jui̧'i̧nodettö i̧mi̧cu̧nä̧ 'quȩ'ȩpö̧ tticuäcuotö ucuturu. Koronö'inä ucuturu cuä'ö tticuomenä, Diosrö pä̧huä̧ rö̧jö̧ jȩpä̧tö̧jä̧ a̧'cua̧ra̧'a̧ pä'ö ttamöcuädäcuotö.

San Juan 16:32

Ucutu o'ca toi'önä döcuhuecuächätucuometä päi'äcua'a jitämä. Ttörö katä päi'önä jarocuhuipäcuotöjä. Ja̧'hua̧nö̧ jarocuhuipätucuomenä, katämä pä'i'ocösä, Chä'o ttöcu ö̧ja̧'a̧ttö̧.

San Juan 4:21

Jesús jahuäjuru ädätö pä'inödo: —Isaju, ttörö eseti. Yodoji mo̧ro̧ päi'omenä, ucutumä Diosrötä cua̧'cua̧ cu̧huȩnä̧rä̧cuo̧tö̧jä̧ Jerusalén ötahuiyära̧'a̧'i̧nä̧, pi'ca möä'cara̧'a̧'i̧nä̧ cui̧'chä̧tu̧cuo̧ca'a̧.

San Juan 5:25

Iso päi'önä pä'ösä ucuturu, 'corupä'i'inätömä Dios I̧tti̧ i̧huȩnȩ ttä̧ju̧cu̧nä̧ päi'äcua'a. Ttö ja̧u̧mä̧ jitä ja̧'a̧ pä'ösä. Ja̧u̧ru̧ adiu ä̧ju̧cuä̧tö̧mä̧ ttö̧ja̧cuä̧cuo̧tö̧.

San Juan 5:28

Ja̧'hua̧nö̧ jidähuomenä, to̧cu̧'ä̧rä̧tu̧cuä̧'. Yodoji mo̧ro̧ o'ca toi'önä 'corupä'i'inätö i̧huȩnȩ ttä̧ju̧cu̧ mo̧ro̧ päi'äcua'a.

Romanos 1:9

Ja̧'hua̧ta̧nö̧ Dios I̧tti̧ i̧huȩnȩ o'ca juiyönä cha̧'cua̧ eseunu jidähua'attö, Dios huo̧jua̧ ucuturu amöcuädö Diosrö chucuocumä.

Romanos 8:15

Ja̧u̧ Espíritu Santo, Dios ucuturu iyinäcumä, pä'äji ta'anö hueö jȩä̧cuä̧huä̧ isotö päi'önä yecuhuecuätucua pä'ö hue'ocö. Ja̧u̧mä̧ Dios i̧tti̧mö̧ päcuhui'ätucua pä'ö ppä'ädö. Ja̧u̧nä̧tä̧ Espíritu Santonä pä'ätöjä Diosrö: “¡Chä'o Dios!”

Romanos 8:26

Ja̧'hua̧ta̧nö̧ ujutu tijuiyuhuomenä, Espíritu Santo ujuturu ppä'ädö. Ujutu Diosrö ucuocuäcuähuänä jerupätöjä. Ja̧'hua̧nö̧ ja̧'a̧nä̧ Espíritu Santo ujuturu rö̧ȩnä̧ repe'önö, ajuäunu ucuocu Diosrö, ujuturu ppä'ädö.

Gálatas 4:6

Ja̧'hua̧nö̧ ja̧'a̧ttö̧ iso päi'önä chutä i̧tti̧mö̧ cu'ätucua'a cu̧huo̧juä̧tu̧cua̧ pä'ö, Espíritu Santorö iyinö cuami iso'quitucunä. Ja̧u̧ Espíritu Santo pä'ö: “¡Ttö Chä'o Dios!”

Efesios 6:18

Espíritu Santo u̧huo̧juȩta̧'a̧nä̧, 'cuäopönä Diosrö jä'epö ucuocuätucui, o'ca juiyönä iyätucuacu pä'ö jäcuhue'ätucumä. Cuamöcuädätucu jaroi'äcuähuä juiyönä, adiu a̧mö̧cuä̧rö̧nö̧ ka̧cuä̧tu̧cui̧. Ja̧'hua̧ta̧nö̧ o'ca toi'önä Diosrö esetätörö amöcuädö, ucuocuätucui Diosrö.

Filipenses 3:3

Iso päi'önä ujutumä adiunä circuncidados huotöjä. Ujutumä Cristo Jesúsru esetö Espíritu Santonä eseunu amöcuädö ucuocuätöjä Diosrö. Ujutumä tidepä jähuämä ta̧'cua̧ huȩnä̧ro̧co̧tö̧jä̧.

1 Pedro 2:9

Ucutu Dios ȩmi̧nä̧u̧jä̧. Tu̧ru̧hua̧ hue'ähuotöjä, churutä pä̧huä̧ rö̧jo̧mȩnä̧ jȩcu̧'ä̧tu̧cua̧ pä'ö. Ja̧'hua̧ta̧nö̧ ucutumä Dios umöhuäyotöjä, chutä ä'ca jo̧mȩttö̧ adiunätä cu̧ja̧cuä̧tu̧cua̧ pä'ö. Ucutumä ja̧'hua̧nö̧ ka̧cuä̧tö̧jä̧, Dios adihuä juäi jȩö̧ huȩnȩ jicuhuähuätucua pä'ö. Ja̧u̧ yo̧ö̧ttö̧ rä'opö, adihuä juäi tȩa̧u̧nä̧ cuecuhuächätucua pä'ö huoinä̧u̧jä̧.