San Juan 3:5 - TÄ̧DO Ä̧CUÄ̧ I̧HUȨNȨ

⁵ Ja̧'hua̧ ja̧'a̧ Jesús ädätinäcudo: —Iso päi'önä pä'ösä ucuru, ya̧tȩ ajiyattö'inä, Espíritu Santottö'inä uhuäpächocömä, Dios ö̧jo̧mȩcu̧ yoröiso do'ächocö jä̧cua̧.

Nuevo Testamento Uwotjüja

⁵ Jesú ädätinä̧ku̧: —Isopäi'ünätä̧ pädäkujä̧, ajiyattü'i̧nä̧, Epíritu-ttü'i̧nä̧ uwäpächokümä̧ Ru̧wa̧ Dio weomȩmä̧ do'ächokü jä̧kua̧.

San Juan 3:5 Iomraidhean Croise

San Mateo 18:3

Ja̧u̧nu̧ o'ca'a jahuätörö pä'inödo: —Iso päi'önä pä'ösä ucuturu, ppo̧'ä̧tö̧ ttamöcuädö'a̧nö̧ pärocuäcutä cuamöcuädätucu juiyöttömä, yoröiso Dios ö̧jo̧mȩ do'ächocotö cuäcuotöjä.

San Mateo 19:24

Pä'äji ta'anö pä'ösä järe ruhuotö Dios ö̧jo̧mȩ 'chä̧cuä̧huä̧nä̧, camello pä̧rä̧ta̧ri̧ isäjunä 'cuäo'a pä'ö jȩo̧mȩttö̧'i̧nä̧ abonänö 'quiya'a.

San Mateo 21:31

Ja̧'hua̧nö̧ ja̧'a̧ttö̧ ¿tide jȩi̧nä̧ttö̧ jä'o päömä? Jahuätö pä'inätödo: —Äcuomenä hueäcutä adiu jȩpi̧nö̧. Ja̧'hua̧ ja̧'a̧ Jesús päinä̧u̧do: —Iso päi'önä pä'ösä ucuturu, korotömä ru̧hua̧ öäre pärätä ȩmä̧'i̧jä̧tö̧'i̧nä̧, nä̧tö̧ ja̧'a̧tä̧ra̧'a̧ huotö'inä ucututtu'inä ä'canä Dios i̧tti̧mö̧ pätti'äcuotö.

San Mateo 28:19

Ja̧'hua̧nö̧ ja̧'a̧ttö̧ o'ca toi'önä ttö̧ja̧rö̧ pi̧jä̧ pa̧ja̧cu̧nä̧ 'chä̧nö̧, ji'ähuäjätucui ttörö ttesetäcua'a̧nö̧. Chä'o i̧mi̧nä̧'i̧nä̧, I̧tti̧ i̧mi̧nä̧'i̧nä̧, Espíritu Santo i̧mi̧nä̧'i̧nä̧ jahuätörö bautizando jȩpä̧tu̧cui̧.

San Mateo 3:11

Ttömä, iso päi'önä ajiyanätä bautizando jȩpö̧sä̧ korotö totta pä'ö pärocuäcutä cuamöcuädätucua'a. Juhuorö'inä ttö cho'ca'anä ichömä ucuturu bautizando jȩä̧cua̧ Espíritu Santocu, ocuräcu. Ja̧u̧ ttöttö'inä abonänö ju̧ru̧hua̧. Ttömä yoröiso adihuä i̧sa̧cö̧sä̧. Ja̧'hua̧ta̧nö̧ ö̧jä̧pö̧ isäya'inä ko̧'ä̧dö̧ chicu juiyö'a̧nö̧ ja̧'a̧.

San Mateo 5:20

Ucuturu pä'ösä, ja̧u̧ hueähuä huȩnȩ huo̧juȩtä̧tö̧ttö̧'i̧nä̧, fariseos huotöttö'inä abonänö adiunä cuecuhuächätucu juiyöttömä, yoröiso Dios Cu̧ru̧hua̧ päi'önä ko̧cö̧, —pä'ö huo̧juȩti̧nö̧do Jesús.

San Marcos 10:14

Jesús ja̧'hua̧nö̧ jȩtta̧'a̧ tomenä, ra̧huä̧rö̧nä̧nö̧ pä'inödo jahuätörö: —Ppo̧'ä̧tö̧ huäinä ichätö ttörö. Ja̧'a̧tä̧ topätucui. Dios Tu̧ru̧hua̧ päi'önä kö̧ pä'ätömä, ppo̧'ä̧tö̧ jä̧'i̧nö̧'a̧nö̧ huotö.

San Marcos 16:16

Ya̧tȩ esetömä, bautizando hua̧mä̧, suronä jȩi̧nö̧ jȩpö̧ icu Dios. Ja̧'hua̧nö̧ ja̧'a̧nä̧ esetocömä, Dios ö̧tä̧bo̧tä̧cua̧ ja̧u̧ru̧.

San Marcos 9:47

Ja̧'hua̧ta̧nö̧ cu'äre suronä jȩcu̧'a̧ pä'ö hueöttömä, baropö icui. Iso päi'önä cu'äre torere ka̧'a̧nä̧, ocurära̧'a̧ cui̧'cha̧'a̧ttö̧'i̧nä̧ abonänö adihua'ado Dios Ttu̧ru̧hua̧ päi'önä ö̧jo̧mȩ doächäcuähuänä cu'äre jiretetä ka̧'a̧ 'chä̧cuä̧huä̧nä̧.

San Lucas 13:24

—Äpate ji̧'qui̧cha̧jatenä do'ächätucui. Ttö pädä̧u̧jä̧, recuätö dottächa pätta'anä, dottächö juiyönä jä̧cuo̧tö̧.

San Lucas 13:3

Ttö pädömä juhua'acumä jo̧ca̧'a̧ ji̧na̧'a̧. Ja̧'hua̧ta̧nö̧ ucutu pärocuäcutä cuamöcuädätucu juiyöttömä, ucutu o'ca toi'önä ja̧'hua̧ta̧nö̧ tocuhue'äcuotöjä.

San Lucas 13:5

Ttö pädömä juhua'acumä jo̧ca̧'a̧ ji̧na̧'a̧. Ja̧'hua̧ta̧nö̧ ucutu pärocuäcutä cuamöcuädätucu juiyöttömä, ucutu o'ca toi'önä ja̧'hua̧ta̧nö̧ tocuhue'äcuotöjä.

San Juan 1:13

Jahuätö pi̧jä̧ ttö̧ja̧ tti̧tti̧mö̧ jö̧'a̧nö̧ huocotödo. Pi̧jä̧ ttö̧ja̧ tti̧tti̧mö̧ ttuhuäpächö'a̧nö̧ uhuäpächocotö pi̧nä̧tö̧do. Ja̧'hua̧ta̧nö̧ ya̧tȩ pi̧jä̧ ttö̧ja̧ i̧sa̧rö̧ pä̧huä̧ rö̧jo̧mȩnä̧, uhuäpächocotö pi̧nä̧tö̧do. Jahuätömä Dios i̧tti̧mö̧do.

San Juan 3:3

Ja̧'hua̧ ja̧'a̧ Jesús ja̧u̧ru̧ pä'inödo: —Iso päi'önä pä'ösä ucuru, ya̧tȩ jareönä uhuäpächö juiyöttömä, yoröiso do'ächocö jä̧cua̧ Dios ö̧jo̧mȩcu̧.

San Juan 3:4

Nicodemo jä'epinödo: —Ja̧'hua̧nö̧ ja̧'a̧nä̧ ya̧tȩ böomä, ¿tta̧'a̧nö̧ uhuäpächäcua'ajä̧ttö̧ jareönä? ¿Ja̧ju̧ ku̧cuä̧ba̧nä̧ pä'äji ta'anö doächäcua'a tä̧ji̧, jareönä uhuäpächa pä'ö?

Hechos 2:38

Ja̧'hua̧nö̧ ja̧'a̧ Pedro ädätinödo: —Pärocuäcutä amöcuädätucui. O'ca toi'önä Jesucristo i̧mi̧nä̧ bautizado pä'i'ätucui, Dios suronä jȩcu̧'i̧nä̧tu̧cu̧ jȩpö̧ icuätucuacu. Ja̧'hua̧nö̧ jȩcu̧'ä̧tu̧cuo̧mȩnä̧, ucuturu i̧yä̧cua̧ Espíritu Santorö Diosmä.

Hechos 3:19

Ja̧'hua̧ ja̧'a̧ pärocuäcutä amöcuädätucui. Diosrö ppa̧'ä̧chä̧tu̧cui̧, suronä jȩcu̧'i̧nä̧tu̧cu̧ si'epö icua pä'ö, cua̧'cua̧ eseunu kä̧cuä̧huä̧ iyätucuacu pä'ö, Jesucristorö ä'canä ucuturu pätetö hue'inörö huea pä'ö.

Romanos 14:17

Dios hueömä ttu̧cuȩnä̧tä̧mä̧cö̧, ttaunätämäcö̧. Dios hueömä adiu jȩä̧cuä̧huä̧, tta̧'cua̧ adiu, tta̧'cua̧rö̧ eseu, Espíritu Santonä ttö̧jo̧mȩnä̧.

Romanos 8:2

Espíritu Santo ujurunä Jesucristocu ji̧nä̧ ji̧yȩtȩ huotörö kä̧cuä̧huä̧ iyömä, ttörö ȩmö̧ icuinö surojö ujuruttu'inä, hua'arettö'inä.

1 Corintios 15:50

Adihuä chö̧jä̧hua̧tö̧, ucuturu ji'äusä, pi̧jä̧ttö̧, ttidepäcu'inä, ttucuojacu'inä yoröiso doächäcuähuoca'a Dios ö̧jo̧mȩ. Koro beipächä̧cuȩ'i̧nä̧, koro beipächocö jä̧cuȩ'i̧nä̧ huihuacuoca'a jä̧cua̧'a̧.

1 Corintios 2:12

Ja̧'hua̧nö̧ ja̧'a̧ttö̧ ujutumä pi̧jä̧ jähuättö espírituru ȩmo̧co̧tö̧ pi̧nä̧tö̧jä̧. Ujutumä Diosttö ȩmi̧nä̧tö̧jä̧ Espíritu Santorö, o'ca juiyönä Dios adihuä juäi iyinömä adiu tu̧huo̧jua̧ pä'ö.

1 Corintios 6:11

Pä'äji ucututtu yotöte ja̧'hua̧nö̧ jȩpi̧nä̧tö̧jä̧. Jitämä Tu̧ru̧hua̧ Jesús i̧mi̧nä̧'i̧nä̧, Espíritu Santonä'inä Dios aditö icu ȩmi̧nä̧u̧jä̧ ucuturu. Ja̧'hua̧ta̧nö̧ Dios jȩi̧nä̧u̧jä̧ ja̧u̧cu̧ ji̧nä̧ ji̧yȩtȩ huotö cu'ätucua pä'ö.

Gálatas 6:15

Ja̧'hua̧ta̧nö̧ Cristo Jesúsru tesetomenä, circuncisión jȩä̧cuä̧huä̧'i̧nä̧, circuncisión jȩä̧cuä̧huo̧cö̧'i̧nä̧, yoröiso micuähuocö. Cristorö esetö jareönä ttö̧ja̧ päti'omenätä micuähua'a.

Efesios 5:26

Ja̧'hua̧nö̧ iyähuinödo, Diosrö esetätörö töcö icu aditö icua pä'ö ajiyanä'inä, chutä i̧huȩnȩnä̧'i̧nä̧.

1 Pedro 1:2

Dios täbocö jȩa̧ pä'ö amöcuädinö ta'anö, ucutu ȩmi̧nä̧u̧jä̧. Espíritu Santonä aditö icuinä̧u̧jä̧ ucuturu, hueö ta'anö jȩcu̧'ä̧tu̧cua̧ pä'ö. Ja̧'hua̧ta̧nö̧ Jesucristo ucuojanä töcö icuinä̧u̧jä̧. Dios rö̧ȩnä̧ ppädäcua'a̧nö̧ ucuturu. Ja̧'hua̧ta̧nö̧ rö̧ȩnä̧ eseunu kä̧cuä̧huä̧ iyäcua'a̧nö̧ ucuturu.

1 Pedro 3:21

Ja̧u̧ aje suhuädinömä bautizando jȩtta̧'a̧ jä̧'i̧nö̧'a̧nö̧ ji̧na̧'a̧do. Ujutu'inä bautizando jȩto̧mȩnä̧, suronä jȩtö̧ jȩpö̧ icu Dios. Bautizando jȩtö̧mä̧, ujutu tidepämä töcö icuocödo. Ji̧yȩä̧cuȩtä̧ Diosrö jäecuätä ta̧'cua̧ adiu iyömä. Ja̧'hua̧ta̧nö̧ Jesucristo ttoächinö huȩnȩ esetö, ujutu suronä jȩtö̧ jȩpö̧ icudo.

1 Juan 2:29

Ucutu huo̧juä̧tö̧jä̧ Jesucristo adiu jȩpö̧ pä'ö. Ja̧'hua̧ta̧nö̧ cu̧huo̧juä̧tu̧cu̧'a̧nö̧ ja̧'a̧ o'ca toi'önä adiu jȩpö̧ ka̧cuä̧tö̧mä̧, Dios i̧tti̧mö̧ pä'ö.

1 Juan 5:1

O'ca toi'önä Jesúsmä Cristo ja̧'a̧ pä'ö esetätömä, Dios i̧tti̧mö̧. Ya̧tȩ ta̧hua̧ru̧hua̧ i̧tti̧mö̧ ku̧nä̧rö̧rö̧ repetöttömä, ja̧u̧tä̧ i̧tti̧mö̧rö̧'i̧nä̧ repe'ätöjä.