San Juan 3:33 - TÄ̧DO Ä̧CUÄ̧ I̧HUȨNȨ

³³ Ja̧'hua̧nö̧ ja̧'a̧nä̧ ya̧tȩ esetöttömä, “Dios iso päi'önä päa'a” pä'ödo.

Nuevo Testamento Uwotjüja

³³ Ja̧'wa̧nü̧ ja̧'a̧nä̧, ya̧tȩ Jua̧u̧ru̧ esetümä̧, Dio-mä̧ Jueü wȩnȩ ja̧'a̧ pä'ü wo̧jui̧'ü̧.

San Juan 3:33 Iomraidhean Croise

San Juan 6:27

Cuäcuähuä surojuoächä̧cuȩmä̧ a̧mö̧cuä̧rö̧, cuaditätucuä'. Yoröiso surojuoächocömä, kä̧cuä̧huä̧ i'co iyötä, a̧mö̧cuä̧rö̧ aditätucui. Ja̧u̧tä̧ juäi, ttötä, Ubo I̧tti̧mä̧ iyösä ucuturu, Chä'o Dios ttörö ja̧'hua̧nö̧ hueina'attö.

San Juan 8:26

Ucuturu rö̧ȩnä̧ ji'äu pädö'a̧nö̧ ja̧'a̧. Ja̧'hua̧nö̧ ja̧'a̧nä̧ ttörö hue'inömä iso päi'önä pä'ö. Ja̧'hua̧ta̧nö̧ ucuturu, pi̧jä̧nä̧ ka̧cuä̧tö̧rö̧ pädömä, ja̧u̧tä̧ päa'a ä̧ju̧cu̧, pä'ösä.

Romanos 15:28

Ja̧'hua̧nö̧ cädädäcuähuomenä, ja̧u̧ juäi iyipö, España rȩjȩra̧'a̧ 'chä̧nö̧ kä̧nö̧, ucuturu do̧dä̧chä̧cua̧sä̧.

Romanos 4:11

Abrahammä Diosrö esetinö o'ca'a, Dios hueinäcu Abraham circuncisión jȩa̧ pä'ö, o'ca toi'önä ttu̧huo̧jua̧ pä'ö. Ja̧'hua̧ta̧nö̧ Abraham circuncisión jȩö̧ juiyäi, Diosrö esetomenä, Dios Abrahamrö jȩpi̧nö̧ chutäcu ji̧nä̧ ji̧yȩtȩ ja̧ pä'ö. Ja̧'hua̧nö̧ ja̧'a̧ttö̧ o'ca toi'önä circuncisión jȩpo̧co̧tö̧ Diosrö esetätö, Abrahammä ttä'o jä̧cua̧. Ja̧'hua̧ta̧nö̧ Diosrö ttesetiyäcu, Dios jahuätörö jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö.

1 Corintios 9:2

Korotömä ttörö pä'ätö a̧'cua̧ra̧'a̧, ja̧u̧mä̧ Jesús hue'ähuocö pä'ö. Korotömä ja̧'hua̧nö̧ pättomenä, ucutu ttörö iso päi'önä huo̧juä̧tö̧jä̧. Ucutumä Curu̧hua̧tu̧cu̧ru̧ cuesetätucuomenä, huo̧juä̧tö̧jä̧ ja̧u̧mä̧ iso päi'önä Jesús huȩ'ä̧hua̧ pä'ö.

2 Corintios 1:18

Diosmä ujuturu huo̧jua̧. Ja̧'hua̧nö̧mä̧ todärenä pä'ocotöjä ucuturu.

2 Corintios 1:22

Ja̧u̧mä̧ ujuturu hue'inödo i̧tti̧mö̧ päti'a pä'ö. Ja̧'hua̧ta̧nö̧ iyinödo Espíritu Santorö tami iso'quinä. Ja̧'hua̧nö̧ jȩpö̧ huo̧juä̧tö̧jä̧, iso päi'önä iyömä tȩmä̧cuo̧tö̧jä̧.

Efesios 1:13

Ucutu adihuä iso päi'önä huȩnȩ, suronä jȩttö̧ jȩpö̧ icu huȩnȩ ä̧ju̧cu̧, Cristorö cuesetätucuomenä, ja̧u̧cu̧ ji̧nä̧ yo̧mȩtȩnä̧ chutä i̧tti̧mö̧ päcuhui'ätucua pä'ö hueinä̧u̧jä̧, Espíritu Santonä iya päinö ta'anö.

Efesios 4:30

Espíritu Santo a̧'cua̧ tta̧huȩcu̧ juiyönä ka̧cuä̧tu̧cui̧. Ja̧u̧ Espíritu Santo ucuturu ppädomenä, korotö ucuturu topö huo̧juä̧tö̧ iso päi'önä Dios i̧tti̧mö̧jä̧ pä'ö. Ja̧u̧ Espíritu Santo ucuturu tta̧'ä̧rö̧, Tu̧ru̧hua̧ ucuturu ȩmö̧ ichome jubö päi'önä.

2 Timoteo 2:19

Ja̧'hua̧nö̧ ja̧'a̧nä̧ Diosrö teseta pä'ö äcuomenä aditinömä, 'quiyö ka̧'a̧. Dios aditinömä pa̧'a̧nö̧ päa'a: “Tu̧ru̧hua̧ chutä umöhuäyotörö huo̧jua̧.” Ja̧'hua̧ta̧nö̧ päa'a: “O'ca toi'önä Cristo i̧mi̧nä̧ ucuocuätömä, surojöttö 'quȩtti̧pä̧chö̧'a̧nö̧ ja̧'a̧.”

Hebreos 6:17

Ja̧'hua̧nö̧ ja̧'a̧ttö̧ Dios, chutä i̧mi̧nä̧ ucuocu iya pä'inödo. Ja̧u̧ adihuä juäi iya päinö ttȩmä̧cuo̧tö̧mä̧, o'ca juiyönä päinö ta'anö i̧yä̧cua̧, adiunä ttu̧huo̧jua̧ pä'ö pä'inödo.

1 Juan 1:10

“Ujutu yoröiso suronä jȩpo̧co̧tö̧ pi̧nä̧töjä̧” pätöttömä, “Dios yaparehua̧” pä'ätöjä. Ja̧'hua̧nö̧ pätomenä, Dios i̧huȩnȩ jui'ätöjä.