San Juan 3:27 - TÄ̧DO Ä̧CUÄ̧ I̧HUȨNȨ

²⁷ Ja̧'hua̧nö̧ ja̧'a̧ Juan jahuätörö pä'inödö: —Dios ya̧tȩrö̧ iyö juiyöttömä, yoröiso jui̧'a̧.

Nuevo Testamento Uwotjüja

²⁷ Pättiyäku, Ju̧a̧-mä̧ päinä̧u̧: —Ttü̧ja̧sa̧rü̧ kkorojuei Dio iyoka'a jo̧mȩnä̧mä̧, yoriso u̧ju̧nä̧ra̧ pä'ümä̧ jui̧'a̧.

San Juan 3:27 Iomraidhean Croise

San Mateo 21:25

¿Di hueinättö Juanrö bautizando jȩa̧ pä'ö? ¿Dios tä̧ji̧ hue'inömä? ¿Pi̧jä̧ ttö̧ja̧ tä̧ji̧ hue'inätömä? Ja̧'hua̧nö̧ jäepomenä, jitötä ttamönä ucuocuäcuähuinätödo: —Dios hueinäcu pätöttömä, ujuturutä pä̧cua̧ a̧'cua̧ra̧'a̧: “¿Dä̧bö̧ cuesetätucuoca'ajä̧ttö̧?”

San Mateo 25:15

“Ya̧tȩrö̧ cinco mil bolívares jo̧mȩnä̧ iyinödo. Ka̧ra̧rö̧ dos mil bolívares jo̧mȩnä̧ iyinödo. Ka̧ra̧rö̧ ya'ute mil bolívares jo̧mȩnä̧ iyinödo. Churutä ppa̧ttä̧dö̧'a̧nö̧ jo̧mȩtä̧ iyinä̧u̧do. Ja̧'hua̧nö̧ iyipö cue'ächö 'chi̧nö̧do.

San Marcos 13:34

Ya̧tȩ ubo cue'ächö 'chä̧nö̧, ojusodenä umöhuäyotörö hueipa'a jä̧'i̧nö̧'a̧nö̧ ja̧'a̧. Jahuätörö hue'ö ttaditähuä pö̧nä̧. Äpate ä'ca tta̧huä̧rä̧cuä̧huä̧ i̧sa̧rö̧'i̧nä̧ tta̧huä̧ra̧ pä'ö hue'ipö.

San Juan 10:41

Recuätö ttö̧ja̧ ja̧u̧ru̧ topö 'chi̧nä̧tö̧do. Pä'inätödo: —Iso päi'önä, Juan ttö̧ja̧ ttieru juäi jȩo̧ca̧'a̧nä̧, piderö o'ca juiyönä päinömä iso päi'önä pä'inö, —pä'inätödo.

San Juan 6:65

Chutä pä'inödo: —Ja̧'hua̧nö̧ ja̧'a̧ttö̧ ucuturu pä'äjisä, Chä'o i'cächö juiyöttömä, ttörö yoröiso ichocotödo.

Romanos 1:5

Jesucristorö chesetomenä, Dios hueinäcusä Jesucristo i̧mi̧nä̧ i̧huȩnȩ jidähua pä'ö o'ca toi'önä ttö̧ja̧rö̧, yotöcunä i̧huȩnȩ esetö, Dios hueö jȩttä̧cua̧'a̧nö̧.

Romanos 12:6

Dios ujutu jȩta̧ pä'ö iyinö churutä pä̧huä̧ rö̧jo̧mȩnä̧. Dios iyähuä huȩnȩ jitähua pä'ö iyinöttömä, Diosrö esetö, jitäu'a̧nö̧ ja̧'a̧.

1 Corintios 1:1

Ttö Pablo, Diosrö pä̧huä̧ rö̧jo̧mȩnä̧ huoinäcusä, Jesucristo huȩ'ä̧hua̧ päi'önä chö̧ja̧ pä'ö. Ji̧nä̧ yo̧mȩtȩnä̧ chö̧jä̧hua̧ Sóstenescu huȩyu̧tu̧sä̧ pojä cuyäru isojänä chö̧jä̧hua̧tö̧rö̧, Dios i̧huȩnȩ esetätörö, Cristo Jesúsru tteseta'attö Dios i̧tti̧mö̧rö̧, Corinto ötahuiyänä ka̧cuä̧tö̧rö̧. Dios huoinä̧u̧jä̧ ucutu adihuä juäitä amöcuädö cu̧ja̧cuä̧tu̧cua̧ pä'ö, o'ca toi'önä pa̧ja̧cu̧nä̧ Ttu̧ru̧hua̧ Jesucristo i̧mi̧nä̧ ucuocu esetätöcu. Ja̧u̧mä̧ jitö'inä Ttu̧ru̧hua̧, ujutu'inä Tu̧ru̧hua̧ päi'önä kö̧.

1 Corintios 12:11

O'ca juiyö pi̧yȩmä̧ iyö ya̧tȩtä̧ ji̧yȩä̧cuȩtä̧ Espíritu Santotä. Ja̧u̧tä̧ ka̧ra̧rö̧'i̧nä̧, ka̧ra̧rö̧'i̧nä̧ churutä pä̧huä̧ rö̧jo̧mȩnä̧ iyö, adiu jȩttä̧cua̧'a̧nö̧.

1 Corintios 15:10

Juhuorö'inä Dios ttörö ppäda'attö, o'ca juiyönä jȩchö̧mä̧ jȩpö̧sä̧. Ja̧'hua̧ta̧nö̧ Diosrö pä̧huä̧ rö̧jo̧mȩnä̧ jȩpö̧sä̧. Ja̧'hua̧nö̧ ja̧'a̧nä̧ korotö Jesús hue'ähuotöttö'inä abonänö rö̧ȩnä̧ aditinösä. Juhuorö'inä ttötä chamönä jȩcho̧ca̧'a̧nä̧, Dios ppädomenätä jȩpi̧nö̧sä̧.

1 Corintios 3:5

Iso päi'önä, ¿dijä̧ttö̧ Pablomä? ¿Dijä̧ttö̧ Apolosmä? Ujutumä Dios i̧huȩnȩ ji'ähuätöjä. Ujutu jitähuomenä, ucutu Cu̧ru̧hua̧tu̧cu̧ru̧ esetinätöjä. Ja̧'hua̧ta̧nö̧ ujutu, ka̧ra̧'i̧nä̧, ka̧ra̧'i̧nä̧, Tu̧ru̧hua̧ hueötä jȩpi̧nä̧tö̧jä̧.

1 Corintios 4:7

¿Dijä̧ttö̧ ucuru aditinömä, korotöttö'inä abonänö adihuä i̧sa̧ päi'önä cu̧ja̧ pä'ö? O'ca juiyönä cu̧ju̧nä̧rö̧ ¿Dios iyocö pi̧nö̧ tä̧ji̧ ucuru? Ucutumä cu̧ju̧nä̧rä̧tu̧cu̧ cuamönätucunä ȩmi̧nä̧tö̧jä̧ pä'ö jȩpä̧tö̧jä̧. Ja̧'hua̧nö̧ ja̧'a̧ttö̧ iso päi'önä Dios iyinöttömä ¿tta̧'a̧nö̧ pä'ö jȩcu̧'ä̧tu̧cuä̧ ja̧'hua̧nö̧ ucutumä?

Gálatas 1:1

Ttö Pablo Jesucristo huȩ'ä̧hua̧sä̧. Ja̧'hua̧ta̧nö̧ Tä'o Dios, Cristorö 'corupä'i'inätö ttö̧'quȩtȩttö̧ tto'ädinö'inä, huȩ'ä̧hua̧sä̧. Pi̧jä̧ ttö̧ja̧mä̧ hue'ähuocösä.

Efesios 1:1

Ttö Pablo, Diosrö pä̧huä̧ rö̧jo̧mȩnä̧, Jesucristo huȩ'ä̧hua̧sä̧. Pi̧yȩ cuyäru huȩyu̧tu̧sä̧, Dios i̧tti̧mö̧rö̧, Cristo Jesúsru esetätörö, Efeso ötahuiyänä ka̧cuä̧tö̧rö̧.

1 Timoteo 2:7

Ja̧u̧ huȩnȩ jiäcuähuä i̧sa̧ päi'önä huȩ'ä̧hua̧sä̧. Diosrö esetäcuähuä huȩnȩ'i̧nä̧, iso päi'önä huȩnȩ'i̧nä̧ chu̧huo̧juȩta̧ pä'ö judíos huocotörö huȩ'ä̧hua̧sä̧. Cristorö cheseta'attö, iso päi'önä ji'äusä. Yapareumä ji'ähuocösä.

Santiago 1:17

O'ca juiyönä adiumä ttö̧ä̧nä̧huo̧mȩttö̧ icha'ado. Diosttö kä̧hua̧tö̧rö̧'i̧nä̧, si̧ri̧'cö̧rö̧'i̧nä̧ aditinöttö icha'ado. Diosmä yoröiso pärou icuocö. Tti jo̧mȩ pärohue'ö kö̧'a̧nö̧, pärohuocö Diosmä.