San Juan 3:21 - TÄ̧DO Ä̧CUÄ̧ I̧HUȨNȨ

²¹ Ja̧'hua̧nö̧ ja̧'a̧nä̧ iso päi'önä juäi jȩpä̧tö̧mä̧, ja̧u̧ tȩa̧u̧ tö'cöpächätö, Diosrö pä̧huä̧ rö̧jo̧mȩnä̧ jȩtta̧'a̧ ttu̧huo̧juä̧cua̧'a̧nö̧ korotömä.

Nuevo Testamento Uwotjüja

²¹ Ja̧'wa̧nü̧ ja̧'a̧nä̧, jueü wȩnȩnä̧ jȩpü̧ kka̧kuä̧tü̧mä̧ tȩya̧u̧ra̧'a̧ku̧ ichätü, Dio a̧'kua̧ iweyenä̧ jȩpü̧ ttü̧jä̧'i̧jü̧ i̧jȩkuä̧chü̧nä̧.

San Juan 3:21 Iomraidhean Croise

San Juan 1:47

Jesús Natanael tö'cönänö ichö tomenä, pä'inödo: —Pȩnȩmä̧ iso päi'önä Israel ttö̧ja̧ i̧sa̧ ichö. Ja̧u̧mä̧ yoröiso yapareu jȩpo̧cö̧.

San Juan 3:20

O'ca toi'önä suronä jȩpä̧tö̧mä̧, adihuä tȩa̧u̧mä̧ kö'cocotö. Ja̧u̧ tȩa̧u̧ tö'cöpächocotö, suronä jȩtta̧'a̧ ttu̧huo̧ju̧ juiyäcua'a̧nö̧ korotömä.

San Juan 5:39

Ucutumä ttu̧ȩcuä̧nä̧ ucuocuätöjä Huȩyu̧cuä̧ Huȩnȩ. Ja̧'hua̧nö̧ ucuocu, kä̧cuä̧huä̧ i'co cu̧'o̧cui̧'ä̧tu̧cua̧ pä'ätöjä. Ja̧'hua̧nö̧ ja̧'a̧nä̧ Huȩyu̧cuä̧ Huȩnȩ ttörötä päa'a.

San Juan 7:17

¿Ttötä chamönä huȩnȩ huo̧juȩtö̧sä̧ tä̧ji̧? ¿Dios i̧huȩnȩ huo̧juȩtö̧sä̧ tä̧ji̧? Ya̧tȩ Diosrö pä̧huä̧ rö̧jö̧ jȩa̧ pä'ö amöcuädöttömä, ttö chu̧huo̧juȩtö̧mä̧ u̧huo̧juä̧cua̧.

1 Corintios 15:10

Juhuorö'inä Dios ttörö ppäda'attö, o'ca juiyönä jȩchö̧mä̧ jȩpö̧sä̧. Ja̧'hua̧ta̧nö̧ Diosrö pä̧huä̧ rö̧jo̧mȩnä̧ jȩpö̧sä̧. Ja̧'hua̧nö̧ ja̧'a̧nä̧ korotö Jesús hue'ähuotöttö'inä abonänö rö̧ȩnä̧ aditinösä. Juhuorö'inä ttötä chamönä jȩcho̧ca̧'a̧nä̧, Dios ppädomenätä jȩpi̧nö̧sä̧.

2 Corintios 1:12

Pi̧yȩ amöcuädö esehuätöjä. Ujutu tami iso'quinä tamöcuädomenä, huo̧juä̧tö̧jä̧ iso päi'önä adiunä ta̧'cua̧ pö̧nö̧ cue'ächätöjä pi̧jä̧nä̧ ucutu cuä'catucu jo̧mȩttö̧. Diostä ujuturu repe'ö ppä'ädinö ja̧'hua̧nö̧ cuetächa pä'ö. Ujutu tamönä tamöcuädönä ja̧'hua̧nö̧mä̧ cue'ächocotöjä.

Gálatas 6:8

Ya̧tȩ churutä pä̧huä̧ rö̧jö̧ amöcuädötä ku̧nu̧mä̧, ja̧u̧ chutä amöcuädö hua'aretä ȩmä̧cua̧. Ja̧'hua̧nö̧ ja̧'a̧nä̧ Espíritu Santorötä pä̧huä̧ rö̧jo̧mȩnä̧ u̧ju̧nu̧ttu̧mä̧, ja̧u̧ru̧ Espíritu Santo kä̧cuä̧huä̧ i'co i̧yä̧cua̧.

Efesios 5:9

Tȩa̧u̧nä̧ ka̧cuä̧tö̧mä̧, adiunätä jȩpä̧tö̧ o'ca toi'önärö. Ja̧'hua̧ta̧nö̧ iso päi'önä huȩnȩ jȩpö̧, tta̧'cua̧ pö̧nö̧ ka̧cuä̧tö̧.

Filipenses 1:11

Ja̧'hua̧nö̧ cu̧ja̧cuä̧tu̧cuo̧mȩnä̧, Jesucristo ppä̧dä̧cua̧ ucuturu adiutä jȩcu̧'ä̧tu̧cua̧ pä'ö, o'ca toi'önä Diosrö eseunu ttucuotarö pä'ö.

Filipenses 2:13

Chutä Diostä ucuturu iyö adiu amöcuädäcuähuä. Ja̧'hua̧ta̧nö̧ ja̧u̧tä̧ ucuturu ppä'ädö churutä pä̧huä̧ rö̧jo̧mȩnä̧, adiu amöcuädäcuähuä jȩcu̧'ä̧tu̧cua̧ pä'ö.

Colosenses 1:29

O'ca juiyönä chujuru Cristo iya'attö, ja̧'hua̧nö̧ aditö rohuäusä.

1 Pedro 1:22

Jitämä, Espíritu Santo huo̧juȩcuä̧, adihuä huȩnȩ cuesetätucuomenä, cu̧jä̧hua̧tö̧rö̧ Cristonä, adiu eseunu cuamöcuädätucua pä'ö, töcö icuinä̧u̧jä̧. Ja̧'hua̧nö̧ ja̧'a̧ttö̧ o'ca juiyönä cuami iso'quitucunä'inä, cujuruhuätucunä'inä o'ca toi'önärö eseunu ka̧cuä̧tu̧cui̧.

1 Juan 1:6

Ja̧u̧cu̧ ji̧nä̧ ji̧yȩtȩ huotöjä pätöttömä, yo̧ö̧nä̧ cue'ächö kä̧nö̧, yapareu ucuocuätöjä. Iso päi'önä huȩnȩ päö'a̧nö̧ jȩpo̧co̧tö̧jä̧.

3 Juan 1:11

Suronä jȩpä̧tö̧ jȩttö̧'a̧nö̧ jȩcu̧'ä̧' chö̧jä̧hua̧. Adiu jȩpä̧tö̧ jȩttö̧'a̧nö̧ jȩpi̧. Adiu jȩpö̧mä̧, Dios i̧tti̧ päi'önä kö̧. Suronä jȩpö̧mä̧, Diosrö topocö pi̧nö̧.

Apocalipsis 3:15

O'ca juiyönä jȩcu̧'u̧mä̧ huo̧jua̧sä̧. Ucumä diyau'inä diyapocöjä. Du'u'inä du'huocöjä. Diyauttu'inä, du'uttu'inä cu̧ju̧ttu̧mä̧ adihuaja'a.