San Juan 20:29 - TÄ̧DO Ä̧CUÄ̧ I̧HUȨNȨ

²⁹ Jesús ja̧u̧ru̧ pä'inödo: —Tomás, ucutä tocuhuomenätä esetäjijä. Korotömä tottoca'anä esetinätömä, iso päi'önä eseunu ttö̧ja̧cuä̧cuo̧tö̧.

Nuevo Testamento Uwotjüja

²⁹ Päiyäku Jesú-mä̧ päinä̧ku̧: —¿Ttürü topütätä esetüjä̧, Tomá? ¡Tottoka'anä̧, esetäjätütä ja̧'a̧ rü̧ȩnä̧ eseäkuäwä po̧kui̧pä̧tü̧mä̧!

San Juan 20:29 Iomraidhean Croise

San Mateo 13:16

Jesús juhua'a yabonö ji'ähuinödo: —Ja̧'hua̧ ja̧'a̧ ucutumä eseunu cu̧ja̧cuä̧cuo̧tö̧jä̧ cu'äretucunä'inä tocu'ätucua'attö, cuä̧ja̧tu̧cu̧nä̧'i̧nä̧ cuä̧ju̧cuä̧tu̧cua̧'a̧ttö̧.

San Lucas 1:45

Ucu esehuäjujä Tu̧ru̧hua̧ päjimä 'cuäopä̧cuȩmä̧ cuesetina'attö.

San Juan 20:28

Ja̧'hua̧ ja̧'a̧ttö̧ Tomás ädätinödo: —¡Chu̧ru̧hua̧jä̧! ¡Chä̧do̧ ä̧cua̧ Diosjä!

San Juan 20:8

Ja̧u̧nu̧ o'ca'a ka̧ra̧ u̧huo̧juȩtä̧u̧ i̧sa̧ ä'canä 'chä̧hui̧'i̧nö̧'i̧nä̧ do'ächinödo toa pä'ö. O'ca juiyönä 'cuäopäja'a topö, esetinödo.

San Juan 4:48

Ja̧'hua̧ ja̧'a̧ttö̧ Jesús päinäcudo: —Ucutumä ttö̧ja̧ ttieru juäi tocu'ätucu juiyöttömä, esetocotöjä.

2 Corintios 5:7

Ja̧'hua̧ta̧nö̧ ja̧u̧ru̧tä̧ esetö cue'ächätöjä. Tö'ärenä totönätä amöcuädötä cue'ächocotöjä.

Hebreos 11:1

Diosrö esetäcuähuänä, o'ca juiyönä tta̧tä̧rö̧mä̧ tȩmä̧cuo̧tö̧jä̧ pä'ö huo̧juä̧tö̧jä̧. Ja̧'hua̧ta̧nö̧ Diosrö esetäcuähuänä, koro juäi totocö juäi'inä iso päi'önä ja̧'a̧ huo̧juä̧tö̧jä̧.

Hebreos 11:27

Diosrö esetö, Egipto ru̧hua̧rö̧ ö̧ra̧huä̧ra̧'a̧ yecuoca'a, Moisés Egipto rȩjȩttö̧ rä'opinödo. Chutä, Diosrö uhuäpocörö, topö cuettächö jä̧'i̧nö̧'a̧nö̧, adiunätä jȩpö̧ 'chi̧nö̧do.

Hebreos 11:39

Jahuätö o'ca toi'önä Diosrö tteseta'a ttu̧huo̧jui̧nä̧u̧, Dios iya päinömä yoröiso ȩmo̧co̧tö̧ pi̧nä̧tö̧do.

1 Pedro 1:8

Jesucristorö tocu'ätucuoca'anä'inä, ja̧u̧ru̧ eseunu ka̧cuä̧tö̧jä̧. Ja̧'hua̧ta̧nö̧ ja̧u̧ru̧ tocu'ätucuoca'anä'inä cuesetätucuomenä, ttänämä jittäu juiyö'a̧nö̧ jö̧ rö̧ȩnä̧ cuesehuäcuotöjä, ucutu suronä jȩcu̧'ä̧tu̧cu̧ jȩpö̧ icu mo̧ro̧ päi'önä. Pi̧yȩ cuesetinätucu huȩnȩmä̧.