San Juan 20:2 - TÄ̧DO Ä̧CUÄ̧ I̧HUȨNȨ

² Ja̧'hua̧nö̧ topo'ö Simón Pedrocu, ka̧ra̧ u̧huo̧juȩtä̧u̧ i̧sa̧, Jesús rö̧ȩnä̧ repeäcucumä ttö̧jo̧mȩ jopinäjudo. Jahuätörö pä'inäjudo: —Tu̧ru̧hua̧rö̧ ȩpä̧jä̧tö̧ idorättö. Jerupätöjä ttötäjome.

Nuevo Testamento Uwotjüja

² Ja̧'wa̧nü̧ ja̧'a̧ topo'ü Simón Peduru-rü'i̧nä̧ ja̧'wa̧ta̧nü̧ kka̧ra̧, Jesú u̧wo̧juȩtä̧u̧ttü̧ rü̧ȩnä̧ repeä'ijäkuru'i̧nä̧ 'chä̧wi̧'ü̧ jopächü 'chä̧wi̧'ü̧ pä'inä̧ju̧: —¡Ttu̧ru̧wa̧rü̧mä̧, wa'are idorättümä̧ ȩmi̧pä̧jä̧tü̧ päjätü ja̧'wa̧nü̧ ja̧'a̧ ttütäjomȩmä̧ tieruwünä̧tä̧!

San Juan 20:2 Iomraidhean Croise

San Juan 13:23

Ya̧tȩ Jesús u̧huo̧juȩtä̧u̧ttu̧ i̧sa̧, Jesús rö̧ȩnä̧ repeäcumä, Jesús ippeyänä pä̧nö̧ cuinödo mesa isodänä.

San Juan 19:26

Jesús ja̧ju̧ru̧'i̧nä̧, ka̧ra̧ u̧huo̧juȩtä̧u̧ i̧sa̧, rö̧ȩnä̧ repeäcuru kippeyänä ö̧ja̧'a̧ tomenä, pä'inödo ja̧ju̧ru̧: —Isaju, chujuasä cui̧tti̧mä̧.

San Juan 20:13

Angeles jahuäjuru jä'epinätödo: —Isaju, ¿dä̧bö̧ cuajuähuättö? Jahuäju ädätinäjudo: —Chu̧ru̧hua̧rö̧ ȩmi̧pä̧jä̧tö̧do. Ttötäjome jerupajusä.

San Juan 20:15

Ja̧'hua̧ ja̧'a̧ttö̧ Jesús jä'epinödo jahuäjuru: —Isaju, ¿dä̧bö̧ cuajuähuättö? ¿Dirö cusättö? Jahuäju, ju̧huȩnȩ pätta tta̧huä̧rä̧cuä̧huä̧ i̧sa̧ ucuocua'acö̧ pä'ö ädätinäjudo: —Cha̧hua̧ru̧hua̧, ja̧u̧ru̧ cuȩmi̧pä̧ji̧ttö̧mä̧, cutäjome ji'ähuittö, kara'acu chȩmi̧pa̧rö̧ pä'ö.

San Juan 20:9

Ja̧'hua̧nö̧ ja̧'a̧nä̧ Huȩyu̧cuä̧ Huȩnȩ, Jesús ttoächäcuähuä huȩnȩ, ji̧nä̧ adiunä huo̧juä̧chi̧'o̧co̧tö̧ pi̧nä̧tö̧do.

San Juan 21:20

Jesús ja̧'hua̧nö̧ jiähuäji o'ca'a, Pedro kärächi'ö, ka̧ra̧rö̧ topinödo tto'ca'anä cue'ächörö. Ja̧u̧mä̧ Jesús rö̧ȩnä̧ repeäcu pi̧nö̧do. Ja̧'hua̧ta̧nö̧ pä'äji ttu̧cuȩ ttucuomenä, Jesús ippeyänä pä̧nö̧, jä'epinödo: “Chu̧ru̧hua̧, ¿dijä̧ttö̧ ucuru suronä jȩpä̧tö̧rö̧ i̧yä̧cua̧mä̧?”

San Juan 21:24

Ja̧u̧tä̧ Jesús u̧huo̧juȩtä̧u̧ i̧sa̧ pi̧yȩ o'ca juiyönä ji'ähuinödo. Ja̧'hua̧ta̧nö̧ pi̧yȩ o'ca juiyönä huȩyu̧ti̧nö̧do. Ja̧'hua̧ta̧nö̧ ujutu huo̧juä̧tö̧jä̧ ja̧u̧mä̧ iso päi'önä huȩnȩ ji'ähuinödo.

San Juan 21:7

Ja̧'hua̧nö̧ ja̧'a̧ttö̧ ya̧tȩ u̧huo̧juȩtä̧u̧ttu̧ i̧sa̧, Jesús rö̧ȩnä̧ repeäcumä, pä'inödo Pedrorö: —¡Ja̧u̧mä̧ Tu̧ru̧hua̧do! Pedro po̧i̧rö̧ 'chottomenä, ö̧'ca̧tä̧huä̧ta̧ huäme i̧sä̧ta̧ ko̧'ä̧dä̧cuä̧u̧ icuinödo. A̧hua̧ru̧hua̧ ja̧'hua̧nö̧ päa'a ä̧ju̧cu̧, ö̧'ca̧tä̧huä̧ta̧ 'ca̧tä̧huo̧po̧'ö̧, duboranä tö'inödo jäyotocu i̧'cha̧ pä'ö.