San Juan 20:18 - TÄ̧DO Ä̧CUÄ̧ I̧HUȨNȨ

¹⁸ Ja̧'hua̧ ja̧'a̧ttö̧ María Magdalena Jesús u̧huo̧juȩtä̧u̧ru̧ Ttu̧ru̧hua̧rö̧ tojäja'a'inä, Jesús jiähua'a kä̧ju̧cuä̧ji̧ huȩnȩ'i̧nä̧ ji'äu 'chi̧nä̧ju̧do.

Nuevo Testamento Uwotjüja

¹⁸ Ja̧'wa̧nü̧ ja̧'a̧ttü̧ María Madarena-mä̧ u̧wo̧juȩtä̧u̧ pä'ijätürü 'chä̧wi̧'ü̧ ji'äwinä̧ju̧, jareü wȩnȩ, Tu̧ru̧wa̧rü̧ topäjäjusä pä'ü ja̧'wa̧ta̧nü̧ pa̧'a̧nü̧ ji'äwäji pä'ü.

San Juan 20:18 Iomraidhean Croise

San Mateo 27:56

Jahuätö ttö̧'quȩtȩnä̧ María Magdalena'inä, María, Jacobonö, Josénö tta̧ju̧'i̧nä̧, Zebedeo i̧tti̧mö̧ tta̧ju̧'i̧nä̧ ka̧cui̧nä̧tö̧do.

San Mateo 28:10

Ja̧u̧ pä'inödo jahuätörö: —Yecuhuecuätucuä'. Chö̧jä̧hua̧tö̧rö̧ ji'ähuäjätucui Galilea rȩjȩra̧'a̧ tti̧'cha̧ pä'ö. Juhua'atä ttörö tottäcuotö.

San Lucas 24:10

U̧huo̧juȩtä̧u̧ru̧ ja̧u̧ ji'ähuinätömä tti̧mi̧mä̧ María Magdalena'inä, Juana'inä, Jacobo ja̧ju̧ María'inä pi̧nä̧tö̧do. Korotö nä̧tö̧'i̧nä̧ jahuätöcu ji'ähuinätödo.

San Juan 19:25

Jesúsru dau isodänä pȩ'o̧pö̧ ttu̧ju̧ni̧nodä jäyä Jesús ja̧ju̧'i̧nä̧, ja̧ju̧ köjähuaju María, Cleofas irecua'inä, María Magdalena'inä ka̧cui̧nä̧tö̧do.

San Juan 20:1

Ja̧u̧nu̧ pä̧nä̧, semana äcuomenä mo̧ro̧, ji̧nä̧ yo̧ä̧sa̧ ja̧'a̧ pä'ötä mo̧ro̧ juomenä, María Magdalena idorära̧'a̧ topö 'chi̧nä̧ju̧do. Ido'qui, idorä ä'ca mö̧ȩcuo'qui, juiya'atä topinäjudo.